سرائیکی سندھی سانجھ||مشتاق گاڈی

اِیں ڳالھ ئچ کوئی شک نئیں جو سرائیکی پاکستان دے سارے صوُبیاں ئچ ٻولی ویندی ءِ۔ پر سرائیکی ٻولݨ آلیاں دا زبان دی بݨیاد تے احساسِ محرومی اتے انڄ سُنڄاݨ دی تڑپ صرف پنجاپ اتے پختونخواہ ئچ ھِ۔ سندھ اتے بلوچستان ئچ سرائیکی ٻولݨ آلے آپݨے آپ کوُں قومی طور تے سرائیکی دی بجائے بلوچ اتے سندھی سمجھیندن۔ سندھ ئچ تاں سرائیکی ٻولݨ آلے مردم شماری ئچ آپݨی ماء ٻولی وی سندھی لِکھویندن۔ ھُݨ تک سرائیکی تحریک جیڑھا پندھ کیتے اتے جیڑھیاں کھٹیاں کھٹن انہاں ئچوُں ھِک کھٹی پختوُن، بلوچ اتے سندھی قومپرستاں دی اِیں تحریک دی حمائت کرݨ وی ھِ۔ سرائیکی تحریک دی اے جیت یقیناً سرائیکی دشمن طاقتاں کوُں کݙاھیں نئیں بھاݨی اتے اُنہاں دی ھمیش ھِک خواھش رھی ءِ جو سرائیکی سوال کوُں متنازعہ بݨایا ونڄے۔ لہذا انہاں سرائیکی دشمن طاقتاں دے کلے تے کݙݨ آلا سرائیکی مارکہ کول اے بعید کوئینی جو سبھائیں سندھ اتے بلوچستان تے کجھّ ضلعیاں کوُں وی سرائیکی صوبہ دے نقشہ ئچ شامل کر کے سرائیکی صوبہ دے سوال کوُں اتلا متنازعہ کر ݙیون جو صوبہ بݨدا ئی نہ بݨے۔ اتے سرائیکی سوال کوُں ھمیشہ ھمیشہ کیتے دفن کر ݙتا ونڄے!

Safdar Klasra محترم مشتاق گاݙی صاحب

مسئلہ معمولی جیہا ہا ہک سوال ہا بس ہک سوال جو کیا ممکن ہے جو سندھ اسمبلی وچ وی سرائیکی زبان دا آدر کیتا ونڄ سڳدے ؟ . اور اے بس ڳالھ تے سوال دی حد تک ہا

پر کجھ دانشوریں آپݨی ساری دانشوری اتھائیں ویٹ رکھی اے تے صرف زبان دے مسئلے کوں مستقبل دے مطلوبہ صوبے نال ونڄ جوڑیئے ۔

اساں تاں سوچیا ہا جو جیرھی پارٹی اساکوں ہمیشہ متعدد مراحل وچ مدد ݙے سڳدی اے ،، سہارا بݨ سڳدی اے ۔ݙوں صوبیاں وچ سرائیکی زبان دی قرارداد پیش کرݨ دی چنڳائی کر سڳدی اے

او سرائیکی زبان کوں مزید آدر وی ݙے سڳدی اے ۔ اور اے توقع بے جاہ وی کائینی اساں پیپلز پارٹی کنوں چنگی امید کیوں نہ رکھوں ۔ ؟ اساں اے توقع کیوں نہ رکھوں جو چارے پنجے صوبیاں دی اسمبلیاں وچ تے قومی اسمبلی تے سینٹ وچ وی سرائیکی زبان کوں پارلیمانی زبان من گھدا ونڄے ۔سارے پاکستان دے ہر ادارے وچ جیرھا مقام دیگر زبانیں دا ہووے او سرائیکی زبان دا وی ہووے ۔ اے خواہش رکھݨ وچ کیا حرج اے ؟ کیا غلط ہے ؟

عجیب ڳالھ اے ہے جو اساݙے کجھ لوکیں کوں جیندی ، جیرھی ڳالھ پسند نہ اوے تاں پتہ نی کتھوں لبھ آمدن غداری دے الزامات ۔ سازش دیاں تھیوریاں ۔ ایجنٹی دے طعنے ۔ حماقت دے تبرے،

ایویں لڳدے جیویں اللہ سئیں ساری دی ساری دانش ݙوں چار اساݙے دانشوریں کوں ݙے تے عقل والے خزانے کوں جندرے مار ݙتن اور صرف انہاں کوں رہبری دا منصب سونپ ݙتا ڳئے تے نال ݙنڈکا وی ۔ جو ونڄو اجڑ کوں ہکلو ۔

محترم ۔ ایں نہ کیتا ونجے. لوکیں کوں چنڳاں ماڑا خود سوچݨ ݙتا ونجے ۔سوال دا رستہ نہ روکیا ونڄے ۔ جواب اگر ضروری وی ہووے تاں ضرور ݙتا ونڄے ۔نصیحت کیتی ونڄے ، مشورہ کیتا ونڄے ، رائے ݙتی ونڄے لیکن سازشی تھیوریاں نہ تھپیاں نڄن ۔ ہر بندے تے سازش دا الزام نہ لاتا ونڄے ۔ ۔ آخر اتنا فکری جبر کیوں کیتا ونڄے

۔ حیرت اے جو طئے کر گھدا ڳئے کہ جیرھا بندہ وی کوئی سوال کرے چا او لازمی طور تے پیپلزپارٹی دا مخالف بلکہ دشمن ضرور ہے ۔ بھانویں اوں کم بخت دی پارٹی نال وابستگی تے قربانی انہیں دانشوریں توں ݙاہ گُنا زیادہ ہووے ۔ ۔ ۔ ۔ قبلہ سئیں

عام لوک چند دانشوریں دی سوچ دے عین مطابق سوچݨ دے پابند نی ۔ ۔ خود پیپلزپارٹی دے اندر اتنی ڈکٹیٹر شپ کائینی جتنی اساݙے دانشور دوست ۔ جنوبی پنجاپی ،، پیپلزپارٹی وچ لاتی کھڑن ۔ اصلوں وݨیں تے چاڑھ ݙیندن ، مغلظات دی حد کر ݙیندن ۔۔۔ ی ، م کنوں ڳالھ دا مُنڈھ ٻدھیندن کیا سیاسی مکالمہ ایویں ہوندے ۔ ؟ لڳدا پئے جو ایہو حال جمال دا تاں اللہ ٻیلی مال دا ۔

شالا خیر سلامتی نال ہووو