تبدیلی سرکارنے بقرعید پر پیٹرول مزید مہنگا کردیا

 پیٹرول کی قیمت میں تین روپے 86 پیسے کا اضافہ کیا گیا ہے جب کہ ہائی اسپیڈ ڈیزل کی قیمت میں پانچ روپے فی لیٹر کا اضافہ ہوا ہے۔

پیٹرول کی نئی قیمت اضافے کے بعد 103 روپے 97 پیسے مقرر کی گئی ہے جب کہ ڈیزل کی نئی قیمت اضافے کے بعد 106 روپے 46 پیسے ہو گئی ہے۔

اس ضمن میں جاری کردہ نوٹی فکیشن کے مطابق مٹی کے تیل کی قیمت میں پانچ روپے 97 پیسے کا اضافہ ہوا ہے۔ مٹی کا تیل اب نئی قیمت کے تحت 62 روپے 29 پیسے میں دستیاب ہو گا۔

 لائٹ ڈیزل کی قیمت میں چھ روپے 62 پیسے کا اضافہ کردیا گیا ہے۔

جاری کردہ نوٹی فکیشن کے مطابق پیٹرولیم مصنوعات کی نئی قیمتوں کا اطلاق آج شب 12 بجے سے ہوگا۔