ڈیرہ غازیخان
کمشنرڈیرہ غازیخان ڈویژن ساجد ظفر ڈال نے کہا ہے کہ ترقیاتی منصوبوں میں غیر ضروری تاخیر برداشت نہیں کی جائے گی.
سرکاری رقبہ کو قبضہ اور تجاوزات مافیا سے واگزار کرا کے عوامی فلاح کے منصوبوں کیلئے استعمال میں لایا جائے گا.
انہوں نے یہ بات ڈپٹی کمشنر طاہر فاروق کے ہمراہ شہر کے مختلف مقامات کا دورہ کرتے ہوئے کہی. کمشنر نے خیابان سرور میں کچرا پوائنٹ کی صفائی کے عمل کا جائزہ لیا
سی ای او ویسٹ منیجمنٹ کمپنی کیپٹن ریٹائرڈ سمیع اللہ فاروق اور دیگر ہمراہ تھے. کمشنر نے کہاکہ
خیابان سرور میں کچرا صاف کرکے پارک میں تبدیل کیا جائیگا۔بھاری مشینری کی ذریعے گہری خندقیں کھود کر کچرا دفن کرنے کا آغاز کر دیا گیاہے
ذرخیز مٹی کی تہہ ڈال کر پارک کے لئے جگہ تیار کی جائے گی۔ماحول دوست خوبصورت پودے اور گھاس لگائی جائے گی۔
انہوں نے کہاکہ مقامی افراد انتظامیہ کا دست بازو بنیں دریں اثناء کمشنر ساجد ظفر ڈال نے ڈپٹی کمشنر طاہر فاروق کے ہمراہ زیر تعمیر انسٹیٹیوٹ آف کارڈیالوجی کا دورہ کیا
انہوں نے تعمیراتی کام کی پیشرفت سے متعلق بریفنگ لی انفراسٹرکچر ڈویلپمنٹ اتھارٹی پنجاب کے افسران نے کمشنر کو بریفنگ دی کمشنر نے کہاکہ
کارڈیالوجی انسٹیٹیوٹ خطہ کیلئے وزیر اعلی سردار عثمان احمد خان بزدار کا تحفہ ہے انسٹی ٹیوٹ کی جلد تکمیل لئے تمام وسائل بروئے کار لائیں گے۔
کمشنر ساجد ظفر ڈال کو بریفنگ کے دوران بتایاگیا کہ مرحلہ وار 200 بیڈ کاکارڈیالوجی انسٹی ٹیوٹ بنے گا
اورمنصوبہ پر تقریبا ساڑھے چار ارب خرچ ہوں گے علاوہ ازیں کمشنر نے شہر کے نواحی علاقے بہاری کالونی کا دورہ کرتے ہوئے سرکاری رقبہ کا جائزہ لیا.
انہوں نے سرکاری رقبہ پر عوام کی تفریح کیلئے پارک بنانے کی ہدایات جاری کیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.
ڈیرہ غازیخان
ڈپٹی کمشنرڈیرہ غازیخان طاہر فاروق نے ڈی جی کلب کا دورہ کیا اورکلب کی بحالی اور تزئین و آرائش کا جائزہ لیا
ڈپٹی ڈائریکٹر ڈویلپمنٹ وسیم اختر جتوئی نے بریفنگ دیتے ہوئے بتایاکہ کلب کی بحالی اور تزئین و آرائش تکمیل کے آخری مراحل میں ہے.
ڈپٹی کمشنر نے کہا کہ جوگنک ٹریکس کی تیاری،فورارے کی تنصیب شروع کردی گئی ہے
ڈپٹی کمشنر نے تعمیراتی کمپنی کو ہدایت کی کہ کلب کی فنشنگ جلد مکمل کرائی جائے۔
انہوں نے کہاکہ کلب کو جلد سپورٹس،تفریحی اور سماجی سرگرمیوں کیلئے کھول دیا جائیگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان
ڈائریکٹر جنرل اینٹی کرپشن پنجاب محمد گوہر نفیس نے پنجاب بھر میں کرپٹ عناصر کے خلاف گھیرا تنگ کرنے کی ہدایت کر دی۔
انہوں نے اینٹی کرپشن پنجاب کے تمام ریجنل ڈائریکٹرز کو فیلڈ میں متحرک رہنے کی ہدایت کرتے ہوئے کہا کہ تمام ریجنز میں بد عنوان عناصر کے خلاف کریک ڈاؤن
سخت کر کے قانون کی بالادستی اور عام آدمی کی داد رسی کو یقینی بنایا جائے۔ ڈی جی اینٹی کرپشن پنجاب کی ہدایت پرڈی جی خان ڈویژن میں متعدد پٹرول پمپ سیل کر دئیے گئے۔
پٹرول پمپس کو ڈی جی اینٹی کرپشن کی ہدایت پر کم مقدار اور شہریوں سے زیادہ دام وصول کرنے پر سر بہمر کیا گیا۔
ریجنل ڈائریکٹر اینٹی کرپشن ڈی جی خان حافظ احمد طارق کی زیر نگرانی ٹیموں نے گزشتہ روز آ ٹھ پٹرول پمپ چیک کئے۔
چار پٹرول پمپس پر پیمانے میں کمی اور زیادہ قیمت وصول کرنے پر ہزاروں روپے جرمانہ عائد کیاگیا۔۔
ڈی جی اینٹی کرپشن پنجاب محمد گوہر نفیس نے ان کاروائیوں کو سراہتے ہوئے کہا کہ صوبہ بھر میں بد عنوانی کے خلاف بھرپور کریک ڈاؤن جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان
ڈپٹی کمشنر طاہر فاروق کی ہدایت پر اسسٹنٹ کمشنر کوٹ چھٹہ محمد اسد چانڈیہ نے بنیادی مرکز صحت مانہ احمدانی کا دورہ کیا.
انہوں نے سٹاف کی حاضری، ادویات کی موجودگی چیک کرنے کے ساتھ محرم الحرام کے حوالے سے ہسپتال میں کیے گئے انتظامات کا جائزہ لیا.
انہوں نے مانہ احمدانی میں محرم الحرام کے روٹس اور انتظامات کا بھی جائز ہ لیا. اسسٹنٹ کمشنر صدر ملک راشد نعمت نے اپنے آفس میں متعلقہ محکموں کے افسران کے
اجلاس کی صدارت کی. محرم الحرام، ڈینگی، پولیو اور دیگر امور سے متعلق بریفنگ لی. انہوں نے کہاکہ
ڈپٹی کمشنر کی ہدایت پر سرکاری اہداف کو بروقت مکمل کرایا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔.
ڈیرہ غازیخان
چیف ایگزیکٹو آفیسر میپکو انجینئر محسن رضاخان نے لائن لاسز میں کمی نہ لانے پر فورٹ منرو سب آفس کے انچارج /لائن سپریٹنڈنٹ فرسٹ فیصل بھٹی کو معطل کردیاہے
اور ہیڈ کوارٹر رپورٹ کرنیکا حکم دیاہے۔ انہوں نے کہا ہے کہ کام کرنے والے افسران و ملازمین کو بھرپورسپورٹ کریں گے۔ محنت اور لگن سے کام کریں تو کوئی وجہ نہیں کہ اچھے رزلٹس نہ ملیں۔
محکمہ سے سفارشی کلچر کا خاتمہ اولین ترجیح ہے۔ محنت، لگن اور دیانتداری ہی میرٹ کے پیمانے ہیں جس پر افسران و ملازمین کی کارکردگی کو پرکھاجائیگا۔ ان خیالات کا اظہارانہوں نے ڈی جی خان سرکل کے افسران و ملازمین سے خطاب کرتے ہوئے کیا۔
ملازمین سے خطاب کرتے ہوئے انہوں نے کہا کہ بجلی چوری کے خلاف بھرپور کاروائی کریں۔صارفین کی شکایات کا فوری ازالہ کریں
اور انہیں سہولیات فراہم کریں۔ لائن سٹاف ہمارا اثاثہ ہیں۔دوران کام اپنی حفاظت کو یقینی بنائیں اور ایک دوسرے کو حفاظتی آلات اور تدابیر اختیارکرنے کی تلقین اور یاددہانی کروائیں۔ ہم سب ایک خاندان کی طرح ہیں اور خاندان کے ہر فرد کی طرح ایک دوسرے کا خیال رکھیں
تاکہ حادثات کو ختم کیاجاسکے۔ ڈی جی خان کے تمام ایکسین اور ایس ڈی اوزکے اجلاس سے خطاب کرتے ہوئے انہوں نے کہا کہ
صارفین کی خدمت کو اپناشعاربنائیں۔ بجلی چور ملک و قوم کے مجرم ہیں ان کے خلاف مہم کو جاری رکھیں اور دن رات میں کاروائیاں کی جائیں۔ بجلی چور افراد کے خلاف مقدمات درج کروائیں۔ محکمہ میں سفارش صرف اور صرف کارکردگی ہے
جس کی کارکردگی اچھی ہوگی اسے سفارش کی کوئی ضرورت نہیں۔ بجلی چور کے لئے کسی بھی دباؤ کو خاطر میں نہ لائیں انتظامیہ آپکی بھرپور سپورٹ کرے گی۔سرکاری اور پرائیویٹ ڈیفالٹرز سے واجبات/بقایاجات وصول کئے جائیں۔
انتظامیہ میٹرز اور کھمبے آپ کو فراہم کریگی نئے کنکشنوں کی تنصیب فوری طورپر عمل میں لائی جائے۔ پرانے میٹروں کی جگہ نئے ڈیجیٹل میٹر لگائیں۔ میٹروں کو محفوظ بنایاجائے اور درست ریڈنگ کی تصاویر کی
بلوں پر موجودگی یقینی بنائیں۔ انہوں نے کہا کہ میپکوہیڈ کوارٹر نے انڈسٹریل اور کمرشل کنکشنوں کے لئے مطلوبہ سامان جاری کردیاہے جن صارفین نے 30جون 2020ء سے پہلے ڈیمانڈ نوٹسز جمع کروائے ہیں
ان کے کنکشنز فوری طورپر نصب کئے جائیں۔سپریٹنڈنگ انجینئر میپکو ڈی جی خان سرکل عمران محمود نے سرکل کی کارکردگی کے بارے میں بریفنگ دی۔ دریں اثناء چیف ایگزیکٹو آفیسر میپکو انجینئر محسن رضا خان نے سرکل کمپلیکس میں شجر کاری مہم کے
سلسلہ میں پودا بھی لگایا۔ اس موقع پر جنرل منیجر آپریشن طارق محمود بٹر، جنرل منیجر کسٹمرسروسز احسن محی الدین گیلانی،
جنرل منیجر ٹیکنیکل سید خالد علی چشتی، ڈائریکٹر جنرل ایچ آر اینڈ ایڈمن نصر حیات میکن،چیف انجینئر ٹی اینڈجی عبدالرحیم سومرو،
پراجیکٹ ڈائریکٹر کنسٹرکشن رانا محمد ایوب، ڈائریکٹر کمرشل اسد حماد، ڈائریکٹر پبلک ریلیشنز جمشید نیازی،
ڈی جی خان سرکل کے تمام ایکسین، ریونیوآفیسرز اور ایس ڈی اوز بھی موجودتھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان
کوٹ چھٹہ میں افسوس ناک واقعہ، بستی یاکی میں کرنٹ لگنے سے ماں اور بیٹا جاں بحق۔ تفصیلات کے مطابق
ڈیرہ غازیخان کی تحصیل کوٹ چھٹہ کی بستی یاکی میں پندرہ سالہ کاشف ولد عاطف حسین اپنے گھر میں بیٹھا پنکھا مرمت کر رہا تھا کہ
اچانک پنکھے میں کرنٹ آگیا اور وہ اس سے چپک گیااور تڑپنے لگا اسی اثناء میں اسکی والدہ تیس سالہ حسینہ بی بی کمرے میں آئی اوراپنے لخت جگر کو تڑپتے ہوئے دیکھا
اور کھینچ کراسے بچانے کی کوشش کی تو اسے بھی بجلی کی بے رحم لہروں نے اپنی لپیٹ میں لے لیا
اور اس طرح دونوں ماں اور بیٹا کرنٹ لگنے کے سبب موقع پر ہی جاں بحق ہوگئے ریسکیو اہلکاروں نے موقع پر پہنچ کر دونوں کے موت کی تصدیق کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان
ڈیرہ غازیخان میں موسلادھار بارش سے موسم خوشگوار ہو گیا،گرمی اور حبس کے ستائے لوگوں نے سکھ کا سانس لیا،
اکثر علاقوں میں مختلف فیڈرز کی بجلی بند، عوام کو شدید مشکلات کا سامنا، پورا شہر تاریکی میں ڈوب گیا،
تفصیل کے مطابق ڈیرہ غازیخان شہر اور گردو نواح کے علاقوں میں صبح ہی سے آسمان پر بادل چھا گئے اور سارا دن مطلع ابر آلود رہا شام کو اچانک آسمان پر گہرے بادل چھا گئے
اور کچھ دیر بعد موسلا دھار بارش کا سلسلہ شروع ہو گیا جو کہ تقریباً ایک گھنٹہ سے زائد جاری رہا بارش سے شہر کے نشیبی علاقوں میں پانی بھر گیا
اور سڑکیں تالاب کی شکل اختیار کر گئیں جبکہ بجلی کا نظا م بھی درہم برہم ہو نے سے اکثر علاقوں میں مختلف فیڈرز کی بجلی بند ہو گئی
جس سے عوام کو شدید مشکلات کا سامنا کر نا پڑاگھنٹوں بجلی بند ہو نے سے پورا شہر تاریکی میں ڈوب گیا
موسم خوشگوار ہو نے سے شہری اور بچے سڑکوں پر نکل آئے اور موسم سے لطف اندوز ہو تے رہے اسی طرح پکوڑوں اور سموسوں کی دکان پر بھی عوام کا رش دیکھنے میں آیا
بارش ختم ہونے کے بعد میٹروپولیٹن کارپوریشن کا عملہ متحرک ہو گیا اور سڑکوں سے پانی کی صفائی کا کام شروع کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیرہ غازیخان
انسداد دہشتگردی کی عدالت نے جرم ثابت ہونے پر ایک دہشتگرد کو چودہ سال اور دیگر دو کو مجموعی طور پر بارہ، بارہ سال قید کی سزا سنا دی
انسداد دہشتگردی کی عدالت ڈیرہ غازی خان کے معاون پراسکیوٹر ملک زاہد حسین کے مطابق انسداد دہشتگردی کی عدالت ڈیرہ غازی خان کی عدالت کے
جج بخت فخربہزاد نے تھانہ سی ٹی ڈی ڈیرہ غازی خان کے مقدمہ میں جرم ثابت ہونے پر
ایک دہشتگرد ولی محمد کو مختلف دفعات کے تحت مجموعی طور پر چودہ سال جبکہ دیگردودہشت گردوں محمداسماعیل اور محمدقاسم کو بارہ،
بارہ سال قید کی سزا جبکہ تینوں دہشت گردوں کی منقولہ و غیر منقولہ جائیدادیں ضبط کرنے کا حکم دیا ہے
استغاثہ کے مطابق گرفتار دہشتگردوں کو تھانہ سی ٹی ڈی ڈیرہ غازی خان پولیس نے تونسہ بائی پاس کے مقام سے خفیہ اطلاع پر کارروائی کرتے ہوئے گرفتار کیاتھا
گرفتار مبینہ دہشتگردوں سے تین ہینڈ گرینڈ،سٹل 30 بورمعہ گولیاں اور دہشتگردی کی کارروائیوں کے لیے استعمال کی جانے والی نقدرقم سمیت دیگر ممنوعہ اشیاء برآمد ہوئیں تھیں
ملزمان کاتعلق کالعدم مذہبی تنظیم سے ہے۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
موہری سرائیکی تحریک دی کہاݨی…||ڈاکٹر احسن واگھا
محبوب تابش دے پرنے تے موہن بھگت دا گاون