سیکس فطرت اے||عابدبزدار

 سیکس فطرت اے، حقیقت اے اتے مرد اتےتریـمت ݙوہیں دی لوڑھ اے ایندی اہمیت ولوں کوئی بندہ وی انکاری کینی بھلا او مذہبی ہوے، لبرل ہوے جا وت کیہں وی سماج نال سانجھ رکھیندا ہوے ، سیکس اوندے کیتے لوڑھیندے، ایویں اے بندئییں دی پیڑہی دے ودھارے کیتے ہووے جا وت فطرت دے مزے کیتے ہوے ݙوہیںں رنگئیں ایچ ٻہوں اہم اے. ساݙا سماج ہک اینجھا سماج اے جھیرا  سیکس کوں ٻہوں وݙی لوڑھ ہووݨ دی بجائے شرم اتے حیا دی نگاہ نال ݙھیہدے ایویں  سیکس سبھے ملکیں اچ عام اتے انفرادی ہووݨ دی وجہ کولو انھیں لوکیں دی فرسٹ پریارئیٹی اچ نہیں آندا بلکہ ساݙے سماج ایندے بارے اتنا گھٹن ذدہ ہن جو ساݙا پہلا مسلہ اتے مُدعا ای  سیکس ھے . وت ایویں ساݙی تریمت کوں ایندے بارے گالھ مہاڑ کرݨ تئیں نفسیاتی طور تئیں ٻہوں تکلیف تھیندی اے اتے سماج دئیں اکھئیں ایچ اوں تریمت کوں گندا ڄاݨیا ویندے اتے بے شرم، بے حیا دے نال نال کمینی دے لقب وی ݙیتے ویندے ہن اتے ایں اتے ایں سیکس ولوں ہر سال وسیب دیاں ہزاراں تریمتیں کالیاں کرتیں ماریاں ویندین جا وت ویچیاں ویندین مطلب انھیں دی ساری حیاتی تباہ تھی ویندی ھے . پتہ نیں اے کینڄھی احمقانہ سوچ ھے جوساݙے سماج نے لوڑھیندی شئے کوں شرم حیا، عزت غیرت اتے پاکی نہ پاکی نال جوڑ ݙیتے. ہووے تاں ایں جیکر کوئی شئے ٻہوں لوڑھیندی ھے تاں اوندے اوتئیں گالھ مہاڑ کرݨ وی جائز ہووہوے.

 لوڑھیندی شئے کوں تاں سیرو زیادہ گالھ مھاڑ دا مضوع بݨایا ونڄے تاکہ سماج اُتیں اوندی اہمیت نشابر تھیوے.  سیکس کوں ٻہوں زیادہ الگ تھلگ رکھݨ لیوں سماج ایچ ایندے ٻہوں گندے نتیجے نکھتے ہن کیتھائیں کئی ماسوم ٻالڑی کہیں وحشی دی وحشت دا شکار تھی چکی ہوندی ھے جا وت کئی سکول پڑھدی جا پڑھیندی تریمت  سیکس ولوں شرم حیا دے ݙر ایچ آ تئیں کہیں ہیڈماسڑ دی حوس دا نشانہ بݨ چکی ہوندی ھے اتے ایویں جا وت کوئی ننݙھا چھوٹا چھوکرا کہیں ٻے جانور دے ہتھ آ چکا ہوندے. ایندے علاوہ ساݙے ہر گھر گھر اچ  سیکس بارے کیا کڄھ تھیندا پائے تواݙئیں ساݙیئیں آکھیں دے سامݨے ھے. میں ایتھاں ݙو کہاݨیاں شادی. شدہ ذندگی دے بارے وی پیش کریساں.

