کون کہتا ہے محمود نظامی مر گیاہے؟||ڈاکٹر عبدالواحد

عقیدے کی رو سے جسے ھم ‘روح’ سمجھتے ھیں ماھرین نفسیات اسے ذھن یا شعور (Mind) کہتے ھیں. دماغ بچے کیساتھ خام حالت میں پیدا ھوتا ھے. اسے اپنی زبان، خدا، مذہب وغیرہ کاکچھ پتہ نہیں ہوتا۔مگر یہ سب کچھ اسے مذہب عطاء کرتاہے ہمارے وسیب کے نوجوان کی بھی یہ شعوری سطح اور خیلات وتصورات کی دنیا علاقائی رسومات، مذہبی اطوار، معاشرتی بندھنوں کی تابعدار ہوچکی تھی۔ نیورو سائکالوجی (Neuropsychology) کے مطابق یہ تمام افعال ذھن سے پیدا ھوتے ھیں۔ ذہن حواس خمسہ سے چیزوں کو احساسات جذبات خیالات تصورات میں تبدیل کرتا ہے جسے شعور کہتے ہیں اسی لئے ایک بچے کو درسگاہ بھیجا جاتاہے کہ وہ شعور کو اجاگرکرپائے۔ تو اس شعور کی دنیا کو وسیب کے نوجوانوں کے سامنے محمود نظامی نے مشاہدات تصورات و خیالات اور نظریات کی رو سے اجاگر کرنے کی کوشش کی۔وہ محمود نظامی کو پی ایچ ڈی عالم نہیں تھا مگر کبھی سیاسی جلسوں میں سیاسی کارکنان کو ان کے سیاسی نظریات اور تصورات سے خوابیدہ کرتا تھا تو کبھی طالب علموں کو علم نشستوں میں سقراط ارسطو اور افلاطون کی مثال بن کر مظاہر کائنات دیکھاتا تھا اور کبھی مزدوروں کے درمیان بیٹھ کر وہ چی گوویرا کی جیسی جرات کا مظاہرہ کرتا تھا تو کبھی کسانوں اور ہاریوں کے ساتھ کپاس گندم اور گنے کے نرخوں پر سراپا احتجاج ہوا کرتا تھا تو کبھی عورتوں اور بیواؤں کے حقوق کے لیے معاشرے میں بنی ہوئی دیواروں پر کمند اچھالتا تھا۔ تو کبھی ذوالفقار علی بھٹو اور بے نظیر بھٹو کے فلسفے کی آبیاری کرتا پھرتا تھا

جس کا منشور عوامی اور جس کا رہن سہن اوڑھنا بچھونا معاشرے کے پسے ہوئے طبقات کی آواز بننا تھا۔ جسم ماده ھے تو اسکا شعور بھی اسی سے منسلک ہے۔ جب دماغ کے خلیئے مرنا شروع ہوتے ہیں تو موت آ جاتی ہے اور موت کیساتھ ذہن، شعور،سوچ بچار، احساس، یاداشت سب مر جاتے ہیں۔لیکن یہ سب اس وقت مر جاتے ہیں جب یہ اپنے لیے ہوتے ہیں جسمیں مادیت کا عمل دخل ہوتاہے یہ شعور اور تصورات خیالات، اور احساسات اسوقت امر ہوجاتے ہیں جب یہ عوامی شعور کا حصہ بن جاتے ہیں۔ محمود نظامی بھی ایک عوامی شعور کا استعارہ بن چکاہے توپھرکون یہ افواہیں پھیلا رہاہے کہ محمودنظامی مرچکا ہے؟ وہ تو کوئی اور ہے جسکو ہم نے لحد میں اتارا ہے جیسے بابا بلے شاہ نے کہا بُلھے شاہ اساں مرنا ناہی گور پیا کوئی ہور۔ محمود نظامی آج بھی زندہ ہے کبھی کسان کے ہل کی نوک میں تو کبھی طلباء کےعلمی شعورمیں تو کبھی مزدور کے بیلچے کی آواز میں تو کبھی سرائیکی صوبہ کے استعارےمیں تو کبھی بھٹو کے جیالے میں۔