غلط نصاب دے شکار نوجوانیں دے سوالیں دے جواب||اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپڑیں غلط نصاب دے شکار نوجوانیں دے سوالیں دے جواب۔
۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔
جنہیں سرائیکی لوکیں سرائیکی جماعتیں جشن آزادی منائے۔او سرائیکی قوم کنیں معافی منگن۔
اے پوسٹ میں کل فیس بک تیں لائی ھئی۔
میڈے سرائیکی قوم دے کجھ جوشیلے جزباتی نوجوانیں اپڑیں جزبے دا اظہار ایں طرحاں نال کیتے۔اور ٹھیک کیتے۔کیونکہ سکولیں کالجیں وچ جیرھا نصاب انہیں کوں رٹوایا ویندا رہ گئے۔اوندا سارا مطلب ایہو ای بنڑدے۔
۔۔۔۔۔۔۔۔۔پہلے پاکستان پچہیں سرائیکستان۔۔۔۔۔۔۔۔۔
مقصد اے۔۔۔۔۔پہلے پاکستانی۔پچہیں سرائیکی۔۔۔
اے اکھنڑ الانونڑ انہیں دا قصور نئیں۔بال واسطے پہلا درس مادی جھولی ھوندی اے۔ایندے آگو ڈوجھا درس گھر دی مسیت دے کچی پکی روٹی پڑھانونڑ آلے مولی ملاں کنوں شروع تھیندے۔اوندے بعد سکول دا سفر شروع تھیندے۔الف کنیں گھن ی تک بچے بال کوں آزادی دی کوڑ کہانی پڑھائی ویندی اے ۔جینکوں سنڑ سنڑ۔ پکا پکا بال دے کن۔دماغ آزاد دے کوڑے قصے سنڑ سنڑ مندریچ ویندن۔تہوں آزادی دی کوئی کہانی سنڑدیں ھوئیں بال دے دل دماغ کوں روحانی تسکین ملدی اے۔ازادی دی سچی کہانی سنڑدیں ھوئیں نوجوانیں دا روح کمبدے۔دماغ دے کنگرے ہلدن۔
انہیں شودیں دا قصور نئیں ھوندا۔چھوٹے لا اساں آپ وی ایویں ھاسے۔نوابزادہ سرور کربلائی۔رمضان خالد خاں برمانی۔قاید اے محترم حمید اصغر شاہین صاحب اگر نہ ملدے۔شئیت اساں وی ایہو کجھ وڈے اہدے ھونووں ھا۔
۔۔۔۔۔۔۔پہلے پاکستانی۔پچہیں سرائیکی۔۔۔۔۔۔۔عقل فہم تیں خیر کربلائی صاحب دی صحبت دی وجہ نال وراثت وچ مل پیا ھا۔ایڈو بچے جیون میڈے مرشد سئیں عزیز شاھد دے جیندے انہیں شعریں اندر کوں روشنائی بخشی اے۔
پہلے اساں صرف سرائیکی۔پچہیں پاکستانی۔
ایویں کہیں بے دوست دا مصرعہ ہے
پاکستان تاں کل دی گالھ ہے میڈی جھوک پرانی ہے
اگر اے شعر وی تہاکوں نہیں بھاندے تاں ول پیرومرشد خواجہ فرید سیں کوں کیڈیں کریسو؟
اپنی نگری آپ وسا توں پٹ انگریزی تھانڑے۔
جناب اے اعلی اے تاں کل دی گالھ اے۔ پاکستان تیں میڈا سینگا اے۔پاکستان کوں بنڑیئں ھوئیں تاں اجاں 74 سال پئے تھیندن۔سرائیکی تیں اتھاں جناب ہزاراں سالہیں کنوں موجود ان ۔
پاکستان بنڑنڑ کنوں پہلے میڈی ہر شئے اپڑیں جاہ تیں موجود ھئی۔میڈا ملتان وسدا رسدا ھا۔میڈی ریاست بہاولپور دی اپڑیں بدھ چھوڑ ھئی۔میڈیاں ثقافتاں محفوظ ہن۔میڈے کلچر دیاں لوک مثالاں ڈیندا ھا۔میڈے لہجے کھنڈ کھیر الی کار ہن۔میڈی بولی وچ کوئل کوک سنڑیندی ھئی۔پاکستان بنڑنڑ دے بعد میڈے ستلج کوں ویچا گئے۔راوی۔بیاس کوں ویچا گئے۔ میڈے سندھ کوں سندھوں ماریاں گئین۔روہی کوں اوپریں ھاب کیتا گئے۔روہیلے رولیں وات ا گئین۔ظلم دے پہاڑ تروڑیئے گئین۔دھندھی ہیں ویلھے وی دھندولیں وات اے۔بلوچیں کوں خدا رجاوے۔روھو تیں او انیں پوری کھرن۔ساڈے وارث چور ان۔لغور ان۔ڈاکو ان۔لٹیرے ان ۔او صرف اپڑیں ووٹیں تک محدود ان۔ووٹیں دے بعد او ساڈی صرف رائیکی کریندن۔مخبر دا کردار ادا کریندن۔اگر او بندے دے پتر ھوندے۔اساں آج قیدی تخت لاھور دے کیوں ھوندے۔اج اساں باغی تخت لاھور دے کیوں ہیں۔
امیدے اے میڈے نوجوان میڈی گال کوں سمجھ گئے ھوسن۔اساں آپ کوں قیدی تخت لاھور دے کیوں اہدے ہیں یا باغی تخت لاھور دے کیوں اہدوں۔ایبی گال وی ہنڑ بالیں کوں ضرور سمجھ آگئی ھوسی۔پہلے سرائیکی پچہیں پاکستانی۔
امید اے او نوجوان جنہیں دل وچ اے ابہام ھا۔پہلے پاکستانی ۔او میڈی ایں پوسٹ دا جواب ضرور ڈیسن۔اگاہی کیتے ایں میڈی پوسٹ کوں اگوں تیں وی شیئیر ضرور کریسن۔میڈے نال رابطے وچ ضرور رہسن۔شکریہ

توھاڈا اپڑاں۔محمد اکبر خاں ذات ملکانڑیں۔قوم سرائیکی۔چیرمین پاکستان عوامی سرائیکی پارٹی ۔
سرائیکستان ھاوس دیرہ غازیخاں۔

About The Author

dailyswail

See author's posts