ہمسائے نال ساڈا کیہاں جھیڑا اے۔۔۔اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈھیر گالہیں ان جیرھیاں بندے دی سمجھ نئیں اندیاں۔ڈھیر گالہیں ان جیرھیاں بندے دی سمجھ وچ ا ویندین۔ہک گال اے جیرھی میکوں آج تئیں میڈی سمجھ نئیں ائی۔او اے ھ۔
ساڈے وسیب دی ریت اے۔ہک ہمسایا یا آڑے پاڑے وسدا کوئی جو کہیں نال زیادتی کرے۔ڈوجھا بندا سر تیں ہتھ رکھی ودا ھوندے۔دھائیں تھیا ودا ھوندے۔جڈاں کتھائیں کوئی گال نہ سنڑیچے ۔پچہیں شر ودھ ویندے۔پچہیں راہ وٹیچ ویندن۔شادی غمی چھٹ ویندی اے۔ول گال ودھدی ودھدی سریں تک پج ویندی اے۔پچہیں برادریاں وی کٹھیاں تھیونڑ پئے ویندیدن۔پرہ پنچایت دی گال وی تھیونڑ پئے ویندی اے۔
اے سبھ کجھ تھیندا اوں ویلھے ھ۔جڈاں آڑے۔ پاڑے ۔اپڑیں اوپرے اے سمجھدن گال تصادم تک پج گئی اے۔کہیں نہ کہیں دا کوئی وڈہ نقصان نہ تھیوے۔پہلے پہلے جھیڑے دی نوعیت صرف اتلا ھوندی اے۔ہک چھوٹے جہیں بنیں دا جھیڑا ھوندے۔3 فٹ زمین دا جھیڑا ھوندے۔یا صرف کسی دی بھڑاند ھوندی اے۔یا وت پانڑیں دے وارے دا جھیڑا ھوندے۔اے جھیڑا اتلا ودھدے ۔برادریں نال آلے حق ہمسائیوں تیں اتلا خوف تاری تھیندے۔اہدن تھئی آلے پاسے او نہ تیں ہنڑ کوئی وڈا نقصان تھیونڑ الا اے۔
کڈاہیں سوچے وے وسیب دے ہمسائے نال ساڈا کیہاں جھیڑا اے۔
اگلی ساڈے دریا ویچ کھادن۔اساں چپ۔اگلیں پورے خطے تیں قبضہ کیتے۔اساں چپ۔جغرافیعے کوں فنافی اللہ کیتے آساں چپ۔اگلیں ساڈا پانڑیں اپڑیں کمیں کاریں لائے آساں چپ۔ساڈی ایں چپ کوں ڈیکھ کیں تہوں ہرکوئی چپ اے۔
ساڈا مالک گودا نمبردار ساڈا اے ملک اے۔بالادست طبقے۔بیورو کریسی۔اسٹیبلشمنٹ۔فیوڈل لارڈ ایں ملک دے اے سارے چہیتے پترن۔جیرھے ساڈے نال تھئیں ھوئیں زیادتیں دی دھاں فریاد نئیں سنڑدے۔
کل ہیں اپڑیں وڈے سردے سئیں ملک پاکستان کوں چہیتے پتریں دی تفصیل ڈتی اے۔ملخ صاحب نیں فرمائے۔میڈے پتر تیں ہروخت میکوں ایہو کجھ ڈسیندن۔اتھاں امن اے۔اتھاں ہرکوئی خش اے۔اتھاں کوئی کہیں نال زیادتی نئیں پیا کریندا۔جنہیں کوں اے قومی ڈیہنہ سمجھدن۔انہیں کوں اے رلمل کیں منیدن۔کل دی گال اے توھاڈے سامہڑیں ھ۔یوم اے دفاع ساریں رل کیں منائے۔14 اگست یوم اے آزادی ساریں رل کیں منائے۔یوم اے کشمیر وی سارے منیدن۔قاید اے اعظم دی سالگرہ برسی سارے رل کیں منیدن۔علامہ اقبال ڈے وی سارے رل کیں منیدن۔پاکستان زندہ باد وی سارے اہدن۔پاک فوج دے نعرے وی زور زور نال مریندن۔میڈے واسطے ساریاں اکھیں برابر ان۔
