کشمیر دی آزادی تے مقبوضہ سرائیکی وسیب۔۔اکبر ملکانی

اج پوری فیس بک سویلے 5 فروری دے پوسٹیں نال بوتھی بھری لاتھی اے۔میڈے کولھو ساریاں پوسٹاں سرائیکی وسیب وچو لگیاں لا تھین۔کشمیر دی ازادی کیتے سبھ کنوں زیادہ احتجاج وی سرائیکی وسیب وچ تھیندے۔سویلے وی پورے پاکستان وچ سبھ کنوں زیادہ احتجاج اتھائیں سرائیکی وسیب وچ تھیسی۔جبکہ سرا ئیکی وسیب خود مقبوضہ اے۔پنجاب دے نا جائز قبضے وچ اے۔وسیب دے وسائل تیں بد نیت پنجاب دا قبضہ اے۔جغرافیے تین پنجاب دا قبضہ اے۔شناخت اور سنجانڑ تین پنجاب دا قبضہ اے۔اے سارا کمال مطالعہ اے پاکستان دا اے۔کیونکہ مطالعہ اے پاکستان وچ نسل در نسل ایہا کجھ پڑھایا ویندے۔کشمیر ساکوں شہ رگ کنوں وی زیادہ پیارا اے۔ایندے وچ کوئی شک نہیں او واقعی ساکوں شہہ رگ کنوں وی زیادہ پیارا اے۔لیکن ایندا مقصد اے وی کئینی جو او پاکستان دا حصہ اے۔بقول جماعت اسلامی دے کشمیر بنے گا پاکستان۔جیرھا ایں صدی دا سبھ کنوں وڈا کوڑ اے۔اور نہ خود کڈاہیں کشمیری قوم اکھیےجو اساں پاکستان دا حصہ ہیں پاکستان نال رلدے ہیں۔کشمیری صرف اپڑیں بقا دی جنگ لڑدے پئین۔اپڑیں ازادی دی جنگ لڑدے پئین۔اساں انہیں واسطے دعا گو ہیں۔اساں انہیں دی جدو جہد کوں سلام پیش کریندے ہیں۔اللہ تعالی انہیں کوں انہیں دے نیک مقصد وچ کامیابی اور کامرانی عطا فرماوے۔امین
انہیں گالہیں بھولیں کوں کون سمجھاوے۔کشمیر دے بجائے۔تساں اپڑیں بقا دی جنگ لڑو۔پنجاب کنوں ازادی دی جنگ لڑو۔اپڑیں وطن وسیب دی جنگ لڑو۔کون توھاکوں چنگاں آکھسی۔گھر دے مسئلے کوں چھوڑ کیں پرائی جنگ لڑنڑ ویندے پئین۔پرائی بھا۔گل وچ پا۔یا پرائی جنج تین احمق نچے۔۔بابا توھاکوں ڈسیندا کوئی نئیں۔تساں اپ چخے وات او۔انڑ پڑھ ملاں اور حکومت دی ملی بھگت نال توھاکوں توھاڈے گھر الے مسئلے کوں سمجھنڑ ای نہیں پئے ڈیندے۔73 سال تھیندے پئین۔اساں اجاں نیلی بتی دے پچھو ونج ویندڑ ہیں۔کیا ساڈے کولھو ساڈی انونڑ الی نویں نسل اے کئیناں پچھسی۔ساڈے کیتے ہنڑتونڑیں تساں کیا کیتے۔ول اساں اپڑیں نسل کوں ایہا جواب ڈیسوں۔اساں توھاڈے کیتے توھاڈے کشمیر دی جنگ لڑدے رہ گیوں۔کیا ساڈا اے جواب ساڈی انونڑ الی نسل کوں مطمئین کریسی۔بس ایہا میڈا سوال ھا۔جیندا جواب توھاڈے کولھو گھننڑ والے گھنسن۔جیوو پئے۔سرائیکستان زندہ باد۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی