ارشد لاشاری
۔۔۔۔۔۔۔۔۔۔۔۔۔۔۔۔۔۔۔۔
سرائیکی وسیب تو جیکر کئی دوست یا فیملی ایں سال جیکر سمر ویکشن، (یا برفباری)دی چساں چاوݨ سانگے مری، کاغان، ناران، یا ولا کہیں ݙوجھے ہل اسٹیشن(پہاڑی علاقے) ونڄݨ دا پروگرام بݨائی کھڑن تاں او اے لکھت ضرور پڑھن،،،
قدرتی نظارے ݙیکھݨ ہر انسان دی خواہش ھوندی ھے، تے اکثر لوکیں دا فطرت کو بلکل قریب تر ݙیکھݨ جنون وی ھوندے، جیندی خاطر کئی لوک ڈھیر سارے پیسے خرچ کریندن،،
جیکر تساں وی ایں سال کئی ایجھا پروگرام بݨاے تاں ولا کھڑو!!!
ایں سال مری تے ݙوجھے آرٹیفیشل علاقیاں دی بھیڑ چال تے مہانگے علاقیاں دی سیاحت کم زلالت تو بہتر ھے اپݨے سرائیکی وسیب دے خوبصورت سستے تے قریبی ہل اسٹیشن علاقیاں کو ترجیح ݙیو،، جیندے سانگے میں کئی علاقیاں دی معلومات درج کریندا پیاں امید ھے، تساکوں انھاں علاقیاں دی سیاحت ضرور پسند آسی،،
ماڑی،،
ضلع راجنپور دی حدود وچ خوبصورت پرفزا مقام،
فورٹ منرو،
ڈیرہ غازیخان ضلع دا مشھور پہاڑی مقام (جینکوں مقامی سرائیکی زبان وچ نمرو آکھیا ویندے)جتھاں برفباری، تے خوبصورت نظارے تہاڈی تانگھ وچ ھن، یاد رکھو اتھاں ونڄݨ والی سنگت قریبی علاقہ اناری ضرور ݙیکھسو،
یکبائی،،
تونسہ براستہ بارتھی، سیالے دی برفباری دی چس چاوݨ سانگے بہترین چوݨ،
مزری غر،،
تونسہ تو براستہ وہوا مزری غر سطح سمندر تو 10ہزار فٹ اُچی چوٹی ہنالے تے سیالے دے وچ برفباری دی چس تے قدرتی نظاریاں سانگے بہترین چوٹی ھے مزری غر دی چوٹی تے سارا سال برف موجود راہندی ھے،
تخت سلیمان،
سرائیکی وسیب سمیت کوہ سلیمان دی سب تو وݙی چوٹی کلاچی براستہ درابھن تخت سلیمان دی چوٹی قریب ترین ھے سطح سمندر تو 11ہزار فٹ بلند خوبصورت تے برفباری دی چس چاوݨ سانگے بہتری مقام ھے،،
شیخ بدین،،
ڈیرہ اسماعیلخان دا علاقہ شیخ بدین ہک نیشنل پارک ھے جتھاں کئی دفع برفباری تھیندی راہندی ھے، اتھاں خوبصورت پہاڑی نظاریاں دے نال سوہݨے سوہݨے چرند پرند بکثرت پاتے ویندے ھن، غرض بہار دی ویکیشن سانگے بہترین علاقہ ھے،،
امید ھے انھاں وچوں کئی نہ کئی ہل اسٹیشن ضرور تہاکوں نیڑے پوسی اور پسند آسی
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر