24 اپریل یوم اے سیاہ،تاریخ دا کالا ڈیہنہ ||اکبر ملکانی

۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔ ۔۔۔۔۔۔۔۔۔۔۔۔
ایہا 24 اپریل ھئی۔جڈاں بہاولپور دے فرید گیٹ کوں رتو رت کر ڈتا گیا ھا۔جتھاں خون دی ھولی کھیڈی گئی ھئی۔جتھاں بے گناہ سرائیکیں دا قتل اے عام تھیا ھا۔جتھاں ڈھیر بے گناہ شہید تھئے۔ڈھیر بے گناہ شدید زخمی تھئے۔
سرائیکیں دا جرم سرائیکی صوبے دے مطالبے تیں پر امن احتجاجی ریلی پورے بہاولپور ڈوژن وچ احتجاجی کیمپ لائے گئے ہن۔ بہاولپور۔ احمد پور شرقیہ۔لیاقت پور۔خان پور۔رحیم یار خاں وچ وی کیمپ لگے ہن۔تمام احتجاجی کیمپیں کوں اکھاڑ پکھاڑ ڈتا گیا۔کیمپیں وچ بہنڑ الیں کوں گرفتار کر گھدا گیا ھا۔غالیبن مرحوم سرکار مرید حسین خاں راز جتوئی کوں وی خان پور کیمپ توں گرفتار کیتا گیا ھا۔ایویں بہاولپور شہیدیں دی لسٹ وچ پہلا ناں حافظ شفیق دا ھا۔اے غالبن سن 1971 دی اے گال اے۔اوں ویلھے ایں بدقسمت ملک دا صدر جنرل محمد یحی خاں ھا۔
تہوں اے 24 اپریل تاریخ دا سیاہ اور کالا ترین ڈیہنہ اے۔جیکوں قوم پرستیں اپڑیں رت نال تحریر کیتے۔
سرائیکی صوبے دی ہک پرامن تحریک ھئی۔اساں اگر ایندے سیاق سباق کوں ڈیکھوں۔اے اے جیڈا وڈہ سانحہ کیوں رونما تھئے۔جیندا پیرا سدھا بشیر چیمے دی حویلی دے اندرو تک ویندے۔
بشیر چیمے دی کاوڑ بندیں دے مرنڑ۔بندیں دے شدید زخمی تھیونڑ تیں وی نہیں موئی ۔بجائے کوڑا سچا ارمان کرنڑ دے۔ہتھو ایں بدبخت بخیل ۔بےھودہ۔ظالم سفاک حیوان سویلے 25 اپریل کوں اوں فرید گیٹ دے اگو جتھاں ہک ڈیہنہ پہلے ہیندی سازش نال شھادتاں تھیاں ہن۔قوم پرست تڈے تیں بیٹھے ہن۔پھڑی وچھائی بیٹھے ہن۔مکانڑیں ہن۔مکانڑاں جھلیندے بیٹھے ہن۔ایں اے وی نہیں ڈٹھا کل اتھاں فرید گیٹ تیں میڈی وجہ نال ہک نویں کربلا بپا تھی اے۔اے اتھاں اپڑیں بھنگڑیں۔دول دمامیں سمیت جشن منانونڑ ایا کھڑا ھا۔سو ایں بشیر چیمے نیں کوڑی عارضی جیت دے جشن منائین۔او وی صرف ایں گالھوں اے محکوم مظلوم قوم سر چیندی پئی اے۔انونڑ والے وقت وچ مستقبل وچ اے بالا دست طبقیں واسطے مسئلہ بنڑسی۔وطن دا مطالبہ کریسن۔جغرافیعے دا سوال اٹھیسن۔ساڈے ملک پنجاب کوں تقسیم کرنے دی گال کریسن۔انہیں چور دے پتریں کوں پتہ ھا۔پنجاب تین ھ کئیناں۔پنجاب تیں انڈیا وچ رکھ ایوں اوں۔پرائی بھوئیں تیں ڈڈھپ دا قبضہ اے۔جیندا ناں پنجاب اے۔کشف المحجوب وچ پڑھدے کھڑے ہن۔بلکہ پڑھی کھڑے ہن۔قبضے دے ٹائم داتا گنج بخش انہیں کوں ہٹکیندا رہ گئے۔روکیندا رہ گئے۔نہ دوزخ خرید کرو۔نہ ظلم زمین تین وساو۔
جڈاں ظلم زمین تیں تھیندا ھ۔تڈاں عرش دے کنگرے ہلدے ہن۔کیوں جو داتا گنج بخش اپڑیں کتاب کشف المحجوب وچ پہلے اکھ چکا ھا۔لاھور یکے از مظافات ملتان است۔
اے او بدبخت ان۔اللہ دے پٹیے ان۔جنہیں داتے صاحب دی نا فرمانی کیتی اے۔داتا صاحب دا اکھنڑ وی نہیں منیا۔
اتو اکھیم تہوں قتل اے عام تین ارمان دی بجائے۔شرمسار تھیونڑ دی بجائے دول دمامے وجائے گئین۔بھنگڑے پاتے گئین۔باایئن ای یزیدی فعل کوں دہرایا گئے۔
بحرحال اے ھ۔سن 1971 ۔24 اپریل دا حال۔
گال اجاں اتھائیں نہیں مکی۔
او ھا بشیر چیمے دا حال۔ھوں پیو الی کہانی کوں وت اوندا پتر طارق بشیر چیمہ چلیندا پئے۔پیو دا فرمانبردار حلالی پتر اے۔ظلم کرنڑ وچ با ائین اے ھی پیو دے نقش اے قدم تیں چلدا پئے۔حرام جو زندگی دا ہک ڈیہنہ ایں حلالی پتر نیں حیا دا گزاریا ھووے۔او کیرھا ڈیہنہ اے وسیب وچ جڈاں ایندے ظلم دیاں خبراں نہ ایاں ھونون۔ایندے چنگیں حال راشد عزیز بھٹہ ڈیسی۔ جیرھا پورے چولتستان روھی وچ ایندے پچھو دگہ چاتی ودے۔افرین اے ایں راشد عزیز بھٹے دی۔جئیں ایندا اسلام اباد تک پیچھا کیتے۔جیویں بدنامی مڑی اوندا مسئلہ نہ ھووے۔روزانہ سرائیکیں دے سو مندے کھا تیں سمھدے اور سویلے سو مندے کھا تیں اٹھدے۔اہدا ھوسی زمینیں تین قبضے تین کر گھناں۔عزت دی کوئی گال نئیں۔عزت انونڑیں ونجنڑیں شئے ھ۔
۔ھ لعنت تیڈے ایں کردار اتے۔