ادارے ہمیشہ ہر ملخ کوں پتریں الی کار پیارے ھوندن۔میڈے پتر اہدن۔سندھی۔پنجابی۔پختون۔بلوچ سارے بھرا ان۔بھرانویں الی کار رہندن۔
ساڈا ملخ صاحب اہدے۔ھا ہک دفعہ میکوں کہیں ڈسیا ھا۔جو جناب دیں جیندیں جناب دے پتر سرائیکی قوم نال بہوں زیادتی پئے کریندن۔انہیں گگھدامیں نال مترائی ما آلا سلوک پیا تھیندے۔جیویں انہیں نال زیادتی کھڑے کریندن۔ایویں انہیں دے بھرا بنگالی وی ھن۔انہیں نال وی تیڈی اولاد ایہو کجھ کیتا ھا۔انہیں تھوڑی جہیں اپڑیں حقوق کیتے زبان کھولیں ھئی۔جناب دی اولاد نیں انہیں دا او حشر کیتے۔او مرنڑ دی مار ڈتی اے۔او اتھو مڈی پٹ سنڑیئے سے ۔کوئی بنگہ دیش ہک ملخ اے۔او اتھو مڈی پٹ اوڈھاہیں گئے بیٹھن۔اے شودے سرائیکی ان ۔اے وی گولے گولے اہدے ودن۔ساڈے حقوق ساکوں نہ ملیئے آساں وی اتھو مڈی پٹ ویسوں۔او اہدے ملخ پاکستان نیں میڈیاں گالہیں سنڑ کیں کجھ رتہ پیلا تھئے۔انہیں ساریں بالادست پتریں کوں سڈیس۔ناں نسی ڈسیا۔اکھیس اے میں سنڑیئے ۔اے کیا پیا تھیندے۔اگیں وی توھاڈی وجہ نال میڈا پاسہ بھنے۔او تیں توھاڈا لاڈ منیندیں ھوئیں اوکھا سوکھا میں برداشت کیتے۔ہنڑ میں نہ برداشت کریساں۔پتر ھن۔چہیتے پتر ھن۔پیریں تیں ہتھ رکھ الانڑن۔بابا سئیں اے توھاکوں پٹھیاں پٹیاں کئیں پڑھائین۔ایہیں جہیں کوئی گال کئینی۔اگر کوئی گال ھووے ھا۔تساں آپ ڈسو اے ساڈے کٹھے 14 اگست جشن اے آزادی کیوں منانون ھا۔یوم اے دفاع کیوں منانون ھا۔پاک فوج زندہ باد کیوں آکھن ھا۔قاید اعظم ڈے کیوں منانون ھا۔علامہ اقبال ڈے کیوں منانون ھا۔6 ستمبر کیوں منانون ھا۔اگر او ساڈے بھرا ناراض ھونون ھا۔انہیں معتبر ڈیہں وچ او احتجاج کرن ھا۔کالیاں پٹیاں بدھن ھا۔یوم اے سیاح منانون ھا۔اج دے دور وچ ہک مرلہ کوئی کہیں دا نئیں کھندا۔اے جو اہدن ساڈے پورے وطن تیں غیر دا قبضہ اے۔ساڈیاں نہریں کوں او وی ادھو راہنڑھاں صرف ناں جوگا پانڑیں ڈیندن۔چولستان تیں پنجاب دا قبضہ اے۔روھی تھل دامان دا کوئی حال نئیں۔کتھائیں ساکوں پختون کٹیندن۔کتھاو بلوچ مریندن۔انہیں ساریں دی سرپرستی فیوڈل لارڈ تیں تیڈے پتر کریندن۔
نیک پاک غریب پرور پتریں اپڑیں پیو پاکستان کوں اکھییے۔بابا جیرھا بندہ توھاکوں اے گالہیں ڈسیندے۔ڈسو او کون اے۔
پاکستان نیں اپڑیں پتریں کنوں پہلے اے گارنٹی گھدی اے۔تساں اونکوں اکھسو کجھ پچہیں میں توھاکوں ڈسینداں۔انہیں پیو پاکستان کوں حد پر ڈتی اے۔بابا ساکوں ڈسو آساں اونکوں کجھ نہ اکھسوں۔پچہیں بابے نیں اپڑیں طاقتور پتریں کوں ڈسیئے۔
سنڑو اوندا ناں اے اکبر خاں ملکانڑیں۔دیر غازیخاں وچ اوندا گھر اے۔رہندا او سرائیکستان ھاؤس وچ اے۔بزرگ آدمی اے۔پاکستان عوامی سرائیکی پارٹی دا چیئرمین اے۔ونجو اوں کنوں پچھو۔جیرھی شئے دا او روز رونونڑاں روندے۔
پتریں پیوکوں کھل کیں وڈی تمکنت نال اکھیئے۔ابا سئیں تساں وی باد شاہ او۔اے تیں پاگل آدمی اے۔مختوبلحواث اے۔اسی سال ایندی عمر اے۔ایہو اہدے جے تک سنجانڑ آلا سرائیکستان نہ بنڑسی۔او تک میں عید دی کوئی خشی نہ منیساں۔14 اگست جشن اے پاکستان نہ منیساں۔ایندیاں توھاکوں کیرھیاں گالہیں ڈسو۔یوم اے کشمیر منیندو۔یوم اے سرائیکستان کیوں نوھے منیندے۔اے اہدے کشمیری واقعی مظلوم ان۔ایں گال دی نفی نئیں کریندا۔لیکن اے اہدے سرائیکی انہیں کنوں وی زیادہ مظلوم ان۔جیندا پورا وسبہ غاصب دے قبضے وچ اے۔لیکن وسوخ نال گال کریندے۔اہدے سرائیکستان وی گھنسوں سنجانڑ وی گھنسوں۔
جیلھے اے جیڈیاں گالہیں کریندے۔ول اینکوں مطمئن کرو۔نہ تیں اے ہرجاہ تیں پھاکہ گھتی رہسی۔
ابا سئیں نہ پچھو کیرھی گال ایندی ڈسوں۔وچو اپڑیں برادری کوں اہدا ھا۔کوئی قوم پرست نہ الیکشن لڑے۔نہ کہیں کوں ووٹ ڈیوے۔ہرگال الٹ کریندے۔ایندے نال تیں کوئی وی بھرا ایندے نال کئینی۔ایندے سارے بھرا ساڈے کولھو خشن۔او ساڈی ہر خشی وچ شریک ھوندن۔اساں انہیں کوں انہیں دے حصے دی کوئی نہ کوئی شئے اگر ڈیونڑ وی چہندوں۔ایندے سارے بھرا کہیں نہ کہیں گال تیں ٹھنڑ چاہندن۔صرف ایہو ہک بندہ اے۔جیرھا نئیں ٹھندا۔اینکوں ہیں گالھوں کوئی وی چنگاں نئیں سمجھیندا۔ایندی ہر ویلھے ہکا گال اے۔شاہین صاحب پتہ نئیں کون ھا۔ھوندے ایجنڈے تیں چلسو۔ھوندے فلسفے کوں منیسو۔میں توھاڈے نال اں۔نہ تیں کئیناں۔بس ہیندی گال کوں ویندا کرو۔اگر کوئی بیا دھاں ڈیندے۔ول آساں آؤندے کولھو ویندے وی ہئیں۔منیندے وی ہئیں۔بابا جیویں جناب دا حکم ھووے۔اساں انویں کریندے ہئیں۔منے نہ منے ھوندی مرضی۔اینجھا چھتا تھیا ودے۔ساکوں جو کتھاو ڈہدے۔سرائیکستان۔سرائیکستان دے نعرے مارنڑ شروع کر ڈیندے۔جتھاں بہہ اٹھدیں۔بہندیں ہر جاہ تیں ہر ویلھے اہدے ودا۔سرائیکستان زندہ باد۔

تحریر کنندہ۔۔اکبر خاں ملکانڑیں۔چئیرمین پاکستان عوامی سرائیکی پارٹی۔

About The Author

ویب ڈیسک

See author's posts