سندھو جو وݙو (سندھو دیش جو سائیں) ||عابدبزدار

سندھو جو وݙو (سندھو دیش جو سائیں)

بشیر قریشی رتو ݙیرو ضلع لڑکاݨوں اچ ہک عام ڄَݨیں دے گھر پیدا تھائے اتے مُنڈھلی تعلیم وی رتو ڈیرو اچ حاصلی کیتی. بیچلر کرݨ کیتے جام شور زرعی یونیورسٹی اچ ایگری کلچر فیلڈ اچ داخلہ گدھا لیکن قسمت اچ سندھی قوم دا ہیرو بݨݨ لکھیا ہا. بشیر قریشی اپݨی سیاست دی ابتدا جی. ایم. سید. دی قوم پرست سیاسی پارٹی جئے سندھ قومی محاز دے ذیلی پلیٹ فارم جئے سندھ سٹوڈنت فیڈریشن کولو بطور سٹوڈنٹ لیڈر شروع کیتی اتے مختلف عَہدے گھندییے گھندیے جی. ایم. سید دی وفات دے باد اوہیں پارٹی دا شریک چئرمین بݨ گیا اے قوم پرست پارٹی جسقم یعنی جئے سندھ قومی محاز دے ناں نال اڄاں وی اوندے پُتر صنعان قریشی دی لیڈر شپ اچ کم کریندی پائی ھے.

 بشیر قریشی سندھی قوم جا سندھودیش دی محبت اچ کئی واری جیل دے وی عذاب بھوگئے لیکن جیلاں ہمیش سیاست جا سیاسی آدمی کوں مضبوط کریندین. سئیں بشیر قریشی جی. ایم. سید کولو ݙھیر اپݨی ایمانداری، اپݨے دیش نال محبت اتے اپݨی قائدانہ لیڈر شپ دی وجہ کولو سمورے سندھ اچ جسقم کوں ہک مضبوط قوم پرست جماعت بݨا ݙیتہ اتے جی. ایم. سید اتے سندھی قوم پرستیں دے ݙیتے ”سندھو دیش ”دے ہکوں منشور کوں تلویں سطح تک عوام اچ مقبول کر ݙیتہ.

 بشیر قریشی دی جتھاں سموری سندھی عوام قدر کریندی ہائی اُتھاں سندھ دی راݨی ساݙی اماں بے نظیر بھٹو شہید وی انھیں دی قوم پرست سیات اتے انھیں دے ویژن دا احترام کریندی ہائی ایندا ثبوت اے ھے جو ڄَݙاں سائیں بشیر قریشی پنجاب سندھ بارڈر دے اُتیں باڈر بند کرکے احتجاج کرݨ دی دعوت ݙیتی تاں شہید بی بی سئیݨ دھرنے آلی جگہ تئیں بشیر قریشی دے کٹھے احتجاج کرݨ آئی. بشیر قریشی سرعام سندھو دیش دا نعرہ لیندے ہن اتے عوام وی اوندے نال تھیندے ہَن 2012 اچ سندھودیش دے ناں نال ہک جسلہ کراچی رکھیا اتے اوں جلسے اچ سندھی عوام دا ٹھاٹھیں ماریندا سمندر کٹھا تھی گیا اتے اوں جلسے اچ کھلے بشیر قریشی خطاب کیتا اتے کھولے عام نعرہ ماریا”” اساں جو سائیں جی. ایم.سید سائیں، سندھو دیش جو سائیں جی. ایم. سائیں، اساں جو مطالبہ سندھو دیش جو قیام، جی. ایم. سید جو مطالبہ سندھو دیش جو قیام” ایں جسلے دے تھوڑے عرسے باد سائیں بشیر قریشی کوں ہک دعوت اچ ٹوکر اچ زاہر رلا تئیں مار ݙیتونے. بشیر قریشی سندھی لوکیں دا کلھا قوم پرست ہیرو اے جیکوں ہر سندھی ہُݨ وی احتراماً ”سندھ جو وݙ آہدے” ہن