16مئی 2020: پاکستان اور دنیا بھر سے مختصر خبریں

پنجاب میں پیر سے انٹر سٹی ٹرانسپورٹ چلانے کی اجازت، کرائے میں بیس فیصد کمی کا اعلان، شاپنگ مالز، پاور لومز کو بھی کھولنے کا فیصلہ، فیاض الحسن چوہان کہتے ہیں، آٹو موبائل اور موبائل فون انڈسڑی کو بھی کھولنے کی اجازت دے دی، مسیحی برادری اتوار کو گرجا گھروں میں عبادت کر سکے گی، تمام ایس او پیز پر عمل کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت کا نیب سے اپوزیشن لیڈر شہباز شریف کا نام ای سی ایل میں ڈلوانے کا مطالبہ، شہزاد اکبر کہتے ہیں، شہباز شریف جن فرشتوں کو کروڑوں کا دودھ بیچتے تھے وہ سامنے آ چکے ہیں، شہباز شریف کو ملنے والی کک بیکس کی ٹریل موجود ہے، سولہ کروڑ روپے شہباز شریف کے اکاؤنٹ میں جمع ہوئے، ان کے خلاف ریفرنس تیار ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

51دن بعد اندرون ملک فضائی آپریشن جزوی طور پر بحال، پہلی پرواز چوراسی مسافروں کو لے کر کراچی سے لاہور روانہ ، دوسری چار بجے لاہور سے کراچی روانہ ہو گی، مسافروں کے لیے ماسک پہننا لازمی، پرواز میں مسافروں کے درمیان ایک سیٹ کا فاصلہ، ائیر پورٹ پر بھی سماجی فاصلے کے لیے نشان لگائے گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں کورونا کیسز کی تعداد گیارہ ہزار آٹھ سو پچپن ہو گئی، چار سو نوے نئے کیسز سامنے آئے، سندھ میں کورونا سے تیرہ اموات،، صوبے میں کورونا وائرس کے مریضوں کی تعداد پندرہ ہزار سے تجاوز کر گئی
۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان میں ایک دن میں کورونا کے ڈیڑھ ہزار سے زائد کیسز، اکتیس مریض چل بسے، کورونا سے اموات آٹھ سو چونتیس ہو گئیں، ملک بھر میں کیسز اڑتیس ہزار آٹھ سو ہو گئے، دس ہزار سے زائد مریض صحت یاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر ریلوے شیخ رشید کہتے ہیں ،عید کے بعد نیب جھاڑو پھیر دے گا، چھوٹی عید کے بعد دونو ں طرف گرفتاریاں ہوں گی،لاک ڈاؤن شہباز شریف کیلیے لاک اپ کا پروگرام ہے، شہباز شریف اپنا سافٹ ویئر بدلے تو ہی بچ سکتا ہے، نیب قانون میں ترمیم پر سپورٹ نہیں کروں گا
۔۔۔۔۔۔۔۔۔۔۔۔۔۔۔۔۔۔۔۔۔۔
خیبرپختون خوا میں سرکاری محکموں کی تعطیل میں اکتیس مئی تک توسیع ، مشیر اطلاعات اجمل وزیر کہتے ہیں ،پیر سے پبلک ٹرانسپورٹ کو ایس او پیز کے مطابق کھولنے کی اجازت ہو گی، تیل کی قیمتوں کے مطابق کرائے وصول کیے جائیں گے، باربر شاپس جمعہ، ہفتہ اور اتوار کو چار بجے تک کھلی رہیں گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرِ اطلاعات پنجاب فیاض الحسن چوہان کہتے ہیں صوبائی حکومت نے سوموار سے پنجاب میں آٹو انڈسٹری اور شاپنگ مالز کھولنے کا فیصلہ کیا ہے، کرفیو اور لاک ڈاؤن میں سختی سے عام لوگوں کی مشکلات میں اضافہ ہوتا ہے، لاک ڈاؤن میں نرمی یا سختی عوامی ردعمل دیکھ کر کی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف نے کراچی میں کاروباری اوقات بڑھانے اور شاپنگ مالز کھولنے کا مطالبہ کردیا، خرم شیر زمان کہتے ہیں، سندھ میں ٹرانسپورٹ کو بھی کھولا جائے، پورے ملک میں ایس او پیز بن گئے مگر سندھ میں کچھ نہیں ہوا، بلاول زرداری آگے کی تیاری کریں، آپ کا نظام تباہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا وائرس کے باعث بند پاک افغان طورخم اور چمن بارڈرز دوبارہ کھولنے کا فیصلہ، وزرات داخلہ نے خیبر پختونخوا اور بلوچستان حکومت کو آگاہ کردیا ، طور خم اور چمن بارڈر ہفتے میں 6 دن 24 گھنٹے کھلے رہیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیر تک ٹرینیں چلانے کی اجازت دی جائے، نہیں تو رش کنٹرول نہیں ہو گا، وزیر ریلوے شیخ رشید کی پریس کانفرنس، کہا جہاز اور بسوں کو اجازت دی گئی ، ریلوے چلانے کی اجازت نہیں ملی، جلد اعلان نہ ہوا تو عید پر ٹرینیں نہیں چلا سکیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا از خود نوٹس کیس میں وفاقی حکومت نے رپورٹ سپریم کورٹ میں جمع کرا دی، رپورٹ میں کہا گیا ہے کہ قومی رابطہ کمیٹی اجلاس میں تعمیراتی سیکٹر کے فیز ٹو کو کھولنے کا فیصلہ کیا گیا، تجارتی مراکز کو کھولنے کا فیصلہ عوام کی سہولت کیلیے کیا، کورونا ازخود نوٹس کیس کی سماعت پیر کو ہوگی، نیا بنچ تشکیل دے دیا گیا
۔۔۔۔۔۔۔۔۔۔۔۔۔۔۔۔۔۔۔۔
ملک بھر میں ماسک پہننا لازمی قرار دے دیا گیا ۔ معاون خصوصی ڈاکٹر ظفر مرزا کہتے ہیں کہ رش والی جگہوں پر ماسک لازمی ہوگا ۔ ماسک پہننے سے متعلق پابندی میں سختی لارہے ہیں ۔ نوٹیفکیشن جلد جاری کیا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی، لاہور، پشاور، راولپنڈی سمیت ملک بھر میں مکمل لاک ڈاؤن کا دوسرا روز، چھوٹے بڑے بازار، کاروباری اور تجارتی مراکز بند، گراسری، دودھ دہی اور سبزی کی دکانوں کو صبح نو سے شام پانچ بجے تک کاروبار کی اجازت، میڈیکل اسٹورز کو اوقات کار کی پابندی سے استثنیٰ حاصل، اسلام آباد میں بھی آج اور کل مکمل لاک ڈاؤن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی آئی اے کی خصوصی پرواز عراق میں پھنسے ڈھائی سو سے زائد پاکستانیوں کو لے کر اسلام آباد ایئرپورٹ پہنچ گئی، مسافروں کو سوہاوہ اور جہلم کے قرنطینہ مراکز منتقل کر دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
‎ دنیا بھر میں کورونا مریضوں کی تعداد چھیالیس لاکھ اٹھائیس ہزار سے بڑھ گئی، مرنے والوں کی تعداد تین لاکھ آٹھ ہزار سے زیادہ، سترہ لاکھ پچپن ہزار سے زائد مریض صحت یاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فلور ملز نے پنجاب میں آٹا مہنگا کر دیا، دس کلو آٹے کا تھیلا بیس روپے مہنگا، قیمت چار سو بیس روپے ہو گئی، بیس کلو آٹے کے تھیلے کی قیمت بھی بیس روپے بڑھا دی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میں کل سے ہیٹ ویو کی پیش گوئی، درجہ حرارت 41 ڈگری تک جانے کا امکان، محکمہ موسمیات کے مطابق ہیٹ ویو چار روز تک جاری رہے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بارش کے باعث وادی نیلم کو مظفرآباد سے ملانے والی واحد سڑک شدید متاثر، سڑک کا بڑا حصہ ٹوٹ کر ڈیم میں بہہ گیا، دونوں طرف گاڑیوں کی لمبی قطاریں لگ گئیں، امدادی کارروائیاں جاری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلیٰ بلوچستان جام کمال نے گوادر میں نئے تفریحی مقام کی جلد تکمیل کی نوید سنا دی، وزیر اعلٰی نے کہا سنگھار گوادر پر زیر تعمیر تفریحی مقام جلد مکمل ہو جائے گا، وزیر اعلیٰ نے تصاویر بھی شیئر کیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی صدر ڈونلڈ ٹرمپ کا ایک ماہ بعد عالمی ادارہ صحت کی فنڈنگ دوبارہ بحال کرنے کا فیصلہ، کہا امریکا ڈبلیو ایچ او کو اتنی ہی فنڈنگ دے گا جتنی چین عالمی ادارے کو فراہم کرے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکہ میں کورونا وائرس سے اموات اٹھاسی ہزار سے زیادہ،مہلک وائرس سے متاثرہ افراد کی تعداد چودہ لاکھ چوراسی ہزارسے بڑھ گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برازیل میں کورونا سے مزید آٹھ سو چوبیس افراد ہلاک، پندرہ ہزار تین سو سے زائد نئے کیسز رپورٹ، کیسز کی تعداد دو لاکھ بیس ہزار سے تجاوز کر گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسپین میں کورونا کیسز کی تعداد دو لاکھ چوہتر ہزار سے زائد، ستائیس ہزارچار سو انسٹھ اموات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روس میں کورونا کیسز کی تعداد دو لاکھ باسٹھ ہزار سے بڑھ گئی، چوبیس سو سے زائد مریض چل بسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکا میں کورونا وائرس سے نوے دن تک محفوظ رکھنے والی جراثیم کش تہہ تیار کر لی گئی، کسی بھی سطح پر اس تہہ کو صرف ایک بار چڑھانا ہو گا۔ جراثیم کش تہہ کے لیے ایک بار کیا جانے والا اسپرے تین سے چار ماہ تک کے لیے کافی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
‏امریکی ایوان نمائندگان نے صدر ٹرمپ کی ویٹو کی دھمکی کی باوجود کورونا کے لیے تین کھرب ڈالرز کا بل منظور کر لیا ،دوسوارب ڈالرز ملازمین کی تنخواہوں اور پچھتر ارب کورونا ٹیسٹنگ کے لیے مختص کیے گئے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہیکرز کا ٹرمپ کے راز چرانے کا دعویٰ، کہا کہ اگر امریکی صدر نے چھ ارب روپے کا تاوان نہیں دیا تو ان کی ،،گندی باتیں،، سب کو بتا دیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹلی میں کورونا نے اکتیس ہزار چھ سو سے زائد جانیں لے لیں، کیسز کی تعداد دو لاکھ تئیس ہزار سے بڑھ گئی، حکومت کا تمام دکانیں اور ریسٹورنٹ 18 مئی سے کھولنے کا اعلان، تین جون سے فضائی سروس بھی بحال کر دی جائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرانس میں کورونا سے ساڑھے 27 ہزار اموات، ایک لاکھ اناسی ہزار سے زائد کیسز، فرانسیسی کمپنی نے کورونا وائرس سے بچاؤ کے لیے ڈس انفیکشن ٹنل بنا ڈالی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھارت میں لاک ڈاؤن نے مزید 24مزدوروں کی جان لے لی ۔۔ اتر پردیش میں مزدور ٹرک میں اپنے علاقوں میں واپس جا رہے تھے، ٹرک حادثے کا شکار ہو گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیاروں کی آخری رسومات میں شرکت کرنے کے لیے میکسیکو میں ڈرائیو تھرو سروس کا آغاز، کورونا سے مرنے والوں کے اہل خانہ سماجی فاصلے کو برقرار رکھتے ہوئے شرکت کر سکیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈولفنز اور وہلیز ایک ساتھ، ہوائی کے سمندر میں اپنے پیاروں کی آخری رسومات اد کرتی فیملی ڈولفنز اور وہلیز کو دیکھ کر حیران
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاس اینجلس اور سین ڈیاگو پر امریکی طیاروں کی پرواز، فضا میں خوفناک حادثے سے بچنے کے لئے طیارے کو ہنگامی ٹرن لینا پڑا، کچھ لمحوں بعد چھ پائلٹس ایک بار پھر صحیح پوزیشن میں آئے اور شاندار فلائی اوور کا مظاہرہ کیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاک پہنچانا کسی اسٹنٹ سے کم نہیں، امریکا میں ڈاکیے نے چلتی کشتی سے چھلانگ لگا کر ڈاک پہنچائی، واپس دوڑ لگا کر پھر چلتی کشتی میں سوار ہو گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برقی گاڑیاں بنانے والی کمپنی ٹیسلا نے گاڑیوں کو لاکھوں میل چلانے والی بیٹری تیار کر لی، بیٹری سے بجلی کی گاڑیاں دس لاکھ میل تک چل سکیں گی، بیٹری گرڈ انرجی اسٹوریج میں کم از کم دو دہائیاں چل پائے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فٹ بال کے شائقین کا انتظار ختم، جرمن لیگ کے میچز کا آج سے آغاز ہو گا، تماشائیوں کو اسٹیڈیم آنے کی اجازت نہیں ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسپینش لیگ میں میچ فکسنگ، ویجا ریال اور خیتافے کے درمیان میچ میں فکسنگ کی تحقیقات، گزشتہ سال میچ دو دو سے ڈرا ہوا تھا، دونوں کلبوں نے الزامات کو مسترد کردیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وینس ولیمز اور سرینا ولیمز کی ٹینس میں کامیاب جوڑی کے بعد جاپانی بھائیوں کی جوڑی نے سوشل میڈیا پر دھوم مچا دی، چھ اور چار سالہ بھائیوں نے اپنی گیم سے بڑے بڑے کھلاڑیوں کو ٹکر دینے کی تیاری کر لی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیسکار اسٹاک کار ریسنگ آج سے امریکہ میں شروع ہو گی، شائقین آئن لائن اسٹریمنگ سےلطف اندوز ہوں گے، ریسنگ لاک ڈاؤن کے بعد امریکہ میں شروع ہونے والی کھیلوں کی پہلی سرگرمی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وینزویلا کے کراٹے چیمپئن نے گھر کی چھت اور لیونگ روم کو اکھاڑا بنا لیا۔ لاک ڈاون کے باعث گھر میں ہی ٹریننگ اور آن لائن کلاسز دینے لگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکی ریسٹورنٹ میں سماجی فاصلے رکھنے کیلئے مجسموں کا استعمال، میزوں پر 1940 کے اسٹائل کے منفرد مجسموں کو رکھا گیا، مجسمے لوگوں کی کمی کو پورا کرنے میں بھی مددگار ثابت ہوں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بغیر علامات والے کورونا مریضوں کی تشخیص کے لیے کتوں کی مدد لی جائے گی۔ برطانیہ میں کتوں کو تربیت دی جانے لگی۔ تجربہ کامیاب رہا تو ایک کتا گھنٹے میں ڈھائی سو افراد کی اسکریننگ کر سکے گا۔ کتے اس سے قبل مرگی اور کینسر سمیت کئی بیماریوں کا پتا چلا چکے ہیں
۔۔۔۔۔۔۔۔۔۔۔۔۔۔۔۔۔۔۔۔
امریکا میں کتا گریجوایٹ ہو گیا، امریکی ریاست ورجینیا میں موس نامی کتے نے 2004 سے اب تک ہزاروں طالبعلموں کی ساتھ کام کیا اور ساڑھے سات ہزار سے زائد کاونسلنگ سیشنز کا حصہ بنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایڈونچر سے بھرپور جنگل کروز کا ٹریلر یو ٹیوب پر مقبول، ڈوائن جانسن کی فلم کے ٹریلر کو اب تک 3 کروڑ سے زائد بار دیکھ لیا گیا، فلم اگلے سال دنیا بھر میں ریلیز ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔

About The Author

ویب ڈیسک

See author's posts