ضمیر دا قیدی (فضل رب لُنڈ)||زکریا قیصرانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فضل خان کہیں وی تعارف دی محتاج کائینی اور سرائیکی وسوں اچ آپنڑاں ہک خاص مقام رکھدن اوراپنڑی سجانڑ آپ ہن۔سئیں ہونڑیں ہمیشہ آپنڑی ذات کوں پچھوں تیں رکھ کے ڈوجھیں واسطے آپنڑی ساری زندگی وقف کرڈتی ہے۔

فضل خان کوں اپنڑی وسوں تیں آپنڑے لوکیں نال بہوں محبت ہے تساں ہمیشہ مقامی لوکیں تیں انہیں دے وسائل تیں اختیار دی گالھ کیتی ہے تساں ہر دور اچ ہر وسیب دشمن دے خلاف کھڑے تھئے وے اور ہمیشہ حق تیں سچ دی گالھ کیتی وے تیں حق تیں سچ دا ساتھ ڈتے وے۔

وسیب دا کوئی وی مسلہ ہووے تساں اوندے وچ اکوں حل کرنڑ واسطے اپنڑاں ہر ممکن کردار ادا کریندے وے۔ او سخی سرور سئیں دے میلے دی بندش ہووے یا اوسندھ دریا دا کوئی مسلہ ہووے یا او بااثر سرداریں دی طرفوں غریب لوکیں دیں زمینیں تیں قبضہ دا معاملہ ہووے تساں ہمیشہ اپنڑے وسیب دی غریب عوام نال کھڑے ہوندے وے تہاڈے سیاسی شعور تیں سماجی کماں دی وجہ توں بہوں سارے لوک تہاڈے دشمن وی بنڑ گئین لیکن تساں ایں شے کوں کڈاہیں خاطر اچ نئیں گھن آئے اور تسان ہمیشہ حق تیں سچ دا بے خوف ساتھ ڈتے۔

جہرے علاقے نال تہاڈے تعلق ہے اتھاں سردار تیں وڈیرہ راج ہے اور اتھاں پیپلز پارٹی بھٹو خاندان دا پرچار کرنڑ بہوں اوکھا ہے لیکن تساں اتھاں ڈینہہ رات محنت کر کے بھٹو خاندان دا پیغام عام لوکیں تک پچائے اور اوں پسماندہ علاقے کوں تساں ہک سیاسی شعور ڈتے وے۔ایں وقت تساں سابق صدر جناب آصف علی زرداری سئیں دی بے گناہ گرفتاری دے خلاف پیرو رانڑے احتجاج کریندے پئے وے اور تہاڈے مسلسل احتجاج کو اج 27 ڈینہہ تھی گئین اور تہاڈا احتجاج جاری ہے تہاڈا اے احتجاج اصل اچ مقامی لوکیں تیں جمہوریت دی خاطر ہے کیوں زرداری سئیں پشتونیں کوں شناخت ڈتی ہے سرائیکیں واسطے علیحدہ صوبے دے قیام دی گالھ کیتے اور اوندے واسطے قانون سازی کیتے زرداری سئیں بلوچ کو حقوق ڈتین اور سب کےودھ کے جناب زرداری سئیں 18 آئینی ترمیم صوبائی خودمتاری ڈتی آئین کو اپنڑی اصل شکل و صورت اچ بحال کیتے اور زرداری صاحب ہمیشہ مقامی لوکیں دی گالھ کیتی ہے فضل خان تہاڈے مرشد زرداری سئیں واسطے احتجاج کوں ہمیشہ یاد رکھا ویسی تساں وسیب دا تیں دھرتی دا پتر ہوونڑ دا حق ادا کیتے اور اپنڑے حصے دا کردار ادا کیتے۔

 فضل خان میں تہاکوں زبردست خراج تحسین پیش کرینداں تساں دھرتی دے نال تیں زرداری سئیں بال وفا کیتی ہے تساں پیپلز پارٹی دے اصل ہیرو ہیوے۔