سوال اج ایں 24 اپریل دا اے۔عظیم قوماں اپڑیں برے بھلے ڈیہنہ نہیں بھلدیاں۔ یقینن 24 اپریل وی کالے ڈیہنہ دے حوالے نال توھاڈے ھاں تیں نقش ھوسی۔اور تساں یقینن ضرور منایا ھوسی۔رونوڑیں شکل وی بنڑائی ھوسی۔کالیاں پٹیاں باہیں تیں وی ضرور بدھیاں ھوسن۔اخباریں وچ اپڑیں غم او غصے دا وی ضرور اظہار کیتا ھوسی۔کتھائیں نہ کتھائیں ریلیاں وی کڈھیاں ھوسن۔پریس کلب دے اگو وی ضرور گئے ھوسو۔اج دے ڈیہنہ دی افادیت دا اپڑیں اپڑیں گھریں وچ اپڑیں بالیں کوں وی لازمی ڈسیا ھوسی۔اگر اج اساں ساریں ایویں کیتے۔میں لکھ کیں ڈینداں۔ساڈے پورے وسیب چولستان دے زمینیں دے کیتے ھوئے سارے قبضے طارق بشیر چیمہ نہ چھوڑیئے۔میں اکبر ملکانڑیں ایندا پاند ڈیساں۔
اجدے ڈیہنہ کوں شھدا ئے بہاولپور اور یزیدی فعل ادا کرنڑ الے ڈوہیں فریق انتہائی غور نال ڈہدے پئے ھوسن۔
شہید صرف اے ڈہدے پئے ھوسن۔ساڈے نال پوری سرائیکی قوم اچ کئیں کئیں اظہار اے یکجہتی کیتے۔کئیں کتلا خراج پیش کیتے۔کیا ساڈی قوم ساکوں بھل تیں نہیں گئی۔ساڈی اے جیڈی وڈی قربانی ضایو تین نہیں تھئی۔
ایڈو ڈوجھے پاسو تمام یزیدی سوچ رکھنڑ الے چیمے۔قریشی۔مخدوم۔گیلانی۔ فانی۔کھر۔کھوسے۔لغاری۔مزاری وی ساڈے اج دے عمل کوں انتہائی باریک بینی نال ڈہدے پئے ھوسن۔اےجیڈے وڈے واقعے تیں محکوم مظلوم قوم دا کیا رد اے عمل اے۔
اگر اساں اجدے ایں ڈیہنہ دی سنگینی کوں محسوس نہ کیتا یا ایا گیا چا کیتا۔میڈے خیال وچ اساں قوم سڈیچنڑ دے کوئی حقدار نسے۔اساں اپڑیں نسلیں دے اپ قاتل ہیں اپ مجرم ہیں۔دھکے ساڈے نصیب دا حصہ نئیں۔محرومی۔محکومی ۔محرومیاں سارے اپڑیں ونڑج وپار ان۔

زندہ باد پاکستان

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو