18مارچ 2020: آج پاکستان اور دنیا بھر میں کیا ہوا؟

پاکستان میں کورونا وائرس کے کیسز کی تعداد دو سو پچپن ہو گئی ،،، سندھ میں مزید نو افراد میں کورونا وائرس کی تصدیق،، تعداد ایک سو اکیاسی ہوگئی ، ترجمان سندھ حکومت مرتضی وہاب کہتے ہیں تفتان بارڈر سے آئے 50فیصد افراد کے ٹیسٹ مثبت آئے ہیں، وفاق سے صوبے کو صرف دو سو کٹس فراہم کی گئیں ،آزاد کشمیر میں بھی کورونا کا پہلا مریض سامنے آگیا،پنجاب میں چھبیس، بلوچستان اور خیبر پختون خوا میں سولہ سولہ مریض، اسلام آباد سے چار، گلگت بلتستان سے تین کیسز سامنے آئے،،

۔۔۔۔۔۔۔۔۔۔۔۔۔۔۔۔۔۔۔۔۔۔۔

یکم جون تک پاکستان میں کسی بھی قسم کے امتحانات نہیں ہونگے،،وزیرتعلیم شفقت محمود کہتے ہیں کیمبرج سے امتحانی شیڈول پر نظر ثانی کرنے کی درخواست کی ہے، 27 مارچ کو صوبائی وزرائے تعلیم سے مشاورت کے بعد فیصلہ کریں گے ، پانچ اپریل کو اسکول کھولنے ہیں یا نہیں

۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان اسٹاک مارکیٹ میں شدید مندی ،،، ہنڈرڈ انڈیکس میں 22 سو سے زائد پوائنٹس کی کمی ریکارڈ کی گئی ،، انڈیکس 31 ہزار سے نیچے آ گیا

۔۔۔۔۔۔۔۔۔۔۔۔۔۔۔۔۔

عالمی بینک اور ایشیائی ترقیاتی بینک ،،، پاکستان کو،،، کورونا سے نمٹنے کے لیے،، امداد فراہم کریں گے ،، ایشیائی ترقیاتی بینک پاکستان کو 35 کروڑ ڈالر فراہم کرے گا، عالمی بینک کے ساتھ 18 کروڑ80 لاکھ ڈالر کا معاہدہ ہونے کا امکان

