ہک وضاحت۔۔۔۔
دوستو ۔۔ کجھ وݙی مد توں دیوان فرید وچ تحریف دے مسئلے تے ہک درگھی بحث تھیندی کھڑی اے جیندا انت نئیں پیا تھیندا ݙسّدا ۔راقم وی فریدیات دے طالبعلم ہووݨ دے ناطے بحث دا حصہ رہ ڳئے اتے اپݨے حاصل مطالعہ کوں کمنٹ دی صورت لکھدا رہ ڳئے ۔اتے اپݨے موقف تے قائم اے ۔ایندے نال نال فیسبک تبصریں وی بھرویں نظر رہ ڳئی اے ۔ایں دوران راقم ایں نتیجے تے پڄے۔
1۔تحقیق جنہیں دوستیں دا سبجیکٹ ہا ۔او خاموشی اختیار کیتی رہ ڳئین۔
2۔کجھ دوستیں ایں علمی ادبی تے تحقیقی بحث کوں تحریک کیتے راہ دا روڑا ڄاتے ۔
3۔کئیں اینکوں سودوزیاں دی ترکڑی وچ تولیے ۔اتے لا یعنی بحث دا ناں ݙتے ۔
4۔کئیں دوست تخت لہور کوں عالمگیریت آکھیے۔
5۔کجھ لوک اینکوں ریفرنڈم نال جوڑݨ پئے ڳئین۔حالانکہ تحقیق وچ مضبوط حوالے درکار ہوندن ۔
6۔کجھ دوستیں ݙوہیں پاسوں واہ واہ تے شاندار آکھیے شئیت انہیں دا رویہ اکسا کرائیں تماش بینی کرݨ ہا۔
7۔کجھ دوستیں امتحان گھنݨ دی کوشش کیتی اے ۔فلاں تنقید دے بارے تساں کیا ڄاݨدو ۔
8۔صرف چند دوستیں دے سوا تحقیق ݙو کوئی نہیں آیا ۔
9۔کجھ دوستیں تحقیقی عمل تے کھل وی کیتی اے ۔ایں مناسب رویے کوں تضحیکی رویے نال رد کرݨ دی کوشش کیتی اے ۔
ایں تناظر وچ میکوں ایں آکھݨ وچ کوئی ݙر بھئو کائینی جو ایں مسئلے کوں سلجھاوݨ دی بجاۓ الجھایا ڳۓ ۔تہوں اے علمی ادبی بحث تضادات دا شکار تھی ڳئ اے۔ کجھ دوستیں کمیٹی بݨا تے مسئلے دا حل ڳولݨ دا آہر کیتے ۔سوہݨی ڳالھ اے ۔مگر اساں سارے ڄاݨدوں جو کمیٹیاں تساہل دا شکار تھی ویندن ۔یا انہیں کوں دباؤ وچ فیصلے کرݨے پوندن ۔ڳالھ مدعا اے جو میں کئیں کمیٹی رکن نہ ہوساں کیوں جو میں بحث دا فریق آں ۔البتہ کمیٹی میکوں میݙا موقف گھنݨ سانگے سݙیسی ۔میں کمیٹی دے سامݨے اپݨا موقف تحریری شکل وچ پیش کریساں ۔زبانی کوئ بیان نہ ݙیساں ۔
میں تے یار فرید مݨیسوں ۔
رل مل شہر بھنبھور ۔۔۔۔
اے وی پڑھو:خواجہ فریدؒ دی کافی اچ ’’تخت لہور‘‘ دی بحث۔۔۔ عثمان کریم بھٹہ
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر