ملتان کی خبریں

ملتان

بدھ کے روز ملتان میں ہونے والی بارش کے دوران واسا میں ہائی الرٹ جاری

۔سیوریج، ڈسپوزل اسٹیشنز ڈویژنوں میں ہنگامی حالت کا اعلان

 سیوریج ،ڈسپوزل سٹیشنوں کے افسران فوری طور پر فیلڈمیں طلب

روڈز ،میٹرو روٹ سے پانی نکالنے کا عمل جلد شروع کرنے کی ہدایت

۔تمام ڈسپوزل سٹیشنوں کو بھی فل کپیسٹی پر چلانے کا حکم جاری

لوڈ شیڈنگ کی صورت میں ڈسپوزل اسٹیشنز کو جنریٹرز پر چلایا جائے،مشتاق احمد خان

روڈ سائیڈ پر جمع پانی مشینری کے ذریعے ہٹایا جائے، ایم ڈی واسا

پانی کی نکاسی تک افسران فیلڈ میں اپنی موجودگی کو یقینی بنائیں، ایم ڈی واسا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹکرز

ملتان:

ڈپٹی کمشنر عامر خٹک سے علمائے کرام کی وفد کی ملاقات۔

معروف عالم دین قاری محمد حنیف جالندھری اور علامہ فاروق خان سعیدی
وفد میں شامل

مولانا خالد محمدد ندیم،مولانا عثمان پسروری ،ایوب مغل اور محمد سلیم بلالی بھی شامل

محرم الحرام کے موقع پر سیکیورٹی کے سخت انتظامات کئے گئے ہیں،ڈپٹی کمشنر عامر خٹک

ضلعی انتظامیہ اور پولیس پوری طرح الرٹ ہے،عامر خٹک

ضابطہ اخلاق پر مکمل پابندی کرائی جائے گی،ڈپٹی کمشنر

ملتان میں مثالی امن کے قیام میں ضلعی امن کمیٹی کے ممبران کا اہم کردار ہے،ڈپٹی کمشنر

شہر اولیاء میں محبت،رواداری اور برداشت کے کلچر کا معترف ہوں،عامر خٹک

واقعہ کربلا اسلامی تاریخ کا ایک بہت بڑا سانحہ تھا،قاری محمد حنیف جالندھری

نواسئہ رسول کی قربانی ہمیں سچ کے لئے ڈٹے رہنے کادرس دیتی ہے،قاری محمد حنیف جالندھری

:پاکستان کے استحکام اور سلامتی پر کوئی آنچ نہیں آنے دی جائے گی،قاری محمد حنیف جالندھری

:بیرونی طاقتیں پاکستان میں مسالک کے درمیان نفرتیں پھیلانے میں ناکام رہیں گی،قاری محمد حنیف جالندھری

حکومت دیگر مسالک کی دلآزاری کرنے والے بیرونی آلہ کاروں پر کڑی نظر رکھے ،قاری محمد حنیف جالندھری

ضلع میں امن برقرار رکھنے کے لئے انتظامیہ کے ساتھ ہیں،علامہ فاروق خان سعیدی

محرم الحرام کے دوران امن کی لئے ہماری ضرورت پڑی تو لبیک کہیں گے،علامہ فاروق خان سعیدی

اسلام ہمیں امن،محبت اور رواداری کا درس دیتا ہے،علامہ فاروق خان سعیدی

تمام مسالک کے علماء اور اکابرین ایک دوسرے سے احترام کے رشتے سے منسلک ہیں،علامہ فاروق خان سعیدی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان

صوبائی پارلیمانی سیکرٹری برائے اطلاعات و ترجمان پنجاب حکومت محمد ندیم قریشی نے کہا کہ قومی دولت لوٹنے والوں کو منطقی انجام تک پہنچایا جائے گا،

مسلم لیگ اور پیپلز پارٹی کا گٹھ جوڑ ایک دوسر ے کو تحفظ اور کرپشن پر پردہ ڈالنے کیلئے عمل میں لایا گیا ہے۔انہوں نے کہا کہ

لوٹ مار کرنے والوں کے اتحاد اور سازشوں کے باوجود تحریک انصاف نے حکومت کے دو سال مکمل کر لئے ہیں

اور وزیر اعظم عمران خان کے ویژن کے مطابق پنجاب میں سردار عثمان بزدار کی قیادت میں تحریک انصاف کی حکومت قانون سب کیلئے کے فارمولے پر عمل کرتے ہوئے آگے بڑھ رہی ہے۔ انہوں نے کہا کہ

احتساب ادارے لٹیروں کیخلاف بلا امتیاز کارروائی کر رہے ہیں لہذا چور بڑا ہو یا چھوٹا ا±س کو ہر صورت قانون کے مطابق سزا دلوائی جائے گی۔ترجمان پنجاب حکومت نے کہا کہ

گزشتہ کئی دہائیوں سے باریوں کی حکومت کو پروان چڑھانے والوں کی حقیقت قوم کے سامنے کھل کر عیاں ہوچکی ہے کہ وہ ماضی میں عوام کو بے وقوف بنا کر اپنا اپنا دور

اقتدار پورا کرتے آرہے تھے مگر اب تحریک انصاف کی حکومت عوام کا معیار زندگی بلند کرنے کے ساتھ ساتھ ملکی معیشت کی بہتری کیلئے حقیقی اقدامات کو عملی جامہ پہنا رہی ہے۔

ایم پی اے محمد ندیم قریشی نے کہا کہ وزیر اعلیٰ عثمان بزدار کی دو سالہ کارکردگی پر انگلی اٹھانے والے پہلے یہ تو بتائیں کہ

گزشتہ کئی سالوں تک پنجاب میں حکمرانی کرنے والوں نے سوائے پسند و ناپسند اور شوبازیوں کے علاوہ اور کیا کیا تھا

جبکہ حقیقت تویہ ہے کہ بزدار حکومت بلا تفریق صوبہ بھر میں ترقیاتی کاموں کو عملی شکل دینے کے ساتھ جنوبی پنجاب کی محرومیوں اور پسماندگی کے خاتمے کیلئے بھی کارہائے

نمایاں سرانجام دے رہی ہے اور جنوبی پنجاب سیکرٹریٹ کا قیام اسکا عملی ثبوت ہے جہاں 15 محکموں کے خود مختار سیکرٹریز کی تعیناتی کی منظوری دے دی گئی ہے

جس سے عوام کے ساتھ ساتھ ان محکموں کے ہزاروں ملازمین کے مسائل بھی مقامی سطح پر حل ہوں گے۔

انہوں نے کہا کہ ان انقلابی اور عوامی اقدامات کے باعث مخالفین کے پیٹ میں مروڑ اٹھ رہے ہیں اور وہ گاہے بگاہے عثمان بزدار کے جانے کے خواب دیکھ رہے ہیں جو کبھی بھی پورے نہیں ہوپائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملتان:

محرم الحرام کے دوران امن و امان کے حوالے سے رینجرز اور پولیس کا مشترکہ فلیگ مارچ

 فلیگ مارچ کا مقصد لاء اینڈ آرڈر کی صورتحال میں امن و امان قائم رکھنا ہے۔

امام بارگاہوں اور جلوس روٹس کے گردونواح میں سرچ آپریشن کروائے جا رہے ہیں

 فلیگ مارچ کا آغاز پولیس لائنز سے ہوا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان

26 ڈپٹی کمشنر عامر خٹک اور معروف صنعتکار خواجہ جلالالدین رومی گزشتہ روز شجاع آباد کا دورہ کیا

اور انہوں نے قوتِ گویائی اور سماعت سے محروم 150افراد میں راشن اور کیش تقسیم کیا،اس موقع پر اسسٹنٹ کمشنر شجاع آباد محمد زبیر،

شجاع آباد ویلفئیر ایسوسی ایشن آف ڈیف کے صدر غلام مصطفیٰ اورسیکرٹری جنرل عبدالعزیز بھی موجود تھے۔تقسیم کردہ راشن میں آٹا،دالیں،چاول،

چینی اور دوسری اشیائے ضروریہ شامل تھیں۔ڈپٹی کمشنر عامر خٹک نے اس موقع پر گفتگو کرتے ہوئے کہا کہ کورونا وائرس کی وباءنے پوری دنیا کی طرح پاکستان میں بھی معیشت کو متاثر کیا ہے،

کورونا لاک ڈاون کی وجہ سے ہمارا دیہاڑی دار طبقہ شدید متاثر ہوا،حکومت نے متاثرہ طبقے کو ریلیف فراہم کرنے کے لئے احساس کیش پروگرام شروع کیا

جس کے تحت ضلع ملتان میں 3 لاکھ 16 ہزار 972 متاثرین کو امداد فراہم کی جا چکی ہے،ان متاثرین میں ابتک 3 ارب 86 کروڑ 60 لاکھ روپے تقسیم کئے جاچکے ہیں،

عامر خٹک نے کہا کہ خصوصی افراد نے بھی لاک ڈاون کے دوران انتہائی کٹھن صورتحال کا مقابلہ کیا،انہوں نے کہاکہ خواجہ جلال الدین رومی نے سماجی کاموں میں ہمیشہ بڑھ چڑھ کر حصہ لیا ہے،

دکھی انسایت کی خدمت سے بڑھ کر اور کوئی خدمت نہیں ہے،اس موقع پر خواجہ جلال الدین رومی نے شجاع آباد کے غریب افراد کے لئے25 لاکھ روپے سے فنڈ قائم کرنے کا اعلان بھی کیا اور کہا کہ

ضرورت مند غریب آدمی کو کاروبار کے لئے قرض حسنہ کے طور 50 ہزار روپے دئے جائیں گے،قرض حسنہ دینے کے لئے اسسٹنٹ کمشنر شجاع آباد کی سربراہی میں کمیٹی تشکیل دی جائے گی

جب کہ دیگر اہل ثروت اور مخیر حضرات بھی فنڈ میں عطیات جمع کراسکیں گے،خواجہ جلال الدین رومی نے کہا کہ شجاع آباد میں فلاحی شعبے میں بہت کام کرنے کی ضرورت ہے،

قوت سماعت اور گویائی سے محروم افراد محنت کرکے اپنا پیٹ پالتے ہیں،محنت کرکے روزی کمانا بہت بڑی عظمت ہے،

میں فلاحی اور سماجی خدمت کے کاموں میں تعاون پر ڈپٹی کمشنر عامر خٹک کا شکر گزار ہوں،میری فیملی نے فلاحی خدمت کا جو سفر شروع کیا ہے وہ جاری رہے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجالس اور جلوسوں کی سیکیورٹی پر تعینات فورس کو کورونا سے محفوظ رکھنے کیلئے حفاظتی سامان کی فراہمی
22548سرجیکل ماسک،16950گلوز، 13300کور آل گاؤنز، 1795لٹر سینیٹائزر اور 2050عینکیں فراہم کردی گئیں۔

سیکیورٹی ڈیوٹی پر تعینات افسران و اہلکار کورونا سے بچاؤ کی احتیاطی تدابیر پر عمل درآمد ہر صورت یقینی بنائیں۔ آئی جی پنجاب
لاہور26اگست-

(ماسٹر نیوز)

انسپکٹر جنرل پولیس پنجاب شعیب دستگیر نے کہا ہے کہ محرم سیکیورٹی ڈیوٹی پر تعینات افسران واہلکاروں کو کورونا وباء سے محفوظ رکھنے کیلئے حفاظتی سامان کی بروقت فراہمی

اور ایس او پیز پر عمل درآمد کا سلسلہ جاری رکھا جائے تاکہ ماتمی جلوسوں،مجالس اور دیگر محرم اجتماعات میں شریک عزاداروں کے تحفظ کے فرائض پولیس فورس

خلوص نیت اور جذبہ ایمانی کے ساتھ سر انجام دیتی رہے۔ انہوں نے مزیدکہاکہ ضلعی پولیس افسران اس بات کو یقینی بنائیں کہ

سنٹرل پولیس آفس سے 19 Covid-سے حاصل کردہ حفاظتی سامان ڈیوٹی پر تعینات افسران واہلکاروں کو بروقت اور بلا تاخیر فراہم ہو اور اس حوالے سے رپورٹ بھی سنٹرل پولیس آفس بھجوائی جائے۔

آئی جی پنجاب کی ہدایت پر ایڈیشنل آئی جی ویلفیئر اینڈ فنانس کی جانب سے حفاظتی سامان کی تقسیم کے حوالے سے سی سی پی او لاہور سمیت تمام سٹی پولیس آفیسرز اورڈی پی اوز کو مراسلہ بھجوا یا ہے جس میں فراہم کئے گئے حفاظتی سامان سرجیکل ماسک،

سرجیکل گلوز، کور آل گاؤن،ہینڈ سینیٹائزرا ور عینکوں سمیت دیگر سامان کے حوالے سے ہدایات دی گئی ہیں۔

مراسلے کے مطابق صوبے کے تمام اضلاع میں دوران محرم سیکیورٹی ڈیوٹی فورس کے استعمال کیلئے مجموعی طور پر 13300کور آل گاؤنز، 22548سرجیکل ماسک اور16950سرجیکل گلوز،

1795لٹر سینیٹائزر اور 2050عینکیں فراہم کی گئی ہیں تفصیلات کے مطابق لاہور، راولپنڈی، فیصل آباد، ملتان اور گوجرانوالہ جیسے بڑے اضلاع میں فورس کیلئے 800کور آل گاؤن جبکہ بقیہ تمام اضلاع کو فی کس 300کور آل گاؤن دئیے گئے ہیں۔

