عشق تے اساں سینگے ہیں۔۔۔ ڈاکٹر یسین بیگ

ساکوں جمدے لا توں عشق وراثت ملا۔۔ائے ساڈے نال ٹرن سکھیا۔۔دھوڑے کھانونڑ۔۔بھنبھوٹے کٹھے ڈتے۔۔توتلے لوظ کٹھے سکھیے۔۔۔اساں نکے لا توں عشق پالیا ۔ایندی انگل پکڑ تے پورا وہیڑھا پھریا۔۔پیو ما دی جھولی اچ کٹھے ستئے۔۔نانا چاچا وڈے بھینڑ بھراویں توں گھنگھوٹی اچ لوریاں جھوٹے رلے کھادے۔۔۔وسوں اچ سینگیں نال کٹھے مال چرایا۔سانونڑ اچ چوری امب کھادے۔پنڈاں پٹیاں ماکھیاں کھڑایاں منجھیں نال کٹھے نہر دھانتے۔۔عشق ساڈے نال ترن سکھیا۔ٹبیاں دھی دھی کھیڈنڑ تلکنڑ تیں ساڈے نال نال جلیا ۔
اساں عشق پالیا۔۔۔کہیں در موری توں کہیں کندھ پچھو بوجھنڑ دے جھلارے نال عشق ساکوں مونڈھے تیں چاتا۔۔کہیں دوروں سونہڑے جی کوں دل دے کٹھے دھڑکیاں۔۔اڈے بزار اچ اجنبی اکھ نال اکھ ملا کے ساڈے کٹھے کھلیا۔۔محبوب دے وچھوڑے دی رات اچ کٹھے جاگیا۔وچھوڑے اچ کٹھے رنا ۔ملنڑ اچ کٹھے کھلیا۔۔عشق ساڈے خون اچ دل توں پورے بت اچ ساہ وانگوں دوڑیا۔۔
اساں عشق پالیا۔۔۔
ونو ون حسن اچ ونڑ اچ مٹی اچ کھیڈ اچ کلاس اچ مدرسے اچ شادیں تیں عید شبراتیں تیں تڈے تیں گستان تانڑیں عشق ساڈے ہمرکاب رہیا۔۔
سبھے پیار محبتیں اچ نویں شکلیں نویں محبتیں اچ عشق گنڈھوکڑی بدھ اپڑیں سر تیں چا۔ساڈا ہتھ پکڑ گھر دروازے تک گھن ایا۔۔
عشق کہیں مقابلے اچ کیرئیر اچ پڑھن اچ ٹکر روزی روٹی اچ پی ما وڈ وڈیکیں دی تابعداری اچ حوصلہ ڈتا۔۔کہیں جنون توں رل ونجنڑ توں بے راہ منزل توں ساڈا گائیڈ بنڑیا۔کتھا نکا بال بنڑ کے کتھاں طاقت ور جوان بنڑ کے کتھاں یار بنڑ کے کتھاں بڈھڑا بنڑ کے ساکوں اپنڑے نال ولا رلا ڈتا۔۔۔
اساں عشق پالیا تے عشق نے ساکوں پالیا۔۔۔اساں رل مل جیونڑ ہنڈھایا۔۔ساہ ساہ سکھ پایا۔۔ڈکھ ڈکھ اچ اس امید دا وت ڈیوا بالیا۔۔اساں ھک ڈوجھے دے عاشق وی تے معشوق بنڑئے۔۔اساں کٹھے ہک ڈوجھے کا پالیا۔۔

۔

About The Author

dailyswail

See author's posts