بُدھا دی ڈنگی سائیڈ،ہک تبصرہ||احسن واگھا

بدھا وی سرائیكی ساڈے كلچر وچ رِدھا كھڑے۔

الا پھَریس۔

آپنڑے تضاد دا شكار ہا۔

جیونڑ دی نفی كریندا ہا,

گالھ, شبد, سنیہے كوں ‘مایا’ آہدا ہا,

تیں وت آہدا ہا:

"میڈا اے نروان دا سنیھا سارے جگ كوں پچائو”,

تیں وت آپنڑی سیاسی پارٹی "سَنگھ” بنڑایوس۔

مقابلے ئچ, ایندے سوتر (شئید اَلھاڑا ناں ہئیس یا كجھ بیا)

اوں مقابلے وچ سنگھ بنڑایا۔

گوتم ‘نروان دے پرچارَك گوتم’ آپنڑے اوں سوتر نال جنگ لڑی۔

گوتم (ایندھے سنگھیں) بنارس دے وپارئیں كنوں ٹیكس وصولیا۔

وت جیرھلے ایندا ‘مَت’ پھیل گیا, بٔدھا سِدھا كپِلا وستو آپنڑے پیو كنوں پٔجیا۔ اكھیں:

"ابا, توں میكوں نلائق آہدا ہاویں۔ توں آہدا ہاویں ‘سپاہ گیری سِكھ, ہك ڈینہہ ‘چَكاوَتی’ بنڑ ڈكھا”

(سنسكرت ‘چكرا ورتی (ساری دنیا دا بادشاہ دا پالی ورژن ‘چَكاوَتی’) ۔ ۔

"ابا ڈیكھ, اج میڈا ناں ساری دنیا مَنیندی وی, اج میں چكا وَتی آں”

سندھو واس! جیتلا وڈا ‘میں’ دی نفی دا ہوكا, اوھو جیتلی وڈی اندرو لٔكی ‘میں’ !

‘سبهے ٹھگی دے ویس’

سندھو واس آ !

عابد بزدار دا کمنٹ

سئیں ایندے علاوہ تریمتیں بارے ایندے اَوکھے نظریات تاں حالی ݙسائے نیں گئے..

احسن واگھا سئیں دا جواب

Abid Buzdar

چنگا یاد ڈیوائے وے۔

آپ تریمتیں دے خلاف ہئین۔

جیرھلے ‘سنگھ’ ٹوریوس, تریمتیں رَلنڑ دی ارداس كیتی۔

گوتم نانہہ كر ڈِتی۔

وت تریمتیں روندیاں, منتاں كریندیاں, وِتھ ڈے كیں سنگھ دے پچھو پچھو ٹرنڑ پے گیاں۔

وت گوتم سائیں دی ہك بٔوا آپنڑا تریمتیں دا سنگھ بنڑا گدھا۔

آپ ڈو تریمتیں دی وجہ كنوں تریمتیں كنوں تراہڑ تھئے:

۔ہك ایندی زال۔

اوكوں پٔتر جا پیا, ایكوں ناہ بھاندا,

۔ او روندا ہا,

گوتم اوكوں "روہَلءَ” (phateague)

سڈیندا ہا۔

۔ سجاتا ۔ اے او ہائی جیرھی ایكوں ایندے ون۔واس, تپشیا دے زمانے ‘كھیر دے پیالے’ آن پلیندی ہائی۔ ۔ ۔ سجاتا ناں ہئیس۔

اوں ویلھے افیئر فرمائی ركھیوس, پچھیں بٔھیپے وچ اوندا گلہ كریندا ہا۔

مرنڑ كنوں پیلھو سنگھ كنوں انج تھی گیا۔

معدہ خراب تھیوس تاں افسوس نال آكھیوس:

‘اے میكوں سجاتا آلے كھیر دے پیلے لَڑیئے پيین’

(وت شئید اونہہ كھیر۔بیماری نال مر گیا )