ہک بہوں پرانڑیں یاداشت||اکبر ملکانی

ما دے پیٹ وچ ھاسے تیں سندھو سئیں دے شوکاٹ بکاٹ سنڑدے ھاسے۔ جئے سے تیں پتہ لگے ڈھیر نسلاں پہلے سندھو سئیں تیں اساں ہک بے دے ہمسائے ہیں۔بنے سواندری ہیں۔سندھو دی کاوڑ محبت کنوں ساڈے کولھو بیا کون زیادہ واقف ھوسی۔ایہا گال میں اج وی فخر نال کر سگداں سندھو سئیں دے نال ساڈے جنم جنم دے رشتے ہن۔سندھودا تل۔سندھو دا بیٹ۔سندھو دی ریت۔سندھو سئیں دے
بیڑیں۔موھانڑیں۔کیہلیں۔سنداریں۔سنڑائیں۔تولھے ۔پتنڑ۔پوہ۔سانونڑ۔بدرا۔اھڑ دی دھپ۔پورے ملکانی کلاں علاقے دے لوک انہیں دی ہک بے دی سنجانڑ بہوں پرانڑیں اے۔ ہمسا گیری۔یاری بلکہ ایں سمجھو کہ سندھو سئیں نال سک سکاوت اے۔سندھو دیاں ڈھنڈھوں۔جھلاریں۔پبنڑ۔کوندر۔کہاں۔ڈھنڈھوں وچ مچھی۔مرغابیاں۔کمیاں۔کچھوں ساڈی ہر کہیں نال زاتی جانڑ سنجانڑ ھئی۔کڈاہیں نہ کڈاہیں
لاتھے بھانڈیں وچ کھڑکار تاں پئے ویندے۔جیویں بھرا بھرا نال بھڑ کھڑدے۔ایویں سن 1971 وچ سندھو سئیں نیں جو پاسہ پتریئے۔الس بھنی اے۔ ساڈے پورے وسوں دی سنبھال لہنڑ الے باغ بہشت دے ٹکڑے اپڑیں ہمسائے ماپیو جائے پتنڑ دے پور دی سنبھال لہنڑ الے کراڑیں دے ویلھے دے شھر ملکانڑیں کلاں کوں تحس نحس کر ڈتے۔صفحہ اے ہستی توں مٹا چھھوڑیئے۔جتھاں شھرھا۔اتھاں اجکل سندھو دل دریا پیا وہندے۔یا اکثر ککی ریت اے یا بیٹ اے۔پورے علاقے دے لوک بے یارو مددگار کھینڈو کھانڈ تھی گئین۔کوئی کتھ رل گئے۔کوئی کتھ رل گئے۔ہک ڈوجھے نال میل ملاقات۔جانڑ سنجانڑ مکدی مکدی اخر مک گئی اے۔اساں وی ایویں رلدے پھردے دیرہ غازیخاں وچ اگیوسے۔بے روز گاری ھئی۔بکھ ھئی۔گھر بہندے ھاسے بکھ مردے ھاسے۔استاد حاجی طالب حسین خاں جتوئی دی وساسط نال ہیں تلے فوٹو الے جوان خالد بلال خاں سکھانی بلوچ دی وجہ نال اے اوں وقت ٹرانسپورٹ وچ منیجر دی سیٹ تیں ملازمت کریندا ھا۔میں پرائیوٹ ٹرانسپورٹ انجم حفیظ کمپنی۔بابر برادر وچ چیکر بھرتی تھی گیم۔معقول تنخواہ معقول معاوضہ ملدا ھا۔مہربانی اے استاد حاجی طالب حسین جتوئی۔ایں خالد بلال خاں سکھانی بلوچ جنہیں دی وجہ نال دیرے میں انتہائی عزت ابرو نال وقت گزار ریئے۔بال پڑھائین۔گھر بنڑوائے۔ممہان نوازی کیتی۔
خالد بلوچ سکھانی دا مختصر تعارف اے ھ۔
خالد بلال بلوچ دا گھر سکھانی کالونی وچ ھ۔ہنڑ سورج میانی ملتان وچ اے۔دیرے وی رہندے۔ملتان وی رہندے۔
خالد بلوچ دیرہ غازیخاں جنرل بس سٹینڈ دا مظبوط اور طاقتور ترین ادمی دے ناں نال سنجانڑیا ویندا ھا۔ایندا حلقہ اے احباب دیرہ غازیخاں دے تکڑے لوکیں تین مشتمل ھا۔سردار حبیب الرحمن خاں لغاری۔سردار طیب خاں لشاری۔چاچا سرور تماخوں الا۔فیاض ھاشم۔نور محمد خاں چانڈیہ۔شیرمحمد خاں چانڈیہ۔مجاھد حسین مولابخش ھوٹل الا۔ملک عزیز۔ستار خاں بادو زائی بے وی ڈھیر لوک ان۔خالد بلوچ دے بغیر اڈے تیں برگ وی نہ چل سگدا ھا۔خالد بلال حاجی غلام فرید خاں بابر دا بابر ٹرانسپورت وچ چہیتا منیجر ھا۔ایں وقت وی دیرہ لیہ دا اڈہ مکمل خالد بلال بلوچ دے ناں تین چلدے۔خالد بلال دے زاتی 2 یورو دیرہ کشمور چلدے۔
خالد بلال ہک دفعہ تحصیل کونسل دا ممبر بنڑیا ھا۔ترائے واری یونین کونسل دا ناظم چیرمین وی بنڑیئے۔ایں وقت تک چیرمین ھ پیا۔اڈے تیں ایں وقت تک کہیں دی اجارہ داری قائم نسی تھیونڑ ڈتی۔
بے حال وی ایندے ڈھیر ان۔جیرھے ڈسنڑ دے نئیں۔کڈاہیں اللہ بھڑایا وت او تو ھاکوں اگلی پوسٹ وچ ڈسیساں۔
بحرحال خالد بلال کل وی ساڈا یار ھا۔اج وی ساڈا یار اے۔شکریہ