سرائیکی قوم ہر فیصلہ سوچ سمجھ تیں کرے||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پوری سرائیکی قوم کوں بطور ہک سرائیکی قوم دے ہر فیصلہ سوچ سمجھ تیں کرنڑاں چاہیدا اے۔
پنجابی قوم نیں اپڑیں ہیرو رنجیت سنگھ دا مجسمہ اپڑیں شھر لاھور وچ اگر لایا وی ھ۔اے کوئی انہیں جرم نہیں کیتا ۔لاھور انہیں دا اپڑاں گھر اے۔اپڑیں گھر وچ او جیرھا کجھ کرن۔اساں کون ہیں انہیں کوں روکنڑ آلے ۔
میں آپ تاں محرم دی وجہ نال کجھ مصروف ہم۔میں فیس بک تیں نئیں ڈیکھ سگیا۔میڈی پارٹی طلبا ونگ دے مرکزی صدر عبدالہادی خاں گاڈی بلوچ نیں فیس بک تیں پڑھ کیں میکوں ڈسیئے۔لاھور وچ رنجیت سنگھ دے بوتھے دی بھن تروڑ کرنڑ آلا تحریک اے لبیک دا او ہک کارکن ھا۔اے کیرھے زرائع نال معلوم تھئے۔او تاں فیس بک تیں پوسٹ لانونڑ آلے کوں پتہ۔ اونکوں کیویں معلوم تھئے۔کتھو معلوم تھئے جو پتلے کوں بھن تروڑ کرنڑ الا او تحریک اے لبیک دا کارکن اے۔ساڈے نظریں وچ یا اوں اپڑیں نظریں وچ بیشک چنگاں کم کیتا ھوسی ۔ساکوں نئیں پتہ آوندا کیا نظریہ تھی سگدے۔سو جو نظریہ وی ھ۔اے اوندا اپڑاں نظریہ اے۔ایندا جواب وی او آپ ڈیسی۔
ایں جاہ تیں کم از کم سرائیکی قوم کوں خش نئیں تھیونڑاں چاہیدا۔مزمت وی نئیں کرنڑیں چاہیدی۔کیوں جو اے جیدا وڈا بہازری آلا کم ساڈے کہیں سرائیکی دے ہتھو نئیں تھیا۔اگر ساڈا کوئی سرائیکی ایہو کم لاھور وچ ونجہ کرے ھا۔میکوں ول وی خشی نہ تھیوے ھا۔
ایں گال دا اے مطلب اے ا بیئیل مجھے مار۔سرائیکی قوم کوں ہرکم سوچ سمجھ تیں کرنڑاں چاہیدا اے۔خواہ مخواہ ہر گال وچ ٹبھکوں نئیں تھیونڑاں چاہیدا۔ڈھیر کم ان جیرھے سرائیکی وسیب وچ ساڈے ہتھو تھیونڑیں چاہیدا ان۔جیر ھے اساں نسے کر سگدے۔یا جانڑ بجھ تیں کریندے نسے۔ساڈے پورے وسیب وچ ہر چوک تیں اے کون لوک ان جیرھے گھوٹیں تیں چڑھیئے بیٹھن۔انہیں وچ تاں کوئی ہک وی ساڈا کئینی۔انہیں کوں تیں اساں رات دی تاریکی وچ ہک انگل وی نسے لا سگیئے۔لاھور وچ مجسمے ترٹنڑ تیں جشن چہ معنی۔اے تیں وت اوھا گال بنڑدی اے۔
پرائی جنج تیں احمق نچے۔۔۔جئیں بھنے او آپ تکڑا طاقتور ھوسی۔اوندا ضرور کجھ بیک گراؤنڈ وی ھوسی۔نہ او ساڈا بندا اے۔نہ اوں ساڈے مزمتیں تیں چھٹڑیں۔تساں تیل دیکھو تیل دی دھار ڈیکھو۔اے پنجاب دی لولھی لبک حکومت ڈیکھاں چوکھے جیہاڑے ڈھکیندی اے اونکوں۔یقنن ہک فار ملیٹی ھوسی جیرھی پوری تھیندی پئی ھوسی۔پریشان نہ تھیوو چھٹ اوسی اور بہوں جلدی چھٹ اوسی۔