میݙے ہک پروفیسر اپݨی شادی دی کہاݨی سوڑیندئیں ݙسایا جو ڄݙاں میݙی شادی تھائی تاں میں اپݨی ذندگی دے پنجویویں چیتر ایچ ہم اتے میݙی رَن تیہرویں. او ݙسنیدے میݙی اتے میݙے وݙے بھیرا دی شادی کھٹے تھائی اتےاساں بھراویں آلی کار میݙی ذال اتے میݙی ٻھڄائی وی ݙوہیں آپت ایچ ٻھیݨیں ہن. شادی دی سہاڳ رات ائی تاں میں سہاڳ رات مناوݨ کیتے اپݨی رن دے نال تھیواں تاں او رووݨ پٹݨ لڳ ونڄے اتے سہاڳ رات وی ایہیں رووݨ پٹݨ ایچ لنڳھ ڳئی. ایویں ولدی رات وی وݙی جہت دے باوجود خالی ٹپ ڳئ اتے ایویں پورے ہک ݙھاکے میں کولو کڄھ نہ بݨ آیا. تنگ تھی تئیں ہک ݙہنہ بھیرا نال درد ونݙایا جو ادا سئیں ساݙا تاں اے راٻا اے تساں اپݨی گزران دا حال ݙیوو. اوں ݙسایا جو ساݙا کم. تاں سکھا چلدا پائے. وت پیچھے میݙے بھرا ساݙی سبھی کہاݨی اپݨی رن کوں ݙسی. تاں اوں اپݨی ٻھیݨ کوں کڄھ سمڄھا شمڄھا کیتا جو سیکس تیݙی اتے تیݙے پائے دی لوڑھ اے. بھلہ ہووے میݙی ٻھڄائی دا اوندی جہت نال میݙی رن دے دماغ ایچ کڄھ گالھ سمڄھ آئی تاں ساݙی دال ݙو ݙھاکیں باد ونڄ ڳلی. ایویں ٻیا میݙا ہک سنگتی اے اوندے ملیر دی کہاݨی وی وݙی دردیں ٻھری ھے. او ݙسیندے جو میݙے ملیر دی شادی تھائی اتے ٻھاڳیں بھری سہاڳ رات آئی تاں ملیر اپݨے کوٹھے ایچ پیٹھے اتے درا بند کر سارے کپڑے لھا سیرومنڄھو نگا تھی اتے تیر ہلیندا اپݨی رن دا ڳُھنڈ چیندے جیئں ویلھے کنوار اونکوں ایں حالت ایچ ݙیٹھے تاں ݙر گئی ھے اتے ڈر کولو ہک وݙی چیخ مریندی ھے اتے رڑدی پِٹیندی کوٹھے کولو ٻاہر نکل ویندی ھے اتے سارے گھر ایچ روں راں لڳ ویندی ھے جو کیا تھے کیا تھے? چھوکری ایں سبھے عمل دے باد ڈر ویندی ھے اتے رات ڳھوٹ دی بجائے اپݨی سس دے کٹھے سمدی ھے اتے سویریں سویریں اٹھی تئیں رڑدیں پیٹیندیں اپݨے پیوما دے گھر دروک ویندی ھے اتے ایویں  سیکس ولوں ڄاݨکاری نہ ہوݨ لیوں اے شادی ترٹ ویندی ھے اتے طلاق تھی ویندی ھے.

سیکس دیاں اے کہاݨیاں چھڑا ہک ݙو بندئیں دیاں نیں بلکہ اے سارے سرائیکی وسیب دا رووݨاں روندے نوحے ہن کیوں جو ساݙے سبھے سماج ایچ ہر شادی نکی عمر ایچ تھیندی ھے اتے ٻال ٻالڑی  سیکس ولوں ڄاݨکاری نہ ہووݨ لیوں ٻہوں سارے مسائل دا سامݨا کریندین اتے اکثر ڄھڳے تباہ وی تھی ویندے ہن. ساکوں انھیں تباہیں کعنے بچݨ کیتے ضروری ھے جو اساں اپݨی تریمت کوں  سیکس دی ڄاݨکاری ݙیووں. اونکوں  سیکس ولوں شرم حیا ایچ رکھ تئیں ایندے نال ظلم نہ کروں کیوں جو سیکس اوندی زندگی دی لوڑھ ھے ایں وجہ کیتے اونکوں ایندی تعلیم ݙیتی ونڄے، اونکوں ݙسایا ونڄے جو  سیکس کیا ھے؟ ایندی کیا اہمیت ھے؟ ایویں ایندے کولو بَچݨاں کیویں ھے؟ وغیرہ وغیرہ

اے ڄاݨکاری جا  سیکس  دی تعلیم سبھی دنیا ایچ منݙھلے سکولیں ایچ ݙیتی ویندی ھے اوتھاں ہر ٻال کوں ایندے بارے مکمل ݙسایا ویندے. جیکر ساݙے سکولیں ایچ اے ماحول کینی تاں ایندا زما ہݨ پیوما جا وݙے ٻھیݨ بھرا چاون اتے اپݨے ٻالیں کوں ایندے بارے آهگاہ کرین. ایندے علاہ ٻہوں سارے ملکیں ایچ تاں تریمت کوں طاقتوار بݨاوݨ کیتے اتے سیکس دی ڄاݨکاری کیتے سرکاری اتے غیر سرکاری میݙیا اتے اخباریں تئیں مشوریاں وی ݙیتیاں ویندیاں ہن. ساکوں وی دنیا کولو کڄھ سبق سیکھݨاں چاہدا ھے.

ایویں سبھی دنیا سیکس اتے شرم حیا کوں بندے دے انفرادی کمیں ایچ ڳݨ تیں اینکوں ایندی قید کولو الگ تھلڳ کر ݙیتے لیکن ساݙا اے سماج اڄاں وی  سیکس  اتے شرم حیا کوں اجتمائی ڳݨدے مطلب ہک تریمت دا جا مرد  سیکس  اتے شرم حیا سارے ٹٻر اتے سبھی ریت ریوج دی ڳیچی ایچ ݙیتا ویندے اتے مرد دی حثیت سماج اچ تریمت کولو ݙھیر اتم ہوݨ دی وجہ کولو اونکوں کئی فرق نیں پَندا لیکن تریمت ٻہوں کمزور ٻݨائی ونڄݨ دی وجہ توں سیکس دا سارا مُدا تریمت دے اُتیں ݙیتہ ویندے جیندی وجہ کولو ساݙی تریمت کمزرو کولو کمزور تھیندی ویندی ھے. ہک تریمت دی عزت غیرت،  سیکس اتے شرم حیا صرف اوندا ہوݨاں چاہدا ھےناکہ سبھے ٹٻر اتے ریت رواج دا. ایویں سارے ترقی یافتہ ملک تریمت دے  سیکس  دی بجائے اوندی بکھ تئیں ݙھیر توجہ ݙیتی پائین انھیں دا خیال اے جو تریمت دی بکھ اوندے سیکس  کولو ٻہوں اہم اے.ایویں بکھی تریمت رجی تریمت کولو ݙھیر بے شرم اتے بے حیا بݨ سڳدی ھے جیکر تریمت رجی ہووے تاں او اپݨی عزت غیرت دا دفاع وی کرسڳدی ھے اتے اپݨے سیکس کوں وی قابو کر سڳدی ھے.

سبھی دنیا کولو ساݙے وسوں دی تریمت ٻہوں ݙھیر کمزور ھے اتے اوندی ایں کمزوری دا فائدہ چیندے ہوئیں ساݙے مرد تریمت کوں ݙھیر سارا حراس وی کریندین اتے اونکوں جنسی طور تیں استعمال وی کریندین دنیا دے جھیرے جھیرے ملکیں اچ تریمت مضبوط ھے اتے  سیکس ولوں مکمل ڄاݨکاری رکھدی ھے تاں اُتھاں کہیں مرد دی جُرت وی کینی ہوندی جو او تریمت کوں استعمال کرے.