اسمبلی وچ طارق بشیر چیمے دا چٹا کوڑ||اکبر ملکانی

۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔
کو ئی پچھے طارق بشیر چیمے کنوں بہاولپور ڈویژن تیڈے پیو دا اے۔یا تیڈے ڈاڈے دا اے۔توں جو اسمبلی وچ پورے بہاولپور دا ماماں بنڑیا کھڑیں۔اے پورے بہاولپور دا اختیار کئیں ڈتے تیکوں۔توں جو بھا چانونڑ ایا ھانویں پوری چلھ دا مالک بنڑ گئیں کیا۔توں بطور اباد کار دے ایا ھانویں صرف اباد کار دی حد تک رہ۔توں جو اسمبلی وچ بہاولپور دے دعوے کھڑا کر یندیں۔ بہاولپور ساڈا اے۔اے بہاولپور پہلے صوبہ ھا۔اساں اینکوں صوبہ بنڑوا کیں رہسوں۔ول اے وی نال مطالبہ کھڑا کر یندیں۔ بہاولپور وچ ریفرنڈم کراوو۔ساڈیاں قربانیاں ان۔
کیا قربانیاں ان ووئے بدبختا تو ھاڈیاں زرا تفصیل نال ڈس ھاں میکوں۔تئیں جو اکھیئے ساڈے بندے شہید تھئین۔اساں ماراں کھادین۔جیلاں کٹین۔ بہاولپور وچ نسل حرام دی توھاڈے بندے شہید تھئے ہن کیا۔سرائیکی صوبے دی تحریک الی ریلی وچ فرید گیٹ تیں تیڈے پیو نیں ہتھو ساڈے بندے مرائے ہن۔کوڑ مریندیں ھوئیں بندے کوں شرم انوڑیں چاہیدی۔ول اے جیڈا سفید جھوٹ او وی اسمبلی دے فلور تیں۔بدبختا ۔فرعون اں۔وقت دی انتظار کر۔اتر نال تیڈے تیں تیڈے پیو دے ہتھو ہر تھئے ھوئے نقصان ظلم زیادتی دا حساب کتاب ضرور گھنسوں۔پیو دا بنڑیں ہیں موئقف تین قائم رہ ونجیں۔اللہ پاک تیکوں دیر گاہ سلامت رکھے۔سارے تھیندے حساب اپڑیں اکھیں نال ڈیکھ تیں مریں۔اللہ سئیں دے گھر وچ دیر ضرور ۔مگر اندھیر کئینی۔شیشے دے گھر وچ بہے کیں جیرھی بک بک کریں کر سگدیں۔اخر ہک ڈیہنہ تیڈا ساڈا میدان ضرور لگسی۔فیصلہ میدان وچ تھیسی۔
او ویلھا توھاکوں بھل گئے ۔جڈاں بوتھیاں چبیاں کر کیں ساڈے وسیب وچ اباد کار بنڑ کیں ائے ھاوے۔جیرھا کجھ توھاڈے پلے ھا۔او وی ہر کہیں کوں پتہ اے۔
اسمبلی توھاڈی اے۔قانون وی توھاڈے ان۔جیرھا کجھ اتھاں اسمبلی وچ الانویں کھڑا۔کون پچھدے اتھاں تیڈے کولھو۔
اتھاں سارے تیڈے سکے بھرا بیٹھن ۔ساڈا کوئی اگر اتھاں اسمبلی وچ بیٹھا ھوندا۔تیکوں جواب ضرور ڈیندا۔تیڈا مونہوں ضرور بھنیندا۔پیپلز پارٹی تیڈے نال اے۔ن لیگ تیڈے نال اے۔تحریک اے انصاف تیڈے نال اے۔ملاں تیڈے نال ان۔فیوڈل تییڈے نال ان۔سرمایہ دار تیڈے نال ان۔لوفر لفنگے تیڈے نال ان۔ق لیگ دا توں اپ سرغنہ ایں۔ایڈو اوھو حسین دا بہتر اے۔جیویں اوں وخت ہر کوئی یزید نال ھا۔ایڈو حسین کلھا ھا۔طارق بشیر چیمہ یاد رکھ فتح حسین دی تھئی ھئی۔اپڑیں کردادار نال جیویں حسین اج وی ھ پیا۔انویں لعنتیں جھلنڑ واسطے یزید اج وی ھ پیا۔
