میں صرف اور صرف اپنڑاں ذمے واراں ||اکبر ملکانی

اج دے بعد میڈی ہک گال ہر کوئی اپڑیں زہن نشین کر گھنے۔
میں صرف اپڑاں زمے وار اں۔اپڑیں پارٹی دا زمے واراں۔اپڑیں پارٹی دے عہدیداریں دا زمے واراں۔ساڈے تیں کہیں قسم دا کوئی الزام لگے۔یا کوئی الزام لاوے۔پاکستان عوامی سرائیکی پارٹی ہر اوں الزام دی جواب دہ ھ۔

1۔پاکستان عوامی سرائیکی پارٹی نیں اکھیا ھا۔اساں اوں کہیں وفاقی پارٹی جیرھی وی ساکوں جنوبی پنجاب دا ناں ڈیندی اے۔ اوں جماعت دے الیکشن دا کڈاہیں وی حصہ نہ بنڑسوں۔نہ پچھلے الیکشن وچ بنڑیوں۔

2۔پاکستان عوامی سرائیکی پارٹی جنوبی پنجاب دے ناں تیں تھیونڑ الے الیکشن وچ کامیاب تھیونڑ الے کہیں وی ایم این اے۔ایم پی اے کوں اپڑیں سرائیکی سٹیج دی زینت نہیں بنڑایا۔

3۔ نہ کہیں ایم این اے۔ایم پی اے دی سٹیج تیں یا انہیں دے کہیں سیاسی فنگشن دی زینت بنڑیوں۔نہ زینت بنڑنڑ دی کڈاہیں خواہش کیتی اے۔

4۔اے ووٹ نہ ڈیونڑ الا فیصلہ پاکستان عوامی سرائیکی پارٹی دا کوئی مستقل فیصلہ نئیں۔جیرھی وفاقی پارٹی اپڑیں منشور وچ لوظ سرا ئیکستان کوں شامل کر ڈیسی ۔او پارٹی ساکوں اپڑیں نال پئیسی۔بلکہ ہک قدم اگو پئیسی۔

5۔اساں اے وی بھرپور کوشش کریسوں کوئی رجسٹرڈ سرائیکی پارٹی او تک الیکشن نہ لڑے جے تک او نچلی سطح تک یونین کونسل وائز اپڑیاں تنظیماں نہ بنڑاوے۔چھوٹی چھوٹی سطح تک وستی وستی گلی گلی لوکیں کوں ارگنائز نہ کرے۔پڑھیئے لکھیئے لوکیں تیں مشتمل یونین وائز سٹڈی سرکل دے دفاتر نہ کھلواوے۔وستی وستی وچ کم تھیوے۔پارٹی دے دفتر کھلن۔جھنڈے لگن۔ اپ کوں لوکیں وچ روشناس کرانون۔ول الیکشن لڑن ساکوں کوئی اعتراض نئیں۔اساں انہیں دے نال ھوسوں۔

6۔ساڈے کجھ سرائیکی رہنما۔سرائیکی نال ہمدردی رکھنڑ الے دانشور اہدن۔صوبہ ڈو ترھیائی دی بنیاد تیں پارلیمنٹ نیں بنڑانونڑے۔اخر کہیں پارٹی نال مزاکرات کریسو۔ٹیبل ٹاک کریسو۔ڈئیلاک کریسو تیں گال اگوں تیں ٹرسی۔نہ تاں تساں بند گلی وچ کھڑے رہسو۔

7۔اساں ہر گال انہیں دی من گھندوں۔اے ٹھیک اہدن۔ہر سیاسی مسئلے دا حل بیشک ڈئیلاک وچ ھوندے۔

8۔لیکن ساکوں اے وی تیں سمجھانون۔اساں مزاکرات۔ڈئیلاک کیندے نال کروں۔دعوت ڈیونڑ الے دوست ایجنڈے وچ ہک گال تیں طئے کرانون۔جیرھی پارٹی دا او اہدن۔اوں پارٹی کنوں ملاقات کنیں پہلے جنوبی پنجاب دا ناں واپس گھنوانون۔

9۔مزاکرات ہمیشہ برابری دی بنیاد تین ھوندن۔کمزور تیں طاقتور دے کڈاہیں وی مزاکرات نہیں ھوندے۔

10۔ملنڑ مزاکرات نال اساں سرائیکیں کوں کیا ملنڑیں۔انونڑ والے الیکشن وچ جنوبی پنجاب دے ناں تیں ول ہکواری بیا ڈٹ جھل تیں ول اوسوں وت 5 سال پچھوں تیں ونج پوسوں۔اخر اج تک غریب سرائیکی کوں ووٹ ڈیونڑ دا کوئی فایدہ ملیئے ساکوں کوئی علم نئیں۔

11۔مکدی گال مکاووں۔جنوبی پنجاب دے ناں نال کھلی جنگ پاکستان عوامی سرائیکی پارٹی اینجھے کہیں المیئے دی قطعن بھائیوال نہ بنڑسی۔جتھو کہیں نویں بنگلہ دیش دی راہ ہموار پئی تھیندی ھووے۔

12۔سیکٹریٹ نا منظور۔جنوبی پنجاب مردہ باد

سرائیکستان زندہ باد۔جنوبی پنجاب مردہ باد۔جنوبی پنجاب سیکٹریٹ مردہ باد۔

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو