اخر کے تک ایں کھچڑی دے بھائیوال بنڑیئے رہسوں؟ ||اکبر ملکانی

سرائیکی صوبے دے حامی حمائیتی کہیں وی قوم پرست رہنما نیں
اگر جنوبی پنجاب اکھنڑ الی کہیں وی وفاقی جماعت دی کہیں جاہ تیں دامے درمے سخنے اخلاقی طور تیں الیکشن وچ کوئی حمایت کیتی۔ پاکستان عوامی سرائیکی پارٹی اوں قوم پرست جماعت یا قوم پرست رہنمادی بھرپور مخالفت کریسی۔بلکہ اوندا سوشل بائیکاٹ کریسی۔
اخر کے تک ایں کھچڑی دے بھائیوال بنڑیئے رہسوں۔کے تک مطالبات دہریندے رہسوں۔کے تک سنہری باغ دے خواب ڈیکھدے رہسوں۔توھاکوں انت ہک ڈیہنہ کوئی نہ کوئی فیصلہ ضرور کرنڑاں پوسی۔
میں وی جناب الی کار بلکہ جناب کنوں ودھ کیں ہک سمندر نما پارٹی نال منسلک ھامیں۔میڈا جیونڑ مرنڑ میڈی اپڑیں ھوں پارٹی دے نال ھا۔جیرھی جماعت دی ضرورت توں زیادہ جمع پونجی وی ھئی۔پس اے منظر وی ھ۔بیک گراونڈ وی ھ۔پرپرٹی وی ھ۔قربانیاں وی ہن۔شہید شہادتاں وی ہن۔قلعے وی ہن۔پھاسیاں وی ہن۔تاریخ وچ سبھ توں ودھ جیلاں وی ہن۔پشاور۔کوئیٹہ۔اڈیالا کنوں گھن کراچی تک جیرھے ناں نشابر تھیندن۔او سارے جیالے وی میڈی جماعت دے ہن۔ایں میڈی جماعت وچ بونے لوک وی وڈے قداور سیاسدان گنڑیئے ویندے ھن۔5 صوبیں دی ایں وقت وی سبھ توں زیادہ مظبوط ترین جماعت اے۔
اینجھی جماعت کوں صرف شناخت دے راہ تیں میں وی تیں چھوڑیئے۔میڈیاں قربانیاں وی ہن۔میڈے کولھو جیلاں وی ہن۔پارٹی چھوڑیندیں ھوئیں میڈے کولھو کہیں پچھے تیڈے نال کیا گزری اے۔میڈے کولھو صرف میڈیاں ہنجھوں ہن۔ جنہیں میڈے دوست کوں اوندے سوال دا جواب ڈتے۔تن تنہا بوجھل دل نال پارٹی وچ ہک جان توں پیارا دوست وی ھا۔جیل فیلو وی ھا ۔میڈا محبوب وی ھا۔اوندے نال پارٹی وچو نکھڑدیں ھوئیں جڈاں الودع کیتی۔رناں او وی ھا۔رناں میں وی ہم۔اوی ہک منظر ھا۔جینکوں صرف اوں تیں میں محسوس کیتا ھا۔
جیرھے کمبخت دے پتر جنوبی پنجاب دی اج گال کریندے کھڑن ۔اے تصور تیں اج کنوں 30 سال پہلے میڈی ہیں جماعت دے شہید بابے نیں پیش کیتا ھا۔
اج دے انہیں سیاستدانیں کوں اکھو۔ہنڑ تساں جنوبی پنجاب کنوں کوئی اگلی گال اگوں تیں ٹورو۔اے تک گال تاں پیپلز پارٹی کر چکی اے۔او پارٹی ہنڑ وی جنوبی پنجاب دا اہدی کھڑی اے۔ایں جنوبی پنجاب الے لوظ تیں ھوں سمندر نما پارٹی نال رسیماں تھئے۔ول توھاڈا وی اگر اوھو جنوبی پنجاب اے۔ول ساکوں فایدہ۔سو وصل وی کھاوں۔سو کھلا وی کھاوں۔۔واہ جو اساں کھٹیا۔نانوں گیا ملتان۔نہ کجھ نیں تیں نہ کجھ ان۔۔تاک انویں دا انویں چوتھی تیں۔
ایمان وی گیا۔یار وی گیا۔اگر ہیں تنخواہ تیں کم کرنرنڑاں وی ھا۔
ول پچہیں ساکوں اوھا اپڑیں پارٹی ٹھیک نہ ھئی۔اپڑیں دوست دے اگو وی شرمسار نہ تھیواں ھا۔
ہنڑ اخری فیصلہ اے ھ۔ساکوں سبھ شئے کنوں اپڑیں شناخت پیاری اے۔سنجانڑ پیاری اے۔اساں اپڑیں کلچر دا دفاع کریسوں۔ٹانک۔دیرہ اسماعیل خاں سمیت صرف 23 ضلعیں تیں گال تھیسی۔صوبے دا ناں صرف شناخت دی بنیاد سرائیکستان دے ناں نال ھوسی۔جغرافیعے دی بھن تروڑ تیں کوئی وی سمجھوتہ قبول نہ کیتا ویسی۔ایہو فیصلہ اے۔ایندے علاوہ ہک انچ وی گال گھٹ ودھ نہ تھیسی۔ہیں ہک مطالبے تیں جدو جہد۔مزاحمت کوں اپڑیں ایمان دا حصہ سمجھدے ہیں۔ہیندے واسطے ہر جابر ظالم دے نال اوندی اکھ وچ اکھ پا کیں گال کرنڑ دی قسم چیندے ہیں۔لڑسوں۔بھڑسوں۔مرسوں صرف سرائیکستان کییتے۔شناخت خون وچ شامل اے۔شناخت دے بغیر ادھورے ہیں۔ادھورے کوئی انسان نئیں ھوندے۔شناخت۔زبان دے بغیر انسان تیں حیوان وچ کوئی فرق نہیں ھوندا۔
جنوبی پنجاب غلیظ مندہ اے۔اے وفاقی پارٹیاں ہک ڈیہنہ وچ ساکوں 20 دفعہ جنوبی پنجاب دا ناں گھن کیں مندا کڈہین۔اساں سارا ڈیہنہ ول وی ہنائیں دے پچھو کتے الی کار پچھ لٹکیندے رہ ویندے اوں۔واہ ساڈی غیرت۔عزت۔ہیں جنوبی پنجاب سڈیچنڑ کنوں اوھو مر ونجنڑ بہتر اے۔نہ رہسی بانس نہ وجسی بانسری۔
جے تک اساں قوم پرست کوئی پکا پختہ فیصلہ نہ کریسوں۔او تک نہ ساڈے مسئلے دا کوئی حل اے۔نہ سرائیکی عوام دا قصور اے۔
عوام دا چیتا تیں اساں اپ پٹی ودے ہئیں۔ول اے الزام وی نال عوام ساڈے نال نہیں تھیندے۔
عوام تیں الزام نہ لاو۔عوام بہتر فیصلے کریندی اے۔جڈاں تساں کوئی خود بہتر فیصلہ کریسو۔عوام توھاڈے نال ھوسی۔
او بہو کٹھے تھیوو۔رکھو قران تیں ہتھ ۔اجدے بعد اساں کہیں وفاقی پارٹی دے نال او تک نہ تھیسوں۔جے تک او ساکوں سرائیکستان دا ناں نہ ڈیسی ۔ساڈے نال جے تک پورے 23 ضلعیں دی گال نہ کریسن۔ووٹ ڈیونڑ بند۔انہیں نال اٹھنڑ بہنڑ بند۔انہیں دو ڈیکھنڑ گناہ۔انہیں نال الانونڑ گناہ۔مکمل سوشل بائیکاٹ۔جیویں انون انویں جانون۔اے اے۔اساں اساں۔
اساں یکے۔سارے سکے۔اساں مدینے اساں مکے۔
اندرو دی ہک گال ہئی۔ڈھیر جیہاڑیں کنوں چبھدی ودی ھئی۔ساریں قوم پرست جماتیں نال شئیر کرنڑ بہوں ضروی ھا۔ہرکہیں دا رائے ڈیونڑ حق اے۔بلکہ ہر دوست دی رائے دا احترام کیتا ویسی۔شکریہ
بلے شاہ اساں مرنا نئیں۔گور پیا اے کوئی ھور۔
سرائیکستان زندہ باد۔جنوبی پنجاب مردہ باد۔جنوبی پنجاب سیکٹریٹ مردہ باد۔

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو