ملتان کی خبریں

نشتر کے کورونا آئی سی یو میں رات کی ڈیوٹی پر سٹاف اپنی کرسی پر براجمان ہیں
ہر مانیٹر اور وینٹی لیٹر اپنی اپنی بساط کے مطابق ٹوں ٹاں، ٹوں ٹاں کا ورد کر رہا ہے.
ایک تیس سالہ مریضہ کا کچھ ہی دیر پہلے انتقال ہوا ہے

باقی نو مریض زندگی اور موت کی لڑائی میں جٹے ہوئے ہیں
وارڈ کی فضا ابھی تک سوگوار ہے
بیڈ نمبر ایک کی مریضہ کا بیٹا اس کی کمر پر پچھلے دس منٹ سے تھپکیاں دے رہا تھا. اب سستانے کی غرض سے کرسی پر بیٹھ گیا ہے

کرسی پر بیٹھے ہوئے اس کی نیند سے بوجھل آنکھیں مزید بوجھ اٹھانے سے قاصر ہوگئیں تو اس نے سر بیمار ماں کے بستر پر رکھ دیا ہے

ماں کی بیمار حالت، ساری رات کی اٹھک بیٹھک اور رت جگے نے اسے نڈھال کیا ہوا تھا. بستر پر سر رکھتے ہی نیند کی آغوش میں چلا گیا

ماں نے اپنے سر تلے سے تکیہ نکالا اور قدموں والی طرف رکھ کر بیٹے کو سونے کے لیے بہتر جگہ بنا کر دی

اب اس کا سر اور جسم کا بالائی حصہ بستر پر ہے

(یوں جیسے ماں کی گود میں سر رکھے سو رہا ہو) اور ٹانگیں ساتھ رکھی کرسی پر، بیٹا سکون سے سو گیا ہے

سانس کی شدید دشواری کے باوجود ماں کے چہرے پر اب اطمینان ہے

ملتان

حکومت پنجاب کی ہدایت پر صوبہ بھر میں” خدمت آپ کی دہلیز پر” پروگرام کا آغاز کل سے ہو گا۔ ڈپٹی کمشنر علی شہزاد اور سی ای او کمپنی فخرالاسلام ڈوگر

آج صبح 9.30 بجے کچہری چوک میں پروگرام کا افتتاح کریں گے۔ملتان ویسٹ منیجمنٹ کمپنی نے پروگرام کو کامیاب بنانے کے لئے تیاریاں مکمل کر لی ہیں۔

ایم ڈی ویسٹ منیجمنٹ کمپنی فخرالاسلام ڈوگر کی ہدایت پر ایک ہفتہ کا صفائی پلان جاری کر دیا گیا ہے۔آج امیر آباد،شاہ فیصل کالونی، گلگشت،ٹبی شیر خان،پیر خورشید کالونی نواب پور روڈ اور اتحاد کالونی،

نیو ملتان،شاہ رکن عالم کالونی،اسلام پورہ، شجاع آباد روڈ،بابر کالونی اور رحمان کالونی میں خصوصی صفائی ہوگی۔حسین آگاہی،

سرکلر روڈ، محمودآباد، خوشحال کالونی، نقشبند، بلال نگر، بھٹہ کالونی اور صدیق آباد کے ایریا کو جمعہ کے صفائی پلان میں شامل کرلیا گیا ہے۔

ہفتہ کو قدیرآباد، مہربان کالونی،ابدالی روڈ،ایل ایم کیوروڈ، شمس آباد کالونی، حضوری باغ،واٹرورکس روڈ قاسم پور اور گلزیب کالونی میں صفائی آپریشن ہو گا۔

پیر کو شاداب، ورکرویلفئر،لودھی، خواجہ غریب نواز، پیپلز کالونی،تغلق،نیاز،مدینہ اور ابراہیم ٹاون میں صفائی ہو گی۔

منگل کو نشاط روڈ،پاک گیٹ،حرم گیٹ، سبزہ زار، شالیمار، نشیمن، انکم ٹیکس، گلبرگ اور شیخ کالونی کے ایریا میں اور بدھ کوجناح کالونی،

کوٹلہ وارث شاہ، وقاص اور گرین ٹاون، طارق آباد،غوث آباد،ناصر آباد اور حیدری کالونی میں صفائی کی جائے گی

About The Author

نمائندہ

See author's posts