اساں جیرھے طاقتور ہیں او وی ہر کہیں کوں پتہ ھ پیا ۔ساڈے گھر وچ میر چاکر خاں دے مجسمے کوں ہر چوک تیں تلوار ہتھ وچ پکڑوا کیں اصطبل دے وڈے کوڑے مصنوعی گھوڑے تیں بلھا کیں ہر چوک دی زینت بنڑا کیں لا ڈتا گئے۔ ساڈے کہیں نوجوان میڈے سمیت کہیں اگوانڑ کیتی اے جرات جو ساڈے سرائیکی وسیب وچ میر چاکر دا کیا کردار بنڑدے۔ساڈے ہرچوک تیں اونکوں گھوڑے تیں بلھا کیں حکومت اے وقت سرائیکی قوم کوں کیا پیغام ڈیونڑ چاہندی اے۔دیرہ غازیخاں یونیورسٹی کوں وی میر چاکر خاں دا ناں ڈے کیں والی اے دیرہ غازیخان میرانی خاندان دی کتلا وڈی توہین کیتی گئی اے۔حالانکہ سچ تیں اے ھا۔ایں یونیورسٹی دا ناں نوابزادہ سرور کربلائی دے ناں رکھ ڈتا ونجے ھا۔والی اے دیرہ غازیخاں واسطے کے جیڈا وڈا اعزاز ھووے ھا۔محسن کش قوم وی نہ سڈیچوں ھا۔پوری سرائیکی قوم ایں فیصلے دا احترام وی کرے ھا استقبال۔ وی کرے ھا۔انہیں بدبختیں کوں تاں ایہے تلی وی توفیق نئیں تھی سگی۔کہیں تعلیمی ادارے دا ناں نوابزادہ سرور کربلائی دے ناں تیں رکھ ڈیندے۔نوابزادہ سرور کربلائی دے ناں دا کوئی ہک پارک بنڑا کیں ڈے ڈیندے۔پارک وچ نوابزادہ سرور کربلائی دا مجسمہ وی نال لا ڈیندے۔پورے دیرہ غازیخان دی عوام حکومت دی ہمیشہ شکر گزار رہندی۔پورا سرائیکی وسیب حکومت دا ادر کریندا۔
کہیں قوم دی ثقافت کلچر کوں تبدیل کرنڑ یا مسخ کرنڑ نال قومیں دی صحت تیں کوئی اثر نئیں پندا۔اے سارا کوڑی کالونڑ دا سہارا اے جیرھا پیا ملیندے۔دھرتی کہیں دی اے۔کوڑے نصاب الی کار پرائی دھرتی تیں پرایا کلچر روشناس کرانونڑ آلا جیرھا اے کالا دھندہ کیتا ویندا پئے۔پوری سرائیکی قوم ایں گھناؤنے فعل دی مزمت کریندی اے۔
اتھائیں تھوڑی جہیں وضاحت کرنڑ ضروری سمجھداں۔
نوابزادہ سرور کربلائی نواب غازیخاں دی اولاد اے۔نواب غازیخاں میرانی دا چشم و چراغ اے۔ایہو نواب غازیخاں میرانی سلطنت اے دیرہ غازیخان دا بادشاہ ھا۔والی اے ریاست ھا۔اتھاں آوندی بادشاھی ھئی۔وزیر ھن۔مشیر ھن۔پورا حکومتی سسٹم ھا۔غازیخاں دا محل نما ھندیرا ہیں وقت وی ملا قائد شاہ دے قبرستان وچ موجود اے۔ڈیکھنڑ نال تعلق رکھدے۔انتہائی شکست و ریخت دی کیفیت وچو گزردا پئے۔
غازیخاں دی اولاد نوابزادہ غلام سرور خاں اپڑیں والد نواب شاہ محمد خاں میرانی۔ سمیت ڈوہیں نواب صاحب شاہ محمد خاں میرانی تیں نوابزادہ غلام سرور خاں میرانی دیاں قبراں اپڑیں ڈاڈے نواب غازیخاں میرانی والی اے دیرہ غازیخاں دے پیریں آلے پاسو موجود ان۔نوابزادہ غلام سرور خاں کربلائی سرائیکی زبان دا کوہ قامت شاعر ھا۔جیندی وجہ نال پورے سرائیکی وسیب وچوں نوابزادہ غلام سرور خاں میرانی دی قبر تیں انہیں نال محبت کرنڑ الے۔انہیں دے مانتے دار۔عقیدتمندیں دا اکثر اوقات میلہ لگا رہندے۔سرائیکی تحریک نال وابستہ لوک ۔اگوانڑ اپڑیں محبت دے اظہار کرنڑ سانگے چادراں وی چڑھیندے رہ ویندن۔
حکومت اے وقت نال میں ہیں نوابزادہ غلام سرور خاں کربلائی میرانی دی یاد دھانی کرویندا پیا ہم۔تاریخ وچ ناں لکھواوو۔تاریخ کنوں سرخرو تھیوو۔کہیں قومی ادارے دا ناں۔کہیں پارک دا ناں ایں وسیب زادے دے ناں کرو۔تاکہ تساں تاریخ وچ محفوظ رہ سگو۔
اے مطالبے میں کتھائیں وی اپڑیں زاتی حوالے نال نئیں کیتے۔اے منصب نوابزادہ غلام سرور خاں کربلائی میرانی صاحب دا آئینی اور قانونی حق وی بنڑدے۔جیندے متعلق ضلع بکھر نال تعلق رکھنڑ آلا سرائیکی سکالر مرحوم سردار غلام حر خاں کندانی اکثر سٹیجیں تیں با بانگ اے دہل اہدا ھا۔نوابزادہ غلام سرور کربلائی میرانی غالب کنوں وی وڈا شاعر اے۔اور ہک ہک شعر دی وضاحت وی کریندا ھا۔
میں وی ھوں نوابزادہ غلام سرور خان کربلائی میرانی دی گال بیٹھا کرینداں۔جیندے شعریں دی گونج وقتن فوقتن حالات اے حاضرہ دے مطابق چھوٹے وڈے ایوان وچ گونجدی رہ ویندی اے وچو تیں ڈسیندن ضرورت ایجاد دی ما اے۔پتہ نئیں کینجھی اوکھی پیش آئی اے۔اپ کوں بلوچ سڈانونڑ آلا سرائیکی وزیر اے اعلی سردار عثمان خاں بزدار وی اپڑیں ایوان وچ بطور قاید اے ایوان نوابزادہ غلام سرور خاں کربلائی میرانی صاحب دے شعریں دا سہارہ کھڑا گھندا ھا۔ایویں قومی اسمبلی وچ وی وقتن فوقتن اکثر ڈاکٹر ملک افضل ڈھانڈھلا جیرھا بکھر کنوں ایم این اے ھ۔مظفر گڑھ کنوں پیپلز پارٹی دا ایم این اے مہر ارشاد سیال صاحب وی نوابزادہ غلام سرور خاں کربلائی میرانی دے موقع محل دے مطابق شعر پڑھدا رہ ویندے۔
میں ھوں قومی شاعر نوابزادہ سرور کربلائی دی گال بیٹھا کرینداں۔وسیب وچ توھاڈے کولھو فنڈ کئینی۔وسیب وچ بیشک آنر نوھے ڈیونڑ چاھندے۔کم از کم انہیں دے اپڑیں شھر دیرہ غازیخاں وچ تیں ایہے تلی انہیں دا حق تاں بنڑدے۔کوئی یادگار تیں ھووے جیندا ناں نوابزادہ غلام سرور خاں کربلائی میرانی ھووے۔
میڈا وسیب اے۔میڈے نال ظلم دی اے جیڈی انتہا اے۔پورے وسیب وچ میڈا کتھا ئیں ناں وی کئینی۔اے کیا ھ۔کیوں اے۔اے کینجھا ڈڈھپ اے۔کیا ہیں گالھوں توھاکوں ووٹ ڈیندوں ساڈی تاریخ کوں مٹا ڈیوو۔کلچر کوں تبدیل کر ڈیوو۔کون اے میر چاکر۔کون اے رنجیت سنگھ۔
کیا توھاکوں خواجہ غلام فرید۔
نواب مظفر خان شہید۔احمد خاں کھرل۔مولاناعبیداللہ سندھی۔ڈاکٹر فیض الحسن بگا۔ریاض حسین ھاشمی ایڈوکیٹ۔سیٹھ عبیدالرحمن۔نوابزادہ غلام سرور خاں کربلائی میرانی۔سردار کوڑا خاں جتوئی۔استاد فدا حسین خاں گاڈی۔حمید اصغر شاہین۔تاج محمد خاں لنگاہ۔مرید حسین خاں راز جتوئی۔قاری نورالحق۔جج محمد اکبر۔انیس دینپوری۔یتیم خاں جتوئی۔غلام رسول خاں جانباز جتوئی۔محسن نقوی۔نور محمد سائل۔احمد خاں طارق۔مہجور بخاری۔شمیم عارف قریشی۔استاد نزیر فیض مگی۔ارشاد تونسوی۔صوفی تاج گوپانگ۔امجد عباسی۔جام تاج برڑہ۔ارشاد کاظمی۔صوفی فیض محمد دلچسپ۔قیس فریدی۔سفیر لاشاری۔انجم لشاری۔قاصر جمالی۔محمد ایوب دھریجہ۔مولانا فدا حسین خاں احمدانی۔یسین فخری دھریجہ۔کریم نواز خاں کورائی۔شاکر تونسوی۔شاکری مہروی۔عبدالمجید ذوق۔حفیظ بھاشانی۔فیض علی فیض فقیر۔استاد منیر بھٹہ۔محمد شفیع زبیری توھاکوں اے نظر نئیں اندے۔جنہیں بھرپور جوانیاں وسیب ھاب کیتین۔پوری سرائیکی قوم مطالبہ کریندی اے۔انہیں دے ناں دیاں یادگاراں انہیں دے ضلعیں۔ تحصیلیں۔قصبیں گوٹہیں وستیں وچ ہر صورت بنڑایاں ونجن۔

آخروچ پنجاب حکومت نال ہک مطالبہ۔لگدا نئیں جو حکومت کوئی فراخ دلی مظاہرہ کرے۔ساڈا مطالبہ منے۔ول وی ویندے چور دی پٹکی سہی۔متاں

نواب مظفر خاں شہید۔احمد خاں کھرل۔تاج محمد خاں لنگاہ ایڈوکیٹ۔حمید اصغر شاہین ۔نوابزادہ غلام سرور خاں کربلائی میرانی سمیت ساریاں یادگاراں سرائیکستان دے دارالخلافہ ملتان شھر دے کہیں سنٹر مقام تیں ہر صورت لایاں ونجن۔ایہو تاریخی تقاضہ وی ھ۔تاریخی فیصلہ وی ھوسی۔

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

About The Author

dailyswail

See author's posts