پاکستان سمیت دنیا بھر سے آج کی خبریں،مختصر مختصر

نیب دفتر کے باہر ریاستی جبر کا مظاہرہ کیا گیا، نیب بلانے کا مقصد مجھے نقصان پہنچانا تھا، مریم نواز کہتی ہیں، انہیں یہاں یرغمالی بنا کر رکھا گیا ہے، ہمیں زندہ لیڈر چاہیں، لیڈرز کی لاشیں نہیں، نواز شریف کا بیانیہ ہی پارٹی کا بیانیہ ہے، نواز شریف خاموش نہیں، انہوں نے اپنے حصے کا کام کر دیا، عمران خان کو اپنے انجام سے خوف آ رہا ہے، بیساکھیوں پر چلنے والی حکومت سے عوام کو نجات دلائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 مریم نواز کی پیشی پر ہنگامہ آرائی، نیب آفس کے باہر علاقہ میدانِ جنگ بنا رہا، لیگی کارکن مشتعل، پولیس سے جھڑپیں، پتھر لگنے سے تین  پولیس اہل کار زخمی ہوئے، نیب دفتر کے باہر کریک ڈاؤن، پولیس کا لاٹھی چارج، آنسو گیس کا بھی استعمال، متعدد کارکنوں کو حراست میں لے لیا، کشیدہ صورتحال کے پیش نظر نیب نے مریم نواز کی پیشی منسوخ کر دی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیس سالہ دور میں پہلی بار نیب کے ساتھ یہ برتاؤ کیا گیا، نیب کا ن لیگی رہنماؤں اور کارکنان کیخلاف مقدمہ درج کرنے کا فیصلہ، اعلامیہ میں کہا، کارکنوں کے ذریعے منظم انداز میں پتھراؤ اورغنڈہ گردی کا مظاہرہ کیا گیا، نیب عمارت پر پتھراؤ کیا گیا اور عملے کو زخمی کیا گیا، نیب کا کسی سیاسی جماعت اور گروہ سے کوئی تعلق نہیں، نیب کے تمام تر اقدامات آئین و قانون کی روشنی میں سرانجام دیتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ن لیگ نے مریم نواز کی گاڑی اور پولیس کو پتھر مارنے والوں کو پیسے دئیے، فیاض الحسن چوہان کہتے ہیں، کل رات جاتی امرا میں دس لاکھ روپے تقسیم کیے گئے، بیگم صفدر اعوان نے اپنے چچا اور کزن کی سیاست پر خودکش حملہ کیا، انہیں شرمندگی کے ساتھ نیب آنا چاہیے تھا، راجہ بشارت نے کہا، ن لیگ نے سپریم کورٹ پر حملے کی تاریخ دہرا دی، نیب کی تاریخ میں ایسی غنڈہ گردی کا مظاہرہ نہیں کیا گیا، قانون توڑنے والوں کیخلاف مقدمات درج ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کے صدر سمیت کئی اہم رہنما مریم نواز کی پریس کانفرنس سے غائب، شہباز شریف لاہور میں ہونے کے باوجود شریک نہ ہوئے، لاہور سے منتخب ایاز صادق اور خواجہ سعد رفیق بھی غائب، خواجہ آصف اور احسن اقبال مریم نواز کی پیشی پر آئے نہ ہی پریس کانفرنس میں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ایک منٹ کی لوڈ شیڈنگ نہیں ہونی چاہیے، چیف جسٹس گلزار احمد کراچی میں بجلی کی بندش پر برہم، ریمارکس میں کہا، ابھی کے الیکٹرک کا لائسنس معطل کرتا ہوں، چیئرمین نیپرا بتائے کے اس کا متبادل کیا ہے، شہر میں بجلی بند نہیں ہو گی، اگر ہوگی تو آپ کے گھروں اور دفاتر کی ہو گی، چیف جسٹس نے کہا، جہاں جہاں غفلت ہوئی مقدمات درج کیے جائیں، بجلی نہیں ہوتی تو عورتیں بد دعائیں دیتی ہیں، سی ای او کے الیکٹرک کا نام ای سی ایل میں ڈالنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سپریم کورٹ کا،، کے الیکٹرک،، کے مکمل آڈٹ کا حکم، کے الیکٹرک،، کے سی ای او مونس علوی کی سرزنش، کہا، آپ لوگ صرف باتیں کرتے ہیں کام نہیں، بجلی کی کمپنی چلانی ہے تو ٹھیک سے چلائیں بجلی بند نہیں ہو گی، کراچی پر اجارہ داری قائم نہیں ہونے دیں گے دوسری کمپنیاں بھی ہونی چاہیں، آپ پوری دنیا میں ڈیفالٹر ہیں لندن میں کیا ہوا آپ کے ساتھ، وہاں تو آپ لوگوں کو گرفتار کیا گیا اور گردن دبوچ کر پیسے لئے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ابھی ختم نہیں ہوا، کورونا کیسز میں کمی پر فتح کا اعلان نہیں کر رہے، وفاقی وزیر اسد عمر نے کہا، ہاتھ پر ہاتھ رکھ کر نہیں بیٹھ سکتے، وقت کے ساتھ ساتھ لاک ڈاؤن میں نرمی کی، دنیا کا کوئی امیر ملک بھی مکمل لاک ڈاؤن نہیں کر سکتا، بہترین حکمت عملی سے کورونا کیسز میں کمی ممکن ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سیاحوں کیلئے فیس ماسک کا استعمال اور سینٹائزر ساتھ لانا لازمی ہو گا، محکمہ صحت خیبر پختون خوا نے سیاحت، ہوٹل اور ریسٹورنٹس کیلئے ایس او پیز جاری کر دیئے، سیاحوں کا ڈیٹا رکھنا لازمی، ہوٹل میں جمع ہونے کی بجائے باہر اجتماعات کی اجازت ہو گی، بیمار سیاحوں کو صحت مند سیاحوں سے الگ رکھنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سابق وزیراعظم نوازشریف کا مریم نواز کو ٹیلی فون، خیریت دریافت کی، اپوزیشن لیڈر شہباز شریف کہتے ہیں، نیب نیازی گٹھ جوڑ کی فسطائیت اور آمریت شرمناک اور قابل افسوس ہے، عمران نیازی سیاسی مخالفین کیخلاف غیر جمہوری، غیر قانونی اور سیاسی انتقام کے منفی راستے پر چل رہے ہیں، بلاول بھٹو زرداری کی بھی مریم نواز اور ن لیگی کارکنوں کیخلاف طاقت کے استعمال کی مذمت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں بھی نیب دفتر کے باہر ہنگامہ آرائی کی گونج، خواجہ آصف نے کہا، سپریم کورٹ میں اتنی پولیس نہیں ہوتی جتنی نیب لاہور میں ہوتی ہے، نیب کے باہر جو ہوا ایسی روایات سے سیاست کو نقصان پہنچے گا، شاہ محمود قریشی بولے، نیب میں پیشیاں ہوتی رہتی ہیں، ایسا واقعہ کبھی رونما نہیں ہوا، تحقیقات ہونی چاہیں آج ایسا واقعہ کیوں پیش آیا؟ ن لیگ سمجھتی ہے ایسے واقعات سے فائدہ ہو گا تو غلط فہمی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب انتقام کیلئے بنایا گیا ادارہ ہے، حکومت اپوزیشن کو نیب کے ذریعے دیوار سے لگانا چاہتی ہے، مولانا فضل الرحمان کی پولیس شیلنگ اور گرفتاریوں کی مذمت، کہا، کارکنوں کا جمع ہونا ان کا حق ہے، نیب آفس پر حملے کا جھوٹ بولا جا رہا ہے، بڑی اپوزیشن جماعتوں کے ساتھ ہمارے تحفظات ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا مسلم لیگ ن کے کارکن پولیس کے ساتھ جھڑپوں کی تیاری کر کے نیب دفتر پہنچے؟ جاتی امرا سے ہی گاڑی میں مبینہ پتھروں کے شاپر رکھ کر لائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب دفتر کے باہر ہنگامہ آرائی، وزیراعلیٰ پنجاب عثمان بزدار نے چیف سیکرٹری پنجاب اور آئی جی پولیس سے رپورٹ طلب کر لی، ذمہ داروں کیخلاف قانون کے مطابق کارروائی کا حکم، کہا، کسی کو قانون ہاتھ میں لینے کی اجازت نہیں دی جا سکتی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعظم عمران خان سے وزیر ریلوے شیخ رشید احمد کی ملاقات، ایم ایل ون منصوبے پر پیش رفت کے حوالے سے وزیراعظم کو آگاہ کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جہاں جہاں سے سی پیک گزرتا ہے وہاں فرقہ وارانہ، لسانی فسادات کی سازش ہو رہی ہے، چیئرمین اسلامی نظریاتی کونسل قبلہ ایاز کہتے ہیں، علما عالمی سازش کو ناکام بنانے کیلئے کردار ادا کریں، اپنے مسلک کو چھوڑو نہیں دوسرے کے مسلک کو چھیڑو نہیں پر عمل کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کے صرف سترہ ہزار آٹھ سو تینتیس مریض رہ گئے، چوبیس گھنٹوں کے دوران کورونا کے پانچ سو اکتیس نئے کیسز سامنے آئے، اب تک کورونا کیسز کی تعداد دو لاکھ پچاسی ہزار سے زائد ہو چکی، ایک روز میں کورونا کے پندرہ مریض دم توڑ گئے، مجموعی اموات کی تعداد چھ ہزار ایک سو بارہ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا جون میں زور، جولائی میں کمزور اور اگست میں مزید کمزور، اگست کے پہلے دس روز میں صرف چھ ہزار کیس، جولائی میں تینتیس ہزار اور جون کے