سرائیکی ءچ ہک مثال ھے جو زبان ہر قوم کو پیاری ہوندی ھے،،
تے ایویں ہی ہر انسان اپݨے آپ کہیں نہ کہیں شکل وچ قوم پرست ضرور ھوندے،
سرائیکی تحریک دا پندھ ستر سال تو چلدا پے تے ہر ݙینھ ایندا پندھ منزل دے نیڑے تھیندا ویندے تے انشااللہ ہݨ منزل قریب ھے،
ایویں ہی 22.11.2019 وچ کراچی دی کجھ باہمت سرائیکی تریمتیں (خواتین )رل تے سرائیکی قوم پرستی وچ ہک نویکلا اضافہ کیتا اور ”سرائیکی عوامی تریمت تحریک” دے ناں نال ادی عابدہ بتول سئیݨ دی اڳواݨی وچ ھک تنظیم بݨائی جیندا مقصد سرائیکی خواتین کو سرائیکی کاز نال جوڑن تے سرائیکی تریمتیں کو قومی شعور دے نال ھک پلیٹ فارم تے کٹھا کرݨ ھے ایں مختصر عرصے دے وچ سرائیکی عوامی تریمت تحریک دی کارگردگی جیویں جوسینٹ دی کمیٹی دا اجلاس، 21 فروری ماء ٻولی ݙینھوار، بابا سرائیکی احسان الحیدری دے اعزاز وچ تقریب وغیرہ، جہے پروگرام کیتے جیندی وجہ تو سرائیکی وسیب تے خصوصاً کراچی وچ خواتین کو متوجہ کیتا تے حوصلہ ودھیا جو سرائیکی تریمت وی اپݨے سرائیکی قومی حقوق سانگے سیاسی جدوجہد کر سگدی ھے،،
انشااللہ آندے وقتیں وچ سرائیکی عوامی تریمت تحریک پورے سرائیکی خطہ دی خواتین سانگے ھک نمائیندہ پلیٹ فارم بݨسی،،
کیونجو سرائیکی تریمت کو سیاسی شعور آندا پے کہ اساں اپݨی سونا اگلدی دھرتی جو پورے ملک کو زراعت تے معدنیات دے وسائل ݙیندی ھے،
اوں دھرتی دی واسیاں سانگے نہ ہسپتال ھن نہ معیاری تعلیمی ادارے، نہ روزگار دے وسائل ھن،،،
نہ پیوݨ دا صاف پاݨی ملدے،،
انشااللہ سرائیکی عوامی تریمت تحریک ، وسیب دے ہر شھار وچ تنظیم سازی کریسی تے سرائیکی خواتین کو اے قومی شعور ݙیوݨ وچ ضرور کامیاب تھیسی کہ پتریں دے نال دھیریں کو وی تعلیم دی اتنی ہی ضرورت ھے،،
نال ھی ھک واری ولا سرائیکی عوامی تریمت تحریک دا پلیٹ فارم. وزیراعطم عمران خان نیازی تو مطالبہ کریندے جو اپݨا انڄ صوبے والا وعدہ پورا کرو، تے وزیراعلیٰ پنجاب عثمان بزدار تو وی مـطالبہ ھے جو سرائیکی وسیب دا انج بجٹ رکھن،،،
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
اسلم انصاری :ہک ہمہ دان عالم تے شاعر||رانا محبوب اختر
قومی اسمبلی دا تاریخی سیشن ،،26ویں آئینی ترمیم منظور