اردو دے ترقی پسند ادب وچ افسانے تے کہانی کوں جتنا چھانڑ مارو ، پریم چند دے بدھے منڈھ وچوں کوئی شاخ نئیں پھپھڑدی۔اے تکڑے کہانی کار دی سوجھل اکھ تے تیز چیتے دی گنڑوندی ہوندی ہے۔جو اپنے زمانے کوں اگوال نال چرک تئیں جوڑے رکھدی ہے۔
سرائیکی وچ احسن واگھا سئیں اوں ویلھے جدید افسانہ متعارف کرائے جڈاں اساں آپ اجاں افسانہ ہاسے۔شاید پاکستان وچ ہر قوم وانگوں اے صفت (کجھ )سرائیکی لکھاریں وچ وی بھر پور ہے جیرھے اپنیاں لکھتاں نصاب وچ شامل کراون واسطے سال پہلے دی بھج درک لائی ودے راہندن ۔
لیکن واگھا صاحب ایں صفت کنوں اکے محروم ہن۔وقت اپنا میرٹ آپ بنڑیندے۔جیندے وچ وڈے وڈے پردھان رگڑئے ویندن۔پریم ویلھا انھیں کوں سرائیکی دا پریم چند ثابت کریسی۔۔واگھا سئیں محنت نال کم کرنڑ والے بندے ہن۔سرائیکی افسانہ تے کہانی، نثری ادب دی تاریخ،شاعری، لسانیات، لغت نگاری، تنقید تے تحقیق، سیاسیات،سرائیکی قومی تحریک تے سرائیکی لوک سانجھ انھیں دے بغیر ادھورے ہن۔
واگھا صاحب بہوں ساریں زبانیں دی تاریخ تے عبور رکھدن۔ سرائیکی دے نال نال انگریزی،اردو،ہندی،سندھی،سنسکرت،فارسی،عربی، پنجابی تے ڈوجھی زبانیں دے جدید لسانی مسائل تے قدیم پراکرتاں دی تاریخ کوں کھنگال کے رکھ ڈیندن۔عالمی ادب تے گہری نگاہ ہنیں۔
انھیں خلوص نال اپنی حیاتی اپنی ما بولی سرائیکی کیتے وقف کر ڈتی ہےمالک ۔بلکہ اپنے حصے دے کم توں ڈھیر خدمت کیتی نے۔ادب پارے تخلیق کرنے ہن تاں تحقیقی جستجو وچ نال لگے رہن،محقق دا کم پورا کریندیں ہوئیں لسانیات دے سمندر وچ لہہ گئین۔
لسانیات دے استاد ہوون دی خدمات سر انجام ڈیندیں ہوئیں قومی تحریک یعنی صوبے دی سیاست وچ عملی طور تیں حصہ گھدے نیں۔انھیں دے تبصرے تے تجزئے نویں سیاسی کارکنیں واسطے راہ رستہ سمجھنڑ لو نتیجہ خیز ہوندن ۔او سرائیکی صوبے دی سیاست سکھنڑا ں ہکل ہوڑ ،پروپیگنڈہ تےاخباری نیوز دے شوق وس تیں نئیں کریندے بلکہ سچی لگن تے سنجیدگی نال تاریخی، قومی،ملکی تے بین الاقوامی تناظر نال ڈیہدن ۔
نویں نوجوانیں کوں اپنی مکمل قومی،سیاسی تاریخ پڑھنڑیں چاہیدی ہے، اے او تئیں مکمل تھی وی نئیں سگدی جے تئیں واگھے صاحب دی سٹرگل تے پورھئے دا مطالعہ نہ کریسن۔
انھیں ہمیشاں کھل کے اپنا مافی الضمیر پیش کیتے،درست سمت دا تعین کیتے، اپنی صوبے شناخت دی جڑت جمہوری تے پارلیمانی رستے تیں پی پی پی نال کیتی اے۔ ہر الیکشن تے سرائیکی دا جھنڈا چا تے اجرک پا کیں پارٹی وٹاندری کھیڈ دا حصہ نئیں بنڑئے۔
اے انھیں دی مستقل مزاجی تے سیاسی شعور دی بلندی کوں ثابت کریندے۔ انھیں قومی مفاد کوں ڈٹھے،نہ کہ ذاتی وقتی فائدے کوں،کئی یار آئے نی مسیت دے پکھے لہا گم تھی گئین۔پر او پہلے ڈینہہ توں اپنی راہ تے سج دھج نال ڈٹئے کھڑن۔ بشیر غمخوار دا ہک شعر :
تیئں تیریں کنوں گھن کے بم تائیں وسائے ہن
نہ پاسا وٹائے سے نہ پڑ چھوڑ گئے ہئیں
اساں انھیں کوں دل دے گہرائیں نال خراج_تحسین پیش کریندے ہیں ۔اللہ انھیں کوں ہمیشہ سکھی سلامت رکھے ۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
قومی اسمبلی دا تاریخی سیشن ،،26ویں آئینی ترمیم منظور
پی ٹی آئی فارورڈ بلاک کے حاجی گلبر وزیراعلیٰ گلگت بلتستان منتخب