اے ساکوں اسمبلی دیاں قرار داداں نہ ڈس۔اے نہ اکھ سینٹ وچ ڈو قرار داداں پاس تھیاں ہن۔بھا لگے تیڈے انہیں قرار دادیں کوں۔اساں نہیں منیندے توھاڈے انہیں قرار دادیں کوں۔کوئی ساڈے مشورے نال تیں پاس نہ تھیاں ہن۔سرائیکی صوبے کیتے اسمبلی وچ اکثریت دی ضرورت اے۔اے وی تیں توھاڈا اپڑاں بنڑایا ھویا قانون اے۔
پورے ملک دا دارالخلافہ کراچی کنوں جو اسلام اباد گھن ائے ھاوے۔کیرھی اسمبلی کنوں اے بل پاس کرایا ھاوے۔
ایویں بیاں وی ڈھیر مثالاں ان۔کیرھی کیرھی مثال ڈیواں۔کیرہیں کیرہیں اسمبلی دے قراردادیں ایں ملک دا ستیاناس کیتے۔بیڑا. غرق کیتےمزید ساڈے کولھو کوئی غلطی دی گنجائش کئینی۔ایں پاکستان دے اصل وارث اساں سرائیکی ہیں۔پورا پاکستان سرائیکی وسیب تین بنڑیا کھڑے۔پاکستان تیں اصل قربانیاں صرف اساں ڈتین۔اگوں تین وی اگر پاکستان تیں اللہ نہ کرے کوئی اوکھا وخت ایا۔ول وی قربانی صرف سرائیکی ڈیسن۔
طارق بشیر چیمہ نال ایمان دے ڈس تیڈے ڈاڈاے رنجیت سنگھ کنیں پہلے جتھاں ہنڑ تساں پنجاب صوبہ بنڑائی کھڑو۔اتھ کوئی پہلے پنجاب ناں دا صوبہ ھا۔ پوتھیاں نہ پھلواوو طارق بشیر چیمہ۔تیڈے ظلم دی داستان ودھدی ویندی اے۔تیڈے ظلم دیں داستانیں کوں پورا اسلام اباد جانڑدے۔اے بی گال اے۔اسلام اباد دے لوک ڈورے وی ہن نال گونگے وی ہن۔ہیڈ راجکاں دیاں نیانڑیاں۔دھیریں۔معصوم بچیاں ۔میریں ۔بھینڑیں۔بیوہ شودیاں خالی روندیاں ول ائین۔کہیں انہیں دے سر تیں شفقت دا ہتھ وی نہیں چا پھیریا۔ کہیں سر تیں چھڑی چادر وی نہیں چا پوائی۔اسلام اباد تیڈا جو ھا۔اتھ سارے تیڈے جو ہن۔اوں وخت اسلام اباد ھا جیرھا کوفےدا منظر پیش کریندا پیا ھا۔او سارے ظلم دے سونہیں ہن ۔انہیں. کوں پتہ ھا۔ظلم کیا ھوندے۔تہوں ہیٹر اے سی الے کمریں وچو کہیں نکلنڑ مناسب ای نہیں سمججھا۔اندری اندر سارے دے سارے طارق بشیر چیمہ ہن۔ تہوں اسلام اباد لاھور وچ طارق بشیر چیمہ حاجی نمازی تہجد گزار طارق بشیر چیمہ اے۔اے تاں وت اونکوں شئیت پتہ ای کئینی۔ ہک بیا جہان وی ھ۔جتھاں رب اے زوالجلال دی حکومت ھونونڑیں اے۔جتھاں محمود او ایاز سر سٹ ہکی صف وچ کھڑے ھوسن۔حکم ملسی سارے طارق چیمے ہک سائیڈ تیں تھی ونجن۔کنڈو رانڑہیں۔سرو ننگے۔پیرو رانڑہیں۔بکھے ننگے۔کیڑے مکوڑے۔دھتکاریئے ھوئے لوک ہک پاسے تھی ونجن۔ایں روئے زمین۔کرہ اے عرض دا سبھ کنوں وڈا مقدمہ رب اے کائنات وچ سنڑیا ویسی۔رب اے کائنات پچھسی کنڈو رانڑہیں مخلوق کوں اکھسی میں رب اکبر ان ہک ہک لمحے کوں جانڑداں۔ہک ہک گال کوں جانڑداں۔تساں اپڑیں زبان نال ڈسو۔میں توھاڈے سامہڑیں توھاڈے پورے وسیب دے طارق چیمے توھاڈے سامہڑیں کھڑا ڈتن۔کھل کیں گال کرو۔
ڈسیسوں انہیں ساریں دا تعلق رنجیت سنگھ دے خاندان نال اے۔یا لارڈ کرزن دے خاندان نال اے۔بقول ہنائیں دے۔
انہیں ڈونہائیں خاندانیں ساڈے تیں ظلم دے پہاڑ تروڑین۔ساڈا وطن کھسئیے۔ساڈے وطن کوں حصیں بخریں وچ تسلیم کیتے۔ساڈے ترائے ضلعے پشتونیں کوں ڈے ڈتے گئین۔جنہیں دا کوئی جرم وی نہ بنڑدا ھا۔نہ شر پسند ہن۔نہ باغی ہن۔پچھو ایں لارڈ کرزن دے ٹھالے کنوں کیا قصور ھا۔انہیں شودیں بے زبان لوکوکیں دا۔جیرھے وطن کنوں بے وطن تھئین۔جیرھے انہیں دی بولی وی نہ سمجھدے ہن۔اے ظلم اتھائیں نہیں مکا۔ساڈے وطن دی زبان کھسنڑ لگ پئین۔اکھینیں اے وطن بلوچیں دا اے۔اساں بلوچستان دا حصہ ہیں۔ایں عدالت تک ساڈے نال ایہو ظلم تھیندا ائے۔نسل پرستی دا زوریں ریت زہرپلانونڑ دی کوشش کیتی گئی اے۔پچھو انہیں کنوں اخر کیوں۔ڈوجھے پاسو اے رنجیت سنگھ الے کھڑن۔انہیں ساڈے وطن نال جیرھا حشر کیتے۔5 ہزار سال دی تاریخ رکھنڑ الے شھر کوں تہس نہس کر ڈتے۔قتل او غارت گری کیتی اے۔ ایں اوترے 2 جون کوں پورے ساڈے ملتان شھر دیاں گلیاں خون نال بھر ڈتیاں گئین۔چوک شہیداں۔خونی برج انہیں دی بربریت دے ناں نال وجود وچ ائین۔جیرھے اج وی انہیں دی ظلم دی داستان کھڑے سنڑویندن۔گال اتھائیں نہیں پئی مکدی ۔دھی رانڑیں اپڑیں عصمت بچانونڑ لیوں جیرھیاں شھر وچ پانڑیں پلانونڑ الیاں کھوئیاں ہن۔انہیں معصوم بالڑیں انہیں کھوئیں وچ درک درک مار او کھوئیاں اپڑیں لاشیں نال بھر ڈتین۔اجاں وی گال اتھائیں نہیں مکی۔والئی صوبہ ریاست نواب مظفر کنوں ہتھیار سٹانونڑ دی کوشش کیتی گئی اے۔چونکہ نواب مظفر شھید ہیں وطن دا سن اف سائل ھا۔اونکوں بالیں بچیں سودھا شہید کر ڈتا گیا۔وطن واسیں کوں گرفتار کر گھدا گیا۔نوجوانیں پیریں ہتھیں گل وچ طوق پوائے گئے۔نائیل پوا ئے گئے۔ساڈی شناخت کھس گھدی گئی۔ساکوں زوریں ریت پنجاب دے ناں دی شناخت ڈے ڈتی گئی۔جیرھا پنجاب پورے کرہ اے عرض تین وی کتھائیں کئیناں ھا۔
اساں وطن واسیں نال لارڈ کرزن تین رنجیت سنگھ دے اولادیں بہوں وڈا ظلم کیتے۔ساڈیاں اولاداں دنیادے پورے ملخیں وچ اج وی روزی دے تتے در پدر ملک بے ملک تھی تین رلدیاں ودین۔
زمین تین اللہ سیاں تیڈی اے۔تیڈی زمین تیں اے تیڈے الی کار اپ کوں خدا سڈویندن۔ظلم دیاں بھاہیں بالی ودن۔کیا ایہو تیڈا اسلامی نظام اے۔بکھا بکھا اے۔رجیا رجیا اے۔
وت ساڈے خلاف ہک نویں سازش تیار کر گھدی نیں۔اہدن توھاڈا ناں جنوبی پنجاب اے۔اے وت ساڈی شناخت تیں نواں قہر اے۔ایں قہر وچ ایں سازش وچ کجھ ساڈے اپڑیں وی شریک تھی چکن۔انہیں کوں وی شرم نہیں اندی۔حالانکہ نہ اساں پنجابی ہیں نہ جنوبی ہیں۔پتہ نہیں اے وت نویں اختراع کتھو کڈھ ائین۔
ساڈا ایہو حال اے۔ساڈی ایہا دھاں اے۔جیرھا کجھ اتھاں تساں ساڈے نال کرو۔ساڈا مقدمہ تیار اے۔فیصلہ اگو تھیسیی۔جیوو پئے۔
سرائیکستان زندہ باد۔جنوبی پنجاب مردہ باد۔جنوبی پنجاب سیکٹریٹ نا منظور۔نامنظور۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو