بی بی شہید کی قومی اسمبلی میں یادگار تقریر ۔۔۔عامر حسینی

شہید محترمہ بے نظیر بھٹو کی قومی اسمبلی کی چند یادگار تقاریر میں سے یہ ایک تقریر کا چند منٹ کا کلپ ہے، شہید بی بی محترمہ بے نظیر بھٹو نے 1997ء میں اسٹبلشمنٹ کی مدد سے دو تہائی اکثریت لیکر آنے والی نواز لیگ اور اس کے سربراہ سمیت تمام سیاست دانوں کو سمجھانے کی کوشش کی کہ ملک میں غیر جمہوری قوتیں اسٹبلشمنٹ اور اُن کے لے پالک وفاقی پارلیمانی نظام کو برداشت نہیں کرتے

وہ اس کی بساط لپیٹ کر اس کی جگہ صدارتی نظام لانا چاہتے ہیں تاکہ وہ جو چاہیں کرسکیں اور جب اس میں ناکامی ہوتی ہے تو سیاست دانوں کی کردار کُشی ہوتی ہے اور اُن پہ ڈیلیور نہ کرنے کا، کرپٹ ہونے کا الزام لگاکر پارلیمانی سسٹم کو ختم کرنے کی بات کی جاتی ہے……. اور اگر سسٹم نہ ختم ہوسکے تو پھر دھاندلے کرکے لاڈلے اور سلیکٹڈ کو لایا جاتا ہے جس میں پورا پارلیمانی سسٹم ربڑ سٹمپ بن جاتا ہے………