۔۔۔۔۔۔۔۔۔۔۔۔۔۔۔۔۔۔۔

کورونا حکومت اور پی آئی اے کی نااہلی کی وجہ سے پھیلا،، چیف جسٹس گلزار احمد کے ریمارکس،،، کہا ،،،حکومت نے کورونا کے حوالے سے کوئی اقدام نہیں کیا، اورہمیں کہہ دیا کہ عدالتی کام روک دیں،،،پی آئی اے لوگوں کی زندگیوں کے ساتھ کھیل رہا ہے۔کیا اس کو بند کردیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ بھر میں ریسٹورنٹ اور شاپنگ مالزپندرہ روز کیلئے بند ،،، سی ویو، پبلک پارکس بھی بند رکھے جائیں گے، سرکاری دفاتر بھی کل سے بند ہوں گے ، سبزی اور راشن کی دکانیں کھلی رہیں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دورہ چین کے بعد احتیاط ،،،چین کا دورہ کرنے والا وفد صدر عارف علوی سمیت قرنطینہ میں چلا گیا،شاہ محمود، اسد عمر سمیت دیگر شامل،،وزیرخارجہ شاہ محمود قریشی کہتے ہیں، چین میں پاکستانی طلبا مکمل صحت مند اور پوری حفاظت میں ہیں،، ایران سے درخواست ہے کہ پاکستانی زائرین کو اکٹھا واپس نہ بھجوائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس مزید پھیلنے کے خدشات، مگر گھبرانا نہیں، لڑنا ہے ،،، وزیراعظم کا قوم سے خطاب ،، کہتے ہیں صرف حکومت صورتحال کا مقابلہ نہیں کر سکتی، قوم کو بھی ساتھ دینا ہوگا ،، یورپ اور امریکہ کی طرح شہر بند نہیں کر سکتے، ذخیرہ اندوزوں کے خلاف سخت ایکشن کا اعلان بھی کردیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا دنیا کے ایک سو پنسٹھ ممالک میں پھیل گیا، ہلاکتوں کی تعداد 8 ہزار ہو گئی ،،دو لاکھ افراد متاثر، اکیاسی ہزار سے زائد صحت یاب ہوگئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین نے کورونا پر بڑی حد تک قابو پا لیا ،،، ووہان سے منگل کو کورونا کا صرف ایک کیس رپورٹ ہوا ، ہوبائی صوبے میں تیرہ دن سے کوئی کیس سامنے نہیں آیا ،،، چینی ڈاکٹرز اور ہیلتھ ورکرز نے صرف 100 دنوں میں کرونا کو ہرا کر دکھادیا،، عارضی اسپتالوں میں اپنا فرض ادا کرنے کے بعد ہیلتھ ورکرز کا بیج جیت کی خوشی لئے اپنے گھروں کو واپس روانہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں مزید تین سو پینتالیس افراد کرونا وائرس کے باعث چل بسے، ہلاکتوں کی مجموعی تعداد ڈھائی ہزار سے بڑھ گئی ،بیلجئم میں کورونا کے ایک سو پچاسی نئے کیسزسامنے آگئے ، حکومت نے ملک میں لاک ڈاؤن کا اعلان کردیا ۔ چرچ آف انگلینڈ نے برطانیہ میں بھی تمام مسیحی عبادت گاہوں میں سرگرمیاں معطل کر دیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے امریکہ میں مزید تئیس افراد موت کا شکار ، ہلاکتوں کی تعداد سو سے زائد ہو گئی ،،چھتیس فوجیوں میں بھی کورونا کی تصدیق ،محکمہ دفاع میں کام کرنے والے آٹھ سویلینز اوران کے بارہ فیملی ارکان میں بھی وائرس کی تشخیص، کینیڈا میں بھی ہلاکتوں کی تعداد آٹھ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے مشرق وسطی کو بھی لپیٹ میں لے لیا۔ عراق میں کرونا وائرس سے گیارہ ہلاکتیں۔ متاثرہ کیسز کی تعداد154ہو گئی ،،سعودی عرب میں کرونا سے متاثرہ کیسز کی تعداد ایک سو اکہتر اوریو اے ای میں ایک سو تیرہ ہوگئی

۔۔۔۔۔۔۔۔۔۔۔۔۔۔۔۔۔۔۔۔۔۔

صحت سے ہاتھ دھونے سے بہتر ہے ،، ہاتھ بار بار دھوئیں،،، کورونا سے گھبرائیں نہیں دانشمندی سے خطرہ کم کریں، دوسروں سے ہاتھ نہ ملائیں، اپنے چہرے کو نہ چھوئیں، موبائل فون بھی صاف رکھیں، ہم نیوز کے ذریعے ڈاکٹرز کے مشورے

۔۔۔۔۔۔۔۔۔۔۔۔۔۔۔۔۔۔۔۔۔

کورونا سے احتیاط کیلئے ہم نیٹ ورک کا ذمہ درانہ اقدام ،،،کم سے کم انتہائی ضروری اسٹاف کو دفتر آنے اور باقی ملازمین کو گھر سے دفتری امور سرانجام دینے کی ہدایت،،ہم نیٹ ورک کورونا وائرس سے بچاؤ کیلئے عالمی ادارہ صحت کی ہدایات کے تحت تمام تر اقدامات کررہا ہے،،، دفاتر میں اسٹاف کیلئے ہینڈ سینیٹائزرز، گلوز اور فیس ماسک کی فراہمی کو یقینی بنایا گیا ہے

۔۔۔۔۔۔۔۔۔۔۔۔۔۔۔۔۔۔۔۔۔

ایم کیو ایم ارکان اسمبلی کا ایک ماہ کی تنخواہ کرونا فنڈ میں دینے کا اعلان، عوام میں ایک لاکھ سینیٹائزر بھی تقسیم کرینگے، متحدہ قومی موومنٹ کے رہنما خالد مقبول صدیقی کہتے ہیں کراچی کی 27 عمