سردار عبدالقیوم نیازی 33ووٹ لیکر آزاد کشمیر کے وزیر اعظم منتخب

سردار عبدالقیوم خان نیازی کون ہیں اور عمران خان کا ان پر اعتماد کیوں ؟

سردار عبد القیوم خان نیازی کے بڑے بھائی 1985 اور 1995 میں دو بار مسلم کانفرنس کے پلیٹ فارم سے عباس پور پونچھ سے آزاد جموں و کشمیر قانون ساز اسمبلی کے رکن منتخب ہوئے۔ بھائی کے بعد خود عبدالقیوم خان نیازی 2006 تا 2011 مسلم کانفرنس کے ٹکٹ پر ایم ایل اے بنے اور وزیراعظم سردار عتیق احمد خان کی کابینہ میں وزیر خوراک کا حلف اٹھایا۔

قیوم نیازی کو  2011 اور 2016 کے انتخابات میں شکست ہوئی تو 2019 میں مسلم کانفرنس کو خیر باد کہہ کر نوزائیدہ جماعت تحریک انصاف میں شمولیت اختیار کی۔

 عبدالقیوم خان نیازی تحریک انصاف آزاد جموں و کشمیر کے مرکزی جوائنٹ سیکرٹری بھی ہیں۔ عبدالقیوم خان نیازی کا حلقہ ایل اے 18 عباس پور پونچھ ون لائن آف کنٹرول کے انتہائی قریب ہونے کیوجہ سے بہت پسماندہ ہے۔ عبدالقیوم خان نیازی تحریک آزادی کشمیر کے حوالے سے پاکستانی ریاست کے بیانیہ کو فالو کرتے ہیں۔

 وزیراعظم عمران خان کی جانب سے عبدالقیوم خان نیازی پر اعتماد کی چند وجوہات میں ان کے علاقے کا پسماندہ ہونا، ریاستی سطح پر پاکستانی ریاست کے بیانیہ کو فالو کرنا، اور آزاد جموں و کشمیر میں برادری کی بنیاد پر جاری سیاسی کشمکش سے دور ہونا ہے۔عبدالقیوم خان نیازی راجہ فاروق حیدر کی نسبت ٹھنڈے مزاج کے حامل ہیں۔

About The Author

غضنفر عباس

Ghazanfar Abbas is a Senior Journalist. He started his career as a Practical Journalist in Seraiki Language Newspapers and Magazines in 1999. He worked as Reporter/Sub Editor in Daily Khabrain Multan from 2001 to 2006. was Bureau Chief/ Station Head Rohi Tv Multan from 2007 to 2010, he was also Outsourced Contributor for BBC Urdu Service from 2010 to 2015. He also worked in Geo News Islamabad as Senior Assignment Editor from 2015 to 2019. He is serving as Senior Assignment editor in Hum News Islamabad and also Editor of the regional news portal DailySwail.com. He tweets at @ghazanfarAbbass

See author's posts