پہلے دس روز میں اڑتالیس ہزار کیس سامنے آئے، اگست کے پہلے دس دن میں ایک سو چونتیس، جولائی میں سات سو اٹھائیس اور جون میں آٹھ سو تیرہ اموات ہوئیں، اگست میں مثبت کیسز کی شرح چار، جولائی میں چودہ اور جون میں بیس فیصد تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ابھی بھی احتیاط، احتیاط اور بس احتیاط، کورونا ابھی ختم نہیں ہوا، کورونا کو مکمل شکست دینی ہے، پاکستان کی باہمت عوام نے حکومت کا ساتھ دیتے ہوئے ذمہ داری سے کورونا کا مقابلہ کیا، کورونا سے جاری جنگ ابھی ختم نہیں ہوئی، یوم آزادی کی تقریبات اور محرم کے اجتماعات میں بھی احتیاطی تدابیر کو لازمی اپنائیں، چہرے پر ماسک اور ہاتھوں پر دستانے ضرور پہنیں، چہرے، آنکھ، کان کو ہاتھ دھوئے بغیر چھونے سے گریز کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں چڑیا گھر میں جانوروں کی ہلاکت، مشیر ماحولیات اور وزیر موسمیاتی تبدیلی کو توہین عدالت کا نوٹس، سیکریٹری موسمیاتی تبدیلی نے واقعے کی ذمہ داری قبول کر لی، کہا، کابینہ ارکان کا کوئی تعلق نہیں، چیف  جسٹس اطہر من اللہ نے ریمارکس میں کہا، کابینہ نے وائلڈ لائف بورڈ کی منظوری دی تھی ذمہ دار بھی وہ ہیں، ڈپٹی اٹارنی جنرل کی شوکاز نوٹس جاری نہ کرنے کی استدعا مسترد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 دادو میں بارشوں اور ندی نالوں میں طغیانی کے بعد کاچھو میں سیلاب،  تین سو سے زائد دیہات کا دادو اور جوہی سے زمینی رابطہ معطل، ایف پی بند شگاف کا تعمیراتی کام مکمل شگاف کو بند کر دیا گیا، ٹریفک کی آمدورفت کیلئے کھول دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں مون سون بارشیں، اسلام آباد، راولپنڈی، لاہور سمیت پنجاب   کے کئی علاقوں میں آج بادل برسنے کی پیش گوئی، پشاور، ایبٹ آباد، شانگلہ، آزاد کشمیر میں بھی بارش کی پیش گوئی، بلوچستان کے ضلع   ژوب، بارکھان اور خضدار میں بھی بارش ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان تیرہ اگست کو بی آر ٹی پشاور کا افتتاح کریں گے، وزیراعلیٰ خیبر پختون خوا محمود خان بھی ہمراہ ہوں گے، وزیراعظم کو بی آر ٹی پشاور سے متعلق بریفنگ بھی دی جائے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد اور راولپنڈی میں میٹرو بس سروس کل سے بحال کرنے کا فیصلہ، تمام آپریٹرز کو میٹرو آپریشن بحالی کے حوالے سے آگاہ کر دیا گیا، کورونا وائرس کے باعث میڑو بس سروس تئیس مارچ سے بند تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی معاملات پر اپوزیشن کو ساتھ لے کر چلنا چاہتے ہیں، وزیرخارجہ شاہ محمود قریشی کے شہباز شریف اور بلاول بھٹو کو خطوط، وزیر خارجہ نے  چھ اگست کو بلائے گئے پارلیمنٹ کے مشترکہ اجلاس میں شرکت پر شکریہ ادا کیا، کہا، ایک بار پھر ثابت ہو گیا قومی مفادات کے تحفظ کیلئے تمام سیاسی جماعتوں کا مؤقف ایک ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حریت رہنما شیخ عبد العزیز کا باروواں یوم شہادت، مقبوضہ وادی میں آج مکمل ہڑتال، اٹھارہ جولائی کو شوپیاں میں شہید ہونے والے تین افراد مزدور نکلے، گھر والوں نے تینوں افراد کو تصاویر سے پہچان لیا، مزدوروں کو اغوا کر کے پہلے لاپتہ، پھر شہید کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔

وائٹ ہاؤس کے باہر فائرنگ، امریکی صدر ڈونلڈ ٹرمپ کو میڈیا ٹاک ادھوری چھوڑ کر جانا پڑا، خفیہ اہلکاروں نے مشتبہ شخص کو گولی مار دی، واقعہ کے بعد وائٹ ہاؤس کو لاک ڈاؤن کر دیا گیا، چند منٹ بعد صدر ٹرمپ پریس کانفرنس کیلئے دوبارہ آئے اور کہا، واقعہ وائٹ ہاوس کے احاطے کے باہر پیش آیا یہ سیکیورٹی کی ناکامی نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیروت دھماکوں نے لبنانی حکومت کو ہلا دیا، لبنانی وزیراعظم کابینہ سمیت مستعفی ہو گئے، حکومت کے اقتدار چھوڑنے کے باوجود مظاہرے جاری، پولیس اور مظاہرین کے درمیان جھڑپیں، متعدد افراد زخمی، پولیس کی جانب سے مظاہرین پر آنسوگیس کی شیلنگ، اقوام متحدہ کے سیکریٹری جنرل کا دھماکے کی شفاف تحقیقات کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دھویں کے بادل اور زوردار دھماکہ، بیروت دھماکے کی ایک اور ویڈیو سامنے آ گئی، بیروت دھماکے میں ایک سو ساٹھ سے زائد افراد جاں بحق ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا سات لاکھ انتالیس ہزار سے زائد جانیں لے گیا، کورونا کو شکست دینے والوں کی تعداد ایک کروڑ بتیس لاکھ سے زائد، مجموعی کورونا کیسز دو کروڑ دو لاکھ سے بڑھ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روس نے کورونا سے بچاؤ کیلئے ویکسین بنا لی، صدر ولادی میر پیوٹن کا اکتوبر میں ویکسی نیشن مہم کا اعلان، کہا، ان کی ایک بیٹی نے بھی ویکسین استعمال کی، بیس سے زائد ممالک سے دوا کے آرڈر مل چکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان، پاکستان، جیوے پاکستان، اہل وطن جشن آزادی کی تیاریوں میں مصروف، ہر سو سبز ہلالی پرچموں کی بہار، پشاور میں پرچم والے ماسک میں شہریوں کی دلچسپی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 یونان میں طوفانی بارشوں کے بعد سیلاب نے تباہی مچا دی، مختلف حادثات میں آٹھ افراد ہلاک اور کئی زخمی ہوئے، سڑکیں ندی نالوں کا منظر پیش کرنے لگیں، متعدد عمارتوں کو نقصان، پانی گھروں میں داخل ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی کرکٹ ٹیم رواں سال دسمبر میں نیوزی لینڈ کا دورہ کرے گی، پی سی بی کی تصدیق، دورے کے دوران دو ٹیسٹ اور تین ٹی ٹونٹی میچز کھیلے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپا لیگ میں مانچسٹر یونائیٹڈ کی کوپن ہیگن کو شکست، میچ ایک صفر سے جیت لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لٹل ماسٹر حنیف محمد کی چوتھی برسی، پچپن ٹیسٹ میچز میں بارہ سنچریاں اور پندرہ نصف سنچریاں بنائیں، پاکستان کی پہلی ٹرپل سنچری بنانے کا اعزاز بھی حاصل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین کے شہر میں ڈرون شو، کورونا سے لڑنے والے طبی عملے کو خراج تحسین پیش کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے بالوں کو بھی نقصان پہنچ سکتا ہے، کورونا سے صحت یابی کے بعد امریکی اداکارہ ایلسا میلانو کے بال تیزی سے گرنے لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیس کروڑ روپے کا دنیا کا سب سے مہنگا ماسک، وائٹ گولڈ کے ماسک میں تین سو ساٹھ ہیرے، این نائنٹی فائیو ماسک کے اوپر فٹ ہو گا، وزن ڈھائی سو گرام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چینی مارشل آرٹسٹ کی کمال مہارت، نن چکس کے وار سے موم  بتیاں بجھائیں، دیا سلائی کو بھی نن چکس کے وار سے جلانے کا مظاہرہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیلوگا وہیل کو نیا گھر مل گیا، چین میں کرتب دکھانے والی وہیل کو آئس لینڈ میں سمندر میں چھوڑ دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستانی فلم ساز شرمین عبید چنائے کا ایک اور اعزاز، آسکر ایوارڈ یافتہ فلم ساز کی دستاویزی فلم ’فریڈم فائٹرز‘ ایمی ایوارڈز کیلئے نامزد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نائنٹین سیونٹین کا ٹوئنٹی ٹوئنٹی میں چین میں راج، فلم نے صرف چار دن میں سو ارب کما لیے

About The Author

ویب ڈیسک

See author's posts