اج دی مصروفیت دا حال ۔۔۔اکبر ملکانی

کوٹلہ مغلان اپڑیں یار عبدالواحد ملنگ سئیں دی اماں سینڑ دی قل خوانی دے بعد دوستیں نال ملاقاتاں۔سجاد راجے دے گھر حاجی غلام شبیر خاں بزدار۔عمر خاں بزدار۔سید عامر شاہ مشہدی۔ملک عابد ارائیں ایڈوکیٹ۔ملک سبطین سرور ایڈوکیٹ۔میاں محمد اقبال ڈاھا۔میاں عرفان اکرم بودلہ سابق چئیرمین۔عبدالکریم محسن۔ارشاد ناصر۔ملک الطاف پنوھاں۔پرویز بھٹہ۔محمد امین بھٹی دے نال سارے دوستیں چاہ پیتی۔

ارشاد ناصر۔عبدالکریم محسن نیں اپڑیں موجودہ حالات دے مطابق انقلابی شاعری سنڑائی۔ایندے بعد میاں اقبال ڈاھا نیں اپڑیں دیرے تیں انتہائی محبت نال جلنڑ دا اکھیا۔حاجی غلام شبیر خاں بزدار۔عمر خاں بزدار۔سید عامر مشہدی دے نال میاں اقبال دے دیرے تیں لنگھ گیوسے۔

سرائیکی تحریک دی کہانی۔۔۔اکبر ملکانی

میاں اقبال صاحب دے پتریں ڈاکٹر علی رضا خاں۔حسن رضا خاں نیں ڈاڈھی محبت ونڈی۔گاجریں دا جوس پلایا۔میاں عرفان اکرم بودلہ نیں روٹی دی ڈاڈھی صلاح کیتی۔ساڈی صلاح نہ تھی سگی۔اگو مرزا نادر خاں مغل اپڑیں دیرے تیں انتظار کریندا بیٹھا ھا۔

مرزا نادر خاں تیں انہیں دا چھوٹا بھرا مرزا محمد اویس خاں نیں وی ساڈا ڈاڈھا ادر کیتا۔کنوں مالٹے دا جوس پلایا۔اوندے بعد مرزا نادر خاں دے نال زوار خاں ٹالپور کوں ملنڑ گیوسے۔دلاور عباس خاں ۔کامران خاں ٹالپور نال ملاقات وی تھئی۔

زوار خاں نیں روٹی دی ڈاڈھی منت کیتی۔مگر ساکوں گنجائش کہیں شئے دی کئیناں ھئی۔زوار خاں دے نال کجھ ٹائم گزار تیں ول اساں عبدالواحد منگ دے نال ڈوجھی واری تڈے تیں ملنڑ اگیوسے۔عبدالواحد ملنگ دے نال قاری بلال کشانڑیں۔عنصر کھچی گلوکار۔خضر نارو۔کنول سونترا سئیں ھونریں موجود ھن۔

اے کڈاہیں وی نئیں تھی سگدا جتھاں عمر خاں بزدار ۔قاری بلال خاں کشانڑیں۔عبدالواحد ملنگ ھونون تیں ول پیپلز پارٹی دا ذکر نہ تھیوے۔کافی دیر انہیں لوکیں وچ پیپلز پارٹی دے علاؤہ مختلف موضوعات تیں گال مہاڑ تھیندی رھی۔

دعا کیتی۔اجازت منگی۔ایندے بعد مرحوم زوار گانموں خاں چانڈیہ دے جواں سال پتر۔علمدار حسین خاں چانڈیہ دے چھوٹے بھرا عزادار حسین خاں عرف مٹھو خاں چانڈیہ دی ناگہانی موت دی سردار علمدار حسین خاں چانڈیہ نال تعزیت کیتی۔کیوں جو مرحوم زوار گانموں خاں چانڈیہ ساڈا ڈاڈھا یار ھا۔ایویں سمجھو اے مرحوم بال مٹھو خاں ساڈا بھتریجا ھا۔

ہک سال پہلے دی ڳالھ۔۔۔اکبر ملکانی

جیندی ہیں آندے اڈت امام بارگاہ جامپور وچ قرآن خوانی اے۔سردار علمدار خاں کنیں اجازت گھن سارے ڈیہنہ دے ہمسفر حاجی غلام شبیر خاں بزدار۔عمر خاں بزدار نال الوداع کیتی۔عمر خاں نال انج تھیونڑ نال تکلیف تاں ڈاڈھی تھیندی اے۔مگر کیا کروں ۔گھر جو ہک بے کنوں پریں پریں ھن۔توڑے جے جتلا کٹھے ودے رھوں۔

انت نکھڑنڑاں تیں ھوندے۔اے نہ آؤندے وس وچ ھوندے نہ میڈے وس وچ ھوندے۔اللھ حافظ۔ انج تھیونڑ دے بعد انہیں دا مونہنہ درخواست جمال خاں دو ھا۔ساڈا مونہنہ مجبورن دیرے غازیخاں دو ھا۔ہیں اثنا وچ پروفیسر رفیق حیدری دے ٹیلیفون دی گھنٹہ نیں ادراک پٹوائے۔کتھاں او۔ آساں فلانی جاہ تیں جناب دی انتظار وچ بیٹھے ہیں۔

جامپور آئے ودو چاہ پی کیں ویسو۔حاجی غلام شبیر خاں تیں عمرخاں کوی وی نال گھدی او۔ٹھڈا ساہ بھر کیں اکھیم حیدری صاحب پہلے ڈسو ھا۔ہنڑ تاں او ساڈے کولھو انج تھی گئین۔ہیں گال دا حیدری صاحب نیں وی بہوں افسوس کیتا۔اگرکجھ دیر میں پہلا آلا گھندا۔عمر خاں دی زیارت تیں تھی پووے ھا۔

حیدری صاحب دی مطلوبہ جاہ مل گئی۔پروفیسر رفیق حیدری دے نال بیٹھے ھوئے پروفیسر ارشاد حسین بخاری ڈپٹی ڈریکٹر کالجز راجن پور۔ماسٹر رشید احمد بھٹہ نال وی محبتیں بھری ملاقات تھی پئی۔رفیق حیدری صاحب نیں چنگیں کپیں وچ محبت نال چنگیں چاہ پلائی۔کافی گپ شپ لگی۔

سرائیکی قومی مسئلہ ڈس کس تھئے۔حیدری صاحب دی اے جاہ پورے سرائیکی کلچر نال متعین جاہ ھئی۔جینکوں ڈیکھ کیں دل ڈاڈھا خش تھئے۔حیدری صاحب نیں ہک بی وڈی خوشخبری وی سنڑائی۔انہیں فرمائے جو میں کجھ ڈیہنہ دے بعد اپڑیں نویں بنڑیئے پلازے وچ دوستیں کوں دعوت ڈیونڑ آلا اں۔

جیندے وچ حاجی غلام شبیر خاں بزدار۔عمر خاں بزدار۔عامر شاہ مشہدی وی شامل ھوسن۔خوبصورت ملاقات ھئی۔چاہ دا تیں صرف بہانہ ھا۔اتھائیں بیٹھیں ھوئیں عامر شاہ دے گھرو چار ٹیلیفون اگئین۔اکھینیں۔مہمان سارے اگئین۔صرف گھر آلے دا انتظار اے۔کیوں شاہ صاحب دے گھر پوری فیملی دا آج کھانا ھا۔

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

ہیں جلدی وچ اجازت منگی ۔شاہ صاحب میکوں سرائیکستان ھاؤس تیں چھوڑ اپڑیں گھر ڈیفنس ویو چلیا گئے۔سرائیکستان ھاؤس وچ پیہنڑ دے نال پہلا ٹیلیفون میں عمر خاں دو کیتے۔سئیں ھونریں ڈسیئے بخیرو عافیت درخواست جمال خاں اساں اپڑیں گھر پہنچ گیوں۔ول تسلی تھئی ۔ سردار حفیظ اللھ خاں ملکانڑیں۔ حاجی اللھ بخش خاں لشاری۔ابوالحسن خاں لغاری۔ڈاکٹر احسان خاں چنگوانی۔شاھد خاں جتوئی۔زین خاں جتوئی۔اختر خاں ملکانڑیں۔نعیم خاں لشاری۔وکی لغاری کمرے دے بلدے ھوئے ہیٹر دے سیک تیں ایں وخت میڈے نال موجود ان۔جیوو پئے۔سکھ سلامتی ساری سنگت دی۔

محمد اکبر خاں ملکانڑیں۔چئیرمین پاکستان عوامی سرائیکی پارٹی۔
10,12,2020۔۔۔۔خمیس