کوڑھ، روتھ فاؤ، بیمار بلوچ سماج اتے تریمت||عابدبزدار

کراچی بلوچیں دا شہر ھے اتے ایں بلوچ سماج دے وسدڑ لوک ݙو قسم دیں کوڑھ دیئے بیماریں اچ گھرئے ہوئے ہَن ہک چھوت دی بیماری جیکوں اساں کوڑھ وی آہدے ہیں ݙوجھی تریمت ولوں ہک ٻہوں وݙی کوڑھ دی بیماری جیندے نشانات کجھ ایں ہِِن تریمت آدھے عقل آلی، تریمت بس سیکس دی مشین اتے انسانیں دی آبادی دے ودھارے دے علاوہ بکار بیمار، تریمت مرد دی جُتی، تریمت سماج دی عزت، مرد دی غیرت اتے انھیں سبھیں بیماریئے کولو ودھ تریمت کوں چھڑا گھر دی چاؤ دیواری دے اندر قید کر تئیں رکھیا ونڄیں جیویں کہیں پاگل کوں گھر اچ قید کیتا ویندے

اے نفسیاتی پاگل پن دی بیماری. انھیں ݙو بیماریئے نال بھڑدی بلوچ سماج دی اے وستی جیکوں ہݨ رتھ فاؤ ٹاؤن آکھیا ویندے 1957 اچ ٻہوں بدترین بیماری دا شکار تھی ویندی ھے اتے تریمت دے کوڑھ دے نال نال کوڑھ دی اے بیماری ایں وستی دے اپݨیں پیاریے کوں جھیرے کوڑھ دے بیماری دا شکار ہووین ہا پریں ونڄ سٹیندے ہن اتے او بیمار شودے چوڑھ چوڑھ مر ویندے ہن اتے کوئی بندہ انھیں دا علاج کینا کریندا ہائی.

انھیں مظلوم انسانیں دی ڈوکھی آہا عرش تَک تاں ناں پُڄی پر جرمنی دے فرش تیں وسدڑ ویھے سالہ حسین ترین چھوکری ݙاکڑ رتھ فاؤ دے دل تیں ونڄ پُڄی اتے اے مائی اپݨی کھلدی حسدی سُکھی جوانی دے سُکھ کوں ہمیش ہمیش کیتے لَت مار تیں ایں ݙو طرح دے کوڑھ دے بیمار سماج اچ آڳئی اتے تریمت ولوں بیمار ذہنیت رکھݨ آلے ایں بیمار سماج دی مسیحا بَݨ گئی اتے کوڑھ آلے بیماریں دی اپݨے دھیرین پُتریں آلیکار خدمت اتے بیماری دا علاج کرݨ لڳ گئی.

تریمت ولوں کوڑھ ذدہ سماج کوں ہک تریمت اپݨی ساری ذندکی ݙے کے کوڑھ دی بیماری کولو مُکت کریندی ھے اتے تریمت ولوں ایں بیمار سماج دی سوچ کوں وی ٻہوں حد تک ہیٹ کریندی ھے جو ہٌݨ وخت آڳئی تساں تریمت ولوں اپݨیاں سوچاں وٹاؤ تریمت کݙائی وی آدھی عقل آلی کینی، اتے کوڑھ دے بیماریں کوں رن جعان دا فرق کیتے بغیر علاج اتے خدمت کر تیں اے وی سوچݨ تیں مجبور کیتا جو تساں جیکر تریمت کوں چاؤ دیواری کوݪو آذاد کریسوں تاں تریمت دیاں صلاحیتاں مضبوط تھیسن اتے انھیں کوں کوئی بندہ چھڑا تریمت دی بجائے میں (رتھ فاؤ) آلیکار مردیں اچ مرد اتے تریمتیں اچ تریمت سمجھسی ایویں رتھ فاؤ ساری ذندکی کوڑھ دے بیمار سماجیں کولو چیخ چیخ تیں سوال کریندی رہے ڳئی تساں تریمت ولوں اپݨی کوڑھ آلی بیمار سوچ اتے نفسیات اچ ترمیم کہزاراں سالہاں دے ریتی ریوج آلے غذاب کولو وی تریمت کوں کڈھو.

ساݙی اماں ݙاکڑ روتھ فاؤ تاں کوڑھ دی بیماری دی ڈاکڑ ہائی اتے او چنڳیں طراں اپݨیں مریضیں دا علاج کر گئی ھے لیکن ہُݨ ساݙی تریمت ولوں بیمار کوڑھ دے مرض دا علاج کوئی ٻی روتھ فاؤ آن کریسی جینداں علاج تاں اماں روتھ فاؤ آپ ݙسا گئی ھے ـ

کھڑی ݙیندی ہاں سَنہیڑے انھاں لوکاں کوں

اللہ آن وساوے ساݙیاں جھوکاں کوں