اسی طرح لاہور، راولپنڈی، گوجرانوالہ، ملتان اور فیصل آباد کو فی کس 600سرجیکل گلوزجبکہ بقیہ اضلاع کو فی کس ضلع 450سرجیکل گلوز مہیا کئے گئے ہیں

جبکہ ہینڈ سینیٹائزر لاہور، راولپنڈی، گوجرانوالہ، ملتان اور فیصل آباد کو فی کس 80لٹرز جبکہ بقیہ اضلاع کو 45لٹر زفی کس ضلع مہیا کئے گئے ہیں۔اسی طرح عینکیں لاہور، راولپنڈی، گوجرانوالہ،

ملتان اور فیصل آباد کو فی کس100جبکہ بقیہ اضلاع کو فی کس 50مہیا کی گئی ہیں۔لاہور پولیس کو 2708سرجیکل ماسک، راولپنڈی کو1768، فیصل آباد کو 1618، ملتان کو 1293، گوجرانوالہ کو 1397، اٹک کو 634، جہلم کو 340، چکوال کو 438،

سرگودھا کو 715، میانوالی کو 250، خوشاب کو 297، بھکرکو 270، گجرات کو 665، منڈی بہاؤ الدین کو 429، سیالکوٹ کو 974، حافظ آباد کو 189، نارووال کو 320،

ٹوبہ ٹیک سنگھ کو 360، چنیوٹ کو 260، جھنگ کو 510، شیخو پورہ کو 604، قصور کو 399، ننکانہ کو 275، اوکاڑہ کو 535،ساہیوال کو 387،

وہاڑی کو 465، خانیوال کو 381، لودھراں کو 310، بہاولپور کو 754، بہاولنگر کو 535، رحیم یار خان کو 381، ڈی جی خان کو 662، لیہ کو 311،

مظفرگڑھ کو 570اور راجن پور کو 544سرجیکل ماسک مہیا کئے گئے ہیں۔ آئی جی پنجاب نے فورس کو ہدایت کی ہے کہ عزاداروں کے تحفظ کیلئے وہ جذبہ خدمت خلق کے تحت ہائی الرٹ ہوکر خدمات سر انجام دیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان

(نیوز رپورٹر)

ضلع کچہری کے مال خانہ میں قدیمی خزانہ کی جانچ پڑتال کا عمل گزشتہ روز

مکمل ہوگیا ،مال خانہ سے نکلنے والے مال مقدمہ کی گنتی کا عمل مکمل کر کے لسٹ فائنل کردی گئی،

مال خانہ سے نکلنے والے مقدمات کے تمام دستاویزات اور دیگر سامان نئی کچہری میں قائم مال خانہ شفٹ کر دیا گیا، مال خانہ سے نکلنے والا سونا ،

چاندی اور نوادرات ڈسٹرکٹ اکاؤنٹ آفس کے خزانے کے دفتر میں جمع کرادیا گیا ہے،ذرائع کے مطابق کچہری کے قدیمی مال خانے سے نکلنے والی چاندی کی مقدار 120 کلو

جبکہ سونے کی مقدار ایک کلو سے زائد ہے،جبکہ مال خانے سے پرانی تلواریں، چاقو،چھریاں ،قدیمی سکے،پرانی کرنسی اور پرانا اسلحہ اور 1965 کے مقدمات کا سامان برآمد ہوا ہے،

قدیمی مال خانے سے نکلنے والے خزانے اور دیگر چیزوں کی تفصیل ضلعی انتظامیہ جاری کریگی۔دوسری جانب گزشتہ روز بھی مال خانہ سے نکالے جانے والے سامان کی گنتی کے عمل کے دوران میڈیا کو دور رکھا گیا،

اور متعدد بار رابطہ کرنے پر بھی ضلعی انتظامیہ اور دیگر حکام کی طرف سے کوئی موقف سامنے نہیں آیا ہے۔

انتظامیہ کی طویل خاموشی نے شہریوں کے سوالات میں بھی مزید اضافہ کردیا ہے۔ سوشل میڈیا اور دیگر واٹس ایپ گروپس میں برآمد شدہ مال کے آڈٹ سے متعلق منفی باتیں گردش کررہی ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان:

محرم الحرام کے سلسلہ میں سیکیورٹی مزید سخت کر دی گئی۔ پولیس کے مطابق

ضلع بھر میں داخلی اور خارجی 12 اہم مقامات پر ناکہ بندی کر دی گئی ھے۔اور

 ناکہ بندی کا مقصد ایمرجنسی میں شہر کو مکمل طور پر سیل کرنا ہے۔

 شہر میں آنے والے افراد، گاڑیوں اور سامان کی چیکنگ شروع کی جس رہی ہے۔

نمائندہ

See author's posts