خواجہ فریدؒ دی کافی اچ ’’تخت لہور‘‘ دی بحث ۔۔۔ شکیل نتکانی

شہر بھنبھور تے تخت لاہور دے مسئلے وچ مجاہد جتوئی صاحب کوں پھاسی ڈیو چا، مسئلہ وت وی اتھائیں کھڑا ہوسی کیوں جو اے مسئلہ پہلے توں موجود اے ایں معاملے تے جتوئی صاحب نال اختلاف وی کیتا ونج سگدے تے اتفاق وی لیکن جتوئی صاحب دی ہک گالھ وچ تاں وزن اے جو میڈے نال بہوو تے میکوں کوڑا ثابت کرو۔

حضرت موسیٰ پہاڑ توں لتھے تاں ڈٹھے نے قوم بچھڑے دی پوجا کریندی پئی ہئی۔ جھٹ کاوڑ وچ بھرا ہارون دی داڑھی پکڑ گھندے تے آہدے قوم کوں تیڈے حوالے کر گیا ہم جو خیال رکھیں ہارون آہدے ادا میڈی داڑھی تاں چھوڑ میڈی گالھ تاں سنڑ چا۔

وائے مارکہ جتوئی صاحب دی گالھ تاں سنڑو چا او آہدن جو انہاں توں پہلے نسخیں وچ تخت لاہور لکھا لاتھے، انہیں کوں آکھو ڈکھاون، نہ ڈکھا سگن تاں انہیں کوں ڈوہ دتا ونجے بلکہ کوہ دتا ونجے۔ جتوئی صاحب دے ناقدین ڈوجھی گالھ اے کریندن جو پوری کافی پڑھ کے ڈٹھا ونجے جو کافی سسی دے گرد گھومدی پئی اے تہوں اے شہر بھنبھور ہی اے تخت لاہور نئیں تھی سگدا تاں انہیں دی خدمت وچ عرض اے جو کافی نظم آلی کار ہکے موضوع دی پابند ضرور ہوسی لیکن مرکزی خیال دے نال نال مختلف چھوٹے چھوٹے ضمنی موضوعات تے تخیلات وی اوندا حصہ تھی سگدن۔ ایں کافی وچ رانجھنڑ لوظ ورتا گئے لیکن اوندی تشریح وچ ناقدین_ مجاہد جتوئی فرمیندن جو ایں توں مراد پنوں اے۔ جو چاہیے آپ کا حسن کرشمہ ساز کرے۔

اگر خواجہ صاحب دے شاعرنہ اسلوب کوں ڈٹھا ونجے تے انہیں دی زندگی دے معمولات تے غور کیتا ونجے تاں او آپ بذات خود سسی لگدن جہیڑھے پتہ نئیں کیہڑے پنل دی گول وچ ہند، سندھ، پنجاب، مارواڑ، دلی، لاہور، بر، جنگل، پہاڑ تے روہی دے ٹوبھے ٹوبھے تک پجن، او ہک سیلانی روح ہن اج کتھاں تے کل کتھاں تے انہیں دی شاعری وچ جاء جاء تے او جائیں ملدن جیہڑاں انہیں کوں fascinate کرینداں ہن، خواجہ صاحب جیہڑھے دور وچ رہندن پئے ہن اوں ویلھے پنجاب مرکز دی حیثیت اختیار کر چکا ہا تے لاہور آپڑیں تاریخی، ثقافتی، سماجی تے تہذیبی عروج پاروں ہک محبوب شہر وی ہا۔ ساکوں بھانویں چنگا لگے یا ناں لگے

اے وی پڑھو: خواجہ فریدؒ دی کافی اچ ’’تخت لہور‘‘ دی بحث۔۔۔ عثمان کریم بھٹہ

خواجہ فرید، شہر بھنبھور اور تخت لہور کی بحث۔۔۔عاشق بزدار

خواجہ فریدؒ دی کافی اچ ’’تخت لہور‘‘ دی بحث ۔۔۔مجاہد جتوئی

About The Author

ویب ڈیسک

See author's posts