بالی وڈ اداکار گووندا کا بھی کورونا ٹیسٹ مثبت آگیا
ممبئی:
بالی ووڈ کے ایک اور سینئر اداکار گووندا بھی عالمی وبا قرار دیے جانے والے کورونا وائرس کا نشانہ بن گئے ہیں۔
صبح بالی وڈ اداکار اکشے کمار کا کورونا ٹیسٹ مثبت آیا تھا جس کے بعد انہوں نے بھی خود کو گھر میں قرنطینہ کرلیا تھا۔
بھارتی ذرائع ابلاغ کے مطابق بالی ووڈ اداکار گووندا میں آج صبح کورونا وائرس کی تشخیص ہوئی جس کے بعد انہوں نے خود کو گھر میں قرنطینہ کرلیا ہے۔
گووندا کے مینیجر کی جانب سے جاری کردہ بیان میں کہا گیا ہے کہ اداکار میں کورونا کی معمولی علامات موجود ہیں۔
جاری کردہ بیان کے مطابق گووندا کا علاج گھر پر کیا جارہا ہے۔ بیان میں بتایا گیا ہے کہ اس سے قبل گووندا کی اہلیہ اور بچوں میں بھی کرونا کی تشخیص ہوئی تھی لیکن اب وہ صحت یاب ہوچکے ہیں۔
ذرائع ابلاغ کے مطابق گووندا نے ملاقات کرنے والے افراد کو احتیاط کرنے کا مشورہ دیتے ہوئے علامات ظاہر ہونے کی صورت میں کرونا ٹیسٹ کرانے کا مشورہ دیا ہے۔
خیال رہے اس سے قبل عالیہ بھٹ اور اکشے کمار سمیت کئی دیگر بھارتی اسٹارز کورونا میں مبتلا ہوچکے ہیں۔
About The Author
اے وی پڑھو
برصغیر پاک و ہند کے عظیم گلوکارسائیں پٹھانے خان کی 23ویں برسی نہایت عقیدت و احترام سے منائی گئی
عظیم ادیب منو بھائی کو ہم سے بچھڑے پانچ سال ہو گئے
اداکار سدھیر کو مداحوں سے بچھڑے چھبیس برس بیت گئے