کوٹ ادو
(تحصیل رپورٹر)
کوٹ ادو کی ابھرتی ہوئی معروف سیاسی وسماجی شخصیت چوہدری احمد رشید نے کہا ہے کہ ہمیں فلسفہ شہادت حضرت امام حسین ؓ سمجھنے کی ضرورت ہے،
کامیابی ہمیشہ اللہ اور اس کے رسولؐ کی اطاعت میں ہے اور اسلام کی خاطر جان دینے والے ہمیشہ کی زندگی پالیتے ہیں،
محرم الحرام ہمیں امن برداشت اور رواداری کا درس دیتا ہے،ہر شخص کی ذمہ داری ہے کہ وہ امن و امان قائم رکھنے کیلئے اپناانفرادی اور کلیدی کردار ادا کرے،
ان خیالات کااظہار انہوں نے صحافیوں سے گفتگو کرتے ہوئے کیا،انہوں نے کہا کہ حضرت امام حسین ؓ کی عظیم قربانی ہمیں اس عزم کو تازہ کرنے کا موقع فراہم کرتی ہے کہ
حق کی خاطر باطل کے سامنے ڈٹ جانا ہی ایمان ہے محرم الحرام عبادت ایثار تحمل اور برداشت کا مہینہ ہے
ہمیں فرقہ واریت اور عدم برداشت کی حوصلہ شکنی کر کے تحمل و برداشت اور امن کے فروغ کیلئے کام کرنے کی ضرورت ہے،
محرم الحرام میں سب پر لازم ہے کہ وہ بھائی چارے کی فضا کو قائم ر کھنے کیلئے اپنا کردار ادا کرے،انہوں نے کہا کہ ہمیں شہدا کربلا سے سبق لینا ہو گا
اور جس مقصد کے لیے یہ قربانی شہدا کربلا نے دی تھی وہ مقصد حاصل کرنے کے لیے جدوجہد کرنا ہو گی حضرت امام حسین ؓ نے کربلا کے میدان میں کلمہ حق بلند کرنے کی
لازوال مثال قائم کی حضرت امام حسین ؓ ظلم کے خلاف برسر پیکار ہوئے اور دین حق کی راہ میں کسی قربانی سے دریغ نہیں کیا
آپؓ کی تعلیمات تمام انسانیت کیلئے مشعل راہ ہیں جو قیامت تک یاد رکھی جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹ ادو
(تحصیل رپورٹر)
کسٹم انٹیلی جنس ٹیم کا پولیس کے ہمراہ تھرمل روڈ پر مکان میں بنے گودام میں کامیاب چھاپہ،ٹیم کو دیکھتے ہی مالکان فرار،ٹیم نے بڑی کارروائی کے دوران گودام کے تالے
توڑ کر لاکھوں روپے مالیت کے ایرانی ساختہ خشک دودھ کے ایک ہزار بیگ برآمد کرکے قبضہ میں لے لئے،کیمکل ملے خشک دودھ میں کیمیکل پاؤڈر بھی شامل،
پشاور سپلائی کئے جانے والے دودھ میں ملاوٹ کا بھی انکشاف،ڈیری فارمز اور آئسکریم پوائنٹس پر سپلائی سمیت دودھ اور دہی تیارکرکے مختلف شہروں میں بھی سپلائی کیا جاتاتھا،
اس بارے تفصیل کے مطابق کسٹم انٹیلی جنس ملتان کی ٹیم نے اسسٹنٹ کلکٹر عمر سجاد اور انسپکٹروں شاہنواز اور مقصود کے ہمراہ کوٹ ادو میں کیپکو کے قریب
تھرمل روڈ پر ایک مکان میں بنے گودام میں کامیاب چھاپہ مارا،چھاپہ کے دوران نامعلوم مالکان ٹیم کو دیکھتے ہی فرار ہو گئے،
ٹیم نے مکان کے تالے توڑ کر مکان نما گودام کے 2کمروں سے خشک مضرصحت دودھ کے ایک ہزار تھیلے قبضہ میں لے لئے جنکی مالیت لاکھوں میں بتائی جا رہی ہے،
مضر صحت خشک دودھ ایران سے سمگل کرکے کوئٹہ اورچمن کے راستے کوٹ ادو لایا جاتاتھا،ذرائع سے یہ بھی معلوم ہوا ہے کہ
مذکورہ مضر صحت خشک دوددھ جس میں کیمیکل ملے خشک دودھ میں کیمیکل پاؤڈر بھی شامل ہے،
مذکورہ مضر صحت خشک دوددھ گودام میں منتقل کرنے کے بعد کوٹ ادو میں قائم ڈیری فارمز اور آئسکریم پوائنٹس سمیت کوٹ ادو میں
بنے دودھ کے کارخانوں کو بھی سپلائی کیا جاتا تھا
جو کہ پشاورکے راستے افغانستان تک سپلائی کئے جانے والے دودھ میں ملاوٹ کرکے بھیجا جاتا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔،
کوٹ ادو
(تحصیل رپورٹر)
سیکورٹی گارڈ کے گھر سے نامعلوم چور نقدی قیمتی موبائل فون گولڈ سیٹ چوری کرکے لے گئے،اراضی کے تنازعہ پر مسلح افراد کا محنت کش پر تشدد،
نقدی موبائل فون گھاد دیگر سامان لیکر فرار،رشتہ کے تنازعہ پر مسلح مخالفوں نے دوکاندار کو شدید گھائل کردیا،
فراڈی نے تعلقدار سے لاکھوں ادھار لیکر بدلے میں جعلی چیک تھمادیا،پسٹل لیکر واردات کی نیت سے گھومنے والے کو بھی پولیس نے دھر لیا،
مقدمات درج،اس بارے تفصیل کے مطابق پہلے واقعہ تھانہ کوٹ ادو کے علاقہ وارڈنمبر14ڈی میں ایم بی بی کے سیکورٹی گارڈ شمشیر علی قمرانی کے گھر سے رات کی تاریکی میں نامعلوم چور16ہزار روپے نقدی،
قیمتی موبائل فون اور نقلی گولڈ سیٹ چوری اٹھا کر لے گئے،تھانہ کوٹ ادو کے علاقہ موضع شادیخان سنانواں میں اراضی کے تنازعہ پر محمد شیراز گرمانی کو عاشق حسین بھٹی نے اپنے دیگر ساتھیوں کالو بھٹی،
حمید بھٹی،مجید بھٹی،رشید بھٹی،آصف بھٹی،ساجد بھٹی،صادق بھٹی اور عرفان چنڑ نے ڈنڈوے سوٹوں سے لہولہان کردیا اور تشدد سے اس کے ہاتھ کی انگلیاں توڑ دیں،
رقبہ میں رکھی 2کھاد کی بوریاں قیمتی موبائل فون،نقدی اٹھاکر فرارہوگئے،تھانہ سنانواں کے علاقہ موضع طلائی چک نمبر525ٹی ڈی اے میں دوکاندار کلیم اللہ سمرا کو
رشتہ کے تنازعہ پر شاہد کمہار نے اپنے دیگر ساتھیوں مظہر کمہار ایک نامعلوم کے ہمراہ ڈنڈوں سوٹوں سے لہولہان کردیا،
تھانہ چوک سرور شہید کے علاقہ چک نمبر599ٹی ڈی اے کے رہائشی اظہر عباس کالرو سے اس کے تعلقدار اسلم تھہیم نے 82ہزار رقم لیکر بدلے میں جعلی چیک تھمادیا،
چوک سرورشہید پولیس نے دوران گشت پسٹل لیکر واردات کی نیت سے گھومنے والے ہارون آباد کے خالد آرائیں کو گرفتارکرکے اس کے قبضہ سے پسٹل 30بور معہ گولیاں برآمد کرلیں،
پولیس سرکل کوٹ ادو نے تمام واقعات کے الگ الگ مقدمات درج کرلئے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔،
کوٹ ادو
(تحصیل رپورٹر)
خواتین کی تصویریں بنانے سے منع کرنے پر مسلح ہمسایوں کا محنت کش کے گھر چادر اور چار دیواری کا تقدس پامال کرتے ہوئے دھاوا،
خواتین پر تشدد،چھڑانے کیلئے آنے وا لے کا ڈنڈوں سے ہاتھ توڑ دیا،اس بارے تفصیل کے مطابق تھانہ دائرہ دین پناہ کے علاقہ موضع ٹبہ مستقل شرقی میں حفیظ اللہ کھجڑ کے گھر کے
سامنے ہمسایہ طارق حجانہ موٹر سائیکل کی ریسیں دیتا تھا جبکہ اس کی خواتین کی چوری چھپے تصویریں بھی بناتا تھا،پتہ چلنے پر حفیظ اللہ کھجڑ نے طارق حجانہ کو برا بھلا کہا
تو وہ طیش میں آگیا اور اپنے دیگر ساتھیوں طالب حجانہ،فیاض حجانہ،مجاہد حجانہ کے ہمراہ چادر اور چار دیواری کا تقدس پامال کرتے ہوئے گھر داخل ہوگئے
اور گھر میں موجود ان کی خواتین پر تشدد کیا چھڑانے کیلئے جانے والے حفیظ اللہ کھجڑ پر ڈنڈوں کے وار سے اس کے ہاتھ کی انگلی توڑ دی،
پولیس دائرہ دین پناہ نے حفیظ کھجڑ کی مدعیت میں ملزمان کے خلاف مقدمہ درج کرلیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔،
: مظفرگڑھ
( علی جان)سی ای او ہیلتھ ڈاکٹر فیاض کریم لغاری نے کہا ہے کہ حفاظتی ٹیکہ جات کے پروگرام کو موثر بناکر ہی متعددی بیماریوں کا تدراک ممکن ہے
روٹین ایمونائزیشن کی بہتری کیلئے ہر ممکن وسائل بروئے لائے جارہے ہیں یہ بات انہوں مظفرگڑھ میں حفاظتی ٹیکہ جات کی خصوصی مہم کے افتتاح کرتے ہوئے کہی۔
مہم کے دوران مظفرگڑھ کی 34 مخصوص یونین کونسلز میں دوسال کی عمر تک کے بچوں کو 10 متعدی بیماریوں سے بچاؤ کے حفاظتی ٹیکے لگائے جائیں گے۔
سی ای او نے کہا کہ ضلعی انتظامیہ کی جانب سے اٹھائے گئے اقدامات کے نتیجے میں ای پی آئی میں نمایاں بہتری آئے گی۔ انہوں نے سپروائزرز کو مخاطب کرتے ہوئے کہا کہ
مہم کو کامیابی سے ہمکنار کرنے کیلئے ضروری ہے کہ وہ فیلڈ میں جاکر ا ی پی آئی کے کام کا خود جائزہ لیں ڈاکٹر فیاض لغاری نے اس سلسلہ میں معاون ایجنسیوں کے کردار کو بھی
سراہا۔قبل ازیں ڈاکٹر فیاض کریم لغاری نے بنیادی مرکز صحت خان پور میں حفاظتی ٹیکہ جات کی خصوصی مہم کا باقاعدہ افتتاح کیا
اور مرکز صحت کا معائنہ کیا اس موقع پر ڈاکٹر امیر بخش ڈپٹی ڈی ایچ او ڈبلیو کے ڈاکٹر عادل لغاری ڈاکٹر شاہد ڈاکٹر امتیاز مبشر رضا عدنان لغاری
میڈیا کوارڈینیٹر محمد اصغر شاہد دستی ڈی ایس وی امیر نواز نجمہ پروین ایل ایچ ایس کے علاوہ مرکز صحت کا عملہ اور لیڈی ہیلتھ ورکرز بھی موجود تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
: مظفرگڑھ
(علی جان سے)
اظہرخان جتوئی باہمت اورجہدمسلسل کانام ہے
ممبرگورننگ باڈی نیشنل پریس کلب اسلام آباد بننے پرمبارکباد پیش کرتے ہیں
ڈاکٹرعاشق ظفربھٹی سینئررہنماریجنل یونین آف جرنلسٹس
تفصیلات کے مطابق ڈاکٹرعاشق ظفربھٹی سینئررہنماریجنل یونین آف جرنلسٹس نے کہا کہ
اظہرخان جتوئی نے نیشنل پریس کلب اسلام آباد کے الیکشن میں بھاری اکثریت سے ووٹ لے کرگورننگ باڈی کے ممبر منتخب ہوئے
سرداراظہرخان جتوئی نے اپنی انفرادیت قائم رکھی۔اظہرخان دیارغیرمیں رہنے کے باوجوداپنے وسیب کے لوگوں سے محبت کرتے ہیں
وسیب کے ساتھ اظہرخان جتوئی نے اسلام آباد میں اپنامقام بنایاجس کی وجہ سے گورننگ باڈی کے الیکشن میں سب سے زیادہ ووٹ حاصل کیے
یہ صرف ان کیلئے نہیں بلکہ ہم وسیب والوں کیلئے بھی اعزاز کی بات ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
: مظفرگڑھ
( علی جان سے )
کمشنر ڈی جی خان ساجد ظفر ڈال نے گزشتہ رات آر پی او ڈیرہ غازی خان عمران احمر کے ہمراہ محرم الحرام کے دوران امن و امان کی صورتحال کا جائزہ لینے کیلئے مظفرگڑھ کا دورہ کیا
اورجلوسوں کے مختلف روٹس اور امام بارگاہوں کا معائنہ کیا، اس موقع پر ڈپٹی کمشنر مظفرگڑھ انجینئر امجد شعیب خان ترین،
ڈسٹرکٹ پولیس آفیسر سید ندیم عباس، ایڈیشنل ڈپٹی کمشنر ریونیو عمران شمس، ایڈیشنل ڈپٹی کمشنر جنرل احسان الحق،
اسسٹنٹ کمشنر رانا محمد شعیب سمیت دیگر متعلقہ حکام، انجمن تاجران اور تاجر اتحاد کے رہنما بھی موجود تھے۔
کمشنر ڈی جی خان ساجد ظفر ڈال نے کہا ہے کہ محرم الحرام کے دنوں میں امن و امان کا قیام کے لئے بین المسالک ہم آہنگی اور بھائی چارے کا فروغ ہم سب کی مشترکہ ذمہ داری ہے،
انہوں نے کہا کہ یوم عاشورہ بھی ہمیں قربانی، صبر اور اتحاد و یکجہتی کا درس دیتا ہے، انہوں نے کہا کہ
ملکی کی سلامتی اور ترقی کیلئے ضروری ہے کہ ہم تمام تر اختلافات کو بالا طاق رکھتے ہوئے اپنی صفوں میں اتحاد و یکجہتی پیدا کریں، ایک دوسرے کا احترام کریں،
انہوں نے کہا کہ تمام مسالک کے علماء کرام پر یہ ذمہ داری عائد ہوتی ہے کہ وہ عوام میں مذہبی ہم آہنگی،
روداری او ر بھائی چارے کی فضا کو فروغ دیں، چھوٹے چھوٹے مسائل کو مل بیٹھ کر حل کریں اور مستقل قیام امن کیلئے انتظامیہ کے ساتھ مکمل تعاون کو یقینی بنائیں۔
انہوں نے کہا کہ یہ جان کر خوشی ہوئی کی ضلع میں مستقل بنیادوں پر قیام امن کیلئے تمام مکاتب فکر کے علماء کرام ایک پیج پر ہیں۔
اس موقع پر آر پی او عمران احمر نے کہا کہ محرم الحرام کے موقع پر پولیس کے طرف سے تمام جلوسوں اور مجالس کو فول پروف سیکیورٹی فراہم کی جارہی ہے،
رضا کاروں کو بھی تربیت دی گئی ہے، داخلی اور خارجی راستوں کی مسلسل چیکنگ کی جارہی ہے،
کسی امن دشمن کو کسی قسم کی شرارت نہیں کرنے دی جائے گی۔ضلع مظفرگڑھ سمیت تمام ڈویژن کو امن کا گہوارہ بنایا جائے گا۔
اس موقع پر ڈپٹی کمشنر انجینئر امجد شعیب خان ترین نے ضلع میں امن و امان کو یقینی بنانے کیلئے ضلعی انتظامیہ کی طرف سے کئے گئے
انتظامات پر جبکہ ڈی پی او سید ندیم عباس کی جلوسوں اور مجالس کی سیکیورٹی پر بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
: مظفرگڑھ
(علی جان سے)
ہومیوپیتھک ڈپلومہ کورس کیلئے ایف ایس سی کی شرط ناانصافی حکومت قانون بنانے سے پہلے نیشنل کونسل برائے ہومیوپیتھی سے مشاورت کرے
پاکستان میں کہیں بھی ایف ایس سی کی بنیاد پر ڈپلومہ کورس نہیں ہوتا بلکہ ڈگری کورس ہوتا ہے ان خیالات کا اظہار پاکستان ہومیوپیتھک میڈیکل ایوسی ایشن پنجاب کے صدر
ھومیوپیتھک ڈاکٹر راؤ غلام مرتضیٰ اور یونائیٹڈ پرنسپلز فورم ہومیوپیتھک میڈیکل کالجز پاکستان کے سیکرٹری اطلاعات ہومیو پیتھک ڈاکٹر ملک عبدالکریم ندیم نے
سینٹ آف پاکستان سے یو اے ایچ ایکٹ 1965کی شق21 (2) میں ترمیمی بل منظور ہونے پر تبصرہ کرنے ہوئے کیا
انھوں نے اس ترمیمی بل کو ہومیوپیتھک پروفیشن اور ہومیوپیتھک میڈیکل کالجز کے ساتھ سراسر ناانصافی اور اور ظلم قرار دیتے ہوئے کہا کہ
اگر حکومت ڈی ایچ ایم ایس کی بنیادی کوالیفیکیشن ایف ایس سی کرنا چاہتی ہے تو اسے ڈگری کورس بی ایچ ایم ایس قرار دے..کیونکہ ملک بھر میں ایسا کوئی ڈپلومہ نہیں
جو ایف ایس سی کی بنیاد پر ہوتا ہو بلکہ وہ میٹرک کی بنیاد پر ہی ہوتے ہیں انہوں نے وزیراعظم پاکستان ,
مشیر صحت پاکستان اور وزارت قانون سے اصلاح احوال کا پرزور مطالبہ کرتے ہوئے کہا کہ
مذکورہ قانون بنانے سے پہلے نیشنل کونسل برائے ہومیوپیتھی جو کہ ملک بھر کے
ہومیو پیتھک ڈاکٹرز کا نمائندہ ادارہ ہے سے مشاورت کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
: مظفرگڑھ
(علی جان سے)
ایس ایچ او تھانہ روہیلانوالی عرفان افتخار باجوہ نے میڈیا سے گفتگو کرتے ہوئے کہا ہے کہ محرم الحرام کے دوران تھانہ کی حدود میں سیکیورٹی کے سخت انتظامات کئے گئے ہیں
امن وامان کی صورتحال کو یقینی بنایا گیا ہے انہوں نے مزید کہا کہ DPO مظفر گڑھ سید ندیم عباس اور سرکل ڈی ایس پی اصغر خان چانڈیہ کی ہدایات کے
مطابق محرم الحرام کے حوالے سے سیکیورٹی پلان و امن وامان کے قیام کو یقینی بنانے کے علاوہ عالمی وباء کورونا وائرس کے حوالے سے حکومت کی طرف جاری
ایس او پیز پر سختی سے عمل کروایا جائے گا انہوں نے کہا کہ لاؤڈ سپیکر کے استعمال , وال چاکنگ ,
اشتعال انگیز تقاریر کی اجازت نہیں ہے انہوں نے کہا کہ خلاف ورزی میں ملوث افراد کے خلاف قانونی کاروائی عمل میں لائی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
: مظفرگڑھ
(علی جان)
کوٹ ادو کی ابھرتی ہوئی معروف سیاسی وسماجی شخصیت چوہدری احمد رشید نے کہا ہے کہ ہمیں فلسفہ شہادت حضرت امام حسین ؓ سمجھنے کی ضرورت ہے،
کامیابی ہمیشہ اللہ اور اس کے رسولؐ کی اطاعت میں ہے اور اسلام کی خاطر جان دینے والے ہمیشہ کی زندگی پالیتے ہیں،
محرم الحرام ہمیں امن برداشت اور رواداری کا درس دیتا ہے،ہر شخص کی ذمہ داری ہے کہ وہ امن و امان قائم رکھنے کیلئے اپناانفرادی اور کلیدی کردار ادا کرے،
ان خیالات کااظہار انہوں نے صحافیوں سے گفتگو کرتے ہوئے کیا،انہوں نے کہا کہ حضرت امام حسین ؓ کی عظیم قربانی ہمیں اس عزم کو تازہ کرنے کا
موقع فراہم کرتی ہے کہ حق کی خاطر باطل کے سامنے ڈٹ جانا ہی ایمان ہے محرم الحرام عبادت ایثار تحمل اور برداشت کا مہینہ ہے
ہمیں فرقہ واریت اور عدم برداشت کی حوصلہ شکنی کر کے تحمل و برداشت اور امن کے فروغ کیلئے کام کرنے کی ضرورت ہے،
محرم الحرام میں سب پر لازم ہے کہ وہ بھائی چارے کی فضا کو قائم ر کھنے کیلئے اپنا کردار ادا کرے،انہوں نے کہا کہ
ہمیں شہدا کربلا سے سبق لینا ہو گا اور جس مقصد کے لیے یہ قربانی شہدا کربلا نے دی تھی وہ مقصد حاصل کرنے کے لیے جدوجہد کرنا ہو گی
حضرت امام حسین ؓ نے کربلا کے میدان میں کلمہ حق بلند کرنے کی لازوال مثال قائم کی حضرت امام حسین ؓ ظلم کے خلاف برسر پیکار ہوئے
اور دین حق کی راہ میں کسی قربانی سے دریغ نہیں کیا آپؓ کی تعلیمات تمام انسانیت کیلئے مشعل راہ ہیں جو قیامت تک یاد رکھی جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
: مظفرگڑھ
(علی جان سے)
رانافرازنون حقیقی فرزند سرائیکستان ہے
سرائیکی تحریک کا جب سے سیاسی دورشروع ہواتوفراز نون جیسے ہیروز نے تحریک کے اندرجان ڈال دی
یہ باتیں ڈاکٹرعاشق ظفربھٹی صوبائی کوآرڈینیٹرسرائیکستان ڈیموکریٹک پارٹی نے اپنے ایک بیان میں کہیں انہوں نے کہا کہ فرزندسرائیکستان رانافراز نون نے مسلسل جدوجہدکرکے
حکمرانوں کوباورکرایا ہے کہ اگرانہوں نے اس پرامن سرائیکی قوم کوانکاحق نہ دیاتووہ جدوجہدکے راستے کونہیں چھوڑیں گے
تحریک سرائیکستان مسلسل 60 سالوں سے چل رہی ہے سرائیکی تحریک کا جب سے سیاسی دورشروع ہواتو اس کے اندران جیسے ہیروز نے جان ڈالی انہوں نے کہا کہ
رانافراز نون باہمت لیڈر ہیں اورصوبہ سرائیکستان تحریک میں بھرپور اورحقیقی فرزندسرائیکستان کاکردار اداکررہے ہیں
جبکہ سرائیکی قوم کے لیڈران نے 2017 میں کامیاب لانگ مارچ کاانعقاد کراکرحکمرانوں کوسرائیکی قوم کی حقیقی ڈیمانڈکومانناپڑا
اور جنوبی پنجاب صوبہ محاذ پھر ملتان میں سیکرٹریٹ دینے کاوعدہ کیا لیکن محمدعلی درانی اورطارق بشیرچیمہ جیسے لوگوں کی وجہ سے رخنہ اندوزی کررہے ہیں
مگرسرائیکی قوم کے دلیرلیڈروں جن میں رانافراز نون جیسے انتھک موجود ہیں
وہ مسلسل ریلیاں اورمظاہروں کے ذریعے حکمرانوں کو”وعدہ” سرائیکی صوبہ یاددلاتے رہتے ہیں
وہ وقت اب دور نہیں جب ہم سرائیکیوں کامکمل جغرافیہ اورشناخت ہوگی ۔
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
محبوب تابش دے پرنے تے موہن بھگت دا گاون
جیسل کلاسرا ضلع لیہ ، سرائیکی لوک سانجھ دے کٹھ اچ مشتاق گاڈی دی گالھ مہاڑ