اج دا ڈیہنہ مانہ احمدانی دے ناں||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔اج دا ڈیہنہ مانہ احمدانی دے ناں ۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔
اج مانہ احمدانی وچ بیرسٹرصغیر خاں احمدانی دی سس صاحبہ دی قل خوانی ھئی۔میڈے نال میڈا سوتر کوڑا خاں ملکانڑیں۔میڈا وڈا پتر سجاد اکبر خان ملکانڑیں۔بھتریجا عدیل خاں ملکانڑیں تیں سرائیکی دانشور، لکھاری ڈاکٹر احسان خاں چنگوانی شامل ہن۔قل خوانی وچ شرکت کیتی۔اوندے بعد قل خوانی وچ شامل میڈے بہوں پرانڑیں دوست سابق ممبر ضلع کونسل. مانہ احمدانی سابق چیرمین یونین کونسل ھالا جاوید اختر خاں احمدانی چاہ دا اکھ تیں اپڑیں دیرے تیں گھن گیا۔
فروٹ کھوائے۔چاہ پلائی۔سرائیکی قومی مسئلے تین وی تفصیل نال گال بات تھئی۔میڈے چھوٹے لا دے یار اپڑیں چھوٹے بھرا حاجی یونس خاں احمدانی نال مدینہ پاک وچ گال بات وی کرائی۔
قل خوانی وچ حاجی غلام شبیر خاں بزدار۔عمر خاں بزدار۔سردار قمر خاں احمدانی۔مختیار خاں لنڈ صحافی ۔پرو فیسر حیدر خاں لڈی ،ھاشم خاں کوریجہ۔علی خاں کوریجہ۔عقیل خاں کوریجہ۔زوار غلام سرور خاں ملکانڑیں۔ماسٹر اظہر خاں ملکانڑیں ۔مجید خاں ملکانڑیں. ممبر۔بے وی کافی دوست ملین جیرھے یاداشت وچ نہیں پئے اندے۔بحرحال لواحقین بلخصوص بیرسٹر صغیر خاں احمدانی نال ڈکھ دی سانجھ وی تھی گئی اے۔اساں وی مانہ احمدانی وچ ونج کیں نویں تازے تھی ایوں۔مانہ میڈا پرانا گھر اے۔
وقت دے دامن وچ وقت دا کجھ ہتھ سوڑ جو ھا۔تہوں مانہ احمدانی وچ پہلی دفعہ گناہ کبیرہ دا مرتکب تھیاں۔اپڑیں بیمار یاریں ماما خادم حسین حیدری۔ڈاکٹر فدا حسین خاں احمدانی کوں ملیئے بغیر سرائیکستان ھاوس وچ ول ایاں۔اندرو دے انسان ڈاڈھا ملام کیتے۔قبرستان دی جنازہ گاہ وچ قل خوانی بھگتانونڑ دے باوجود۔مولانا فدا حسین خاں احمدانی۔ماسٹر عاشق حسین کوریجہ۔ سلیم خاں گورمانی۔ لیاقت بھنڈوانی دی قبر دی زیارت کنوں محروم رہنڑ میڈے خیال وچ نا لائقی دی انتہا اے۔
مانہ مانے الے مانڑن۔ساڈا کیا۔ساڈا تاں سبھ کجھ ساڈے یار ان۔
مانے ویندے تیں ہنڑ نال سبب دے ہیں۔اللہ سئیں نیں ہنڑ کوئی اگر سبب بنڑایا تین ول اے ساریاں کمیاں کو تاہیاں غیر حاضریاں پوریاں کریسوں۔حالی حال ساریاں گالہیں اپڑیں زمے لا ول ایوں۔ول اوھو سرائیکستان ھاوس اے۔وکیل نادر اے۔مالک اشتر اے۔اکبر خاں کھوسہ اے۔عبدالھادی خاں گاڈی اے۔حاجی اللہ بخش خاں لشاری اے۔وت اوھے ہل اوھے پنجالیاں۔اوھو سرائیکی صوبہ۔ول اوھو لانگ مارچ۔وت او ھو اصف خاں۔وت اوھا سرائیکی یاترا۔وت او ھو عاشق دا میلہ۔وت او ھو استاد نزیر فیض میلہ۔ہنیں جیہاڑیں وت وسبے وسیب وچ ہک ہل چل مچی پئی اے۔پتہ نہیں اٹھ کیرھی کروٹ بہندے۔سرائیکیں دی ہک عادت اے۔کجھ منڈھو کم کریندے نئیں۔جیرھے کریندن انہیں کوں کرنڑ نہیں ڈیندے۔تہوں سرائکستان دی منزل لیلے باک تین ھ جیرھی مکنڑ وچ نہیں پئی اندی۔
اج وی مانے قل خوانی دی تقریر وچ مولی صاحب لکھاں کروڑاں موئیں بندیں واسطے دعا کرائی اے۔نسی دعا منگوائی تیں صرف سرائیکی صوبے دی دعا نسی منگوائی۔اگر منگواوے ھا چا۔کیرھا نقصان پیا تھیندا ھا اوندا۔ایں جرم وچ کلھا مسیت دا ملاں نئیں۔سکول دا استاد۔پولیس۔پٹواری۔ڈاکٹر۔صحافی سبھ لوک شامل ان۔سرائیکی صوبہ کلھا سرائیکی اگوانڑ۔شاعر۔دانشور دا مسئلہ نئیں۔پوری قوم دا مسئلہ اے۔جے تک سرائیکی صوبہ سرائیکستان کہتے پوری قوم کھڑی نہ تھیسی۔او تک سرائیکی مسئلہ ایویں لوڈیں وات رہسی۔شکریہ

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

About The Author

dailyswail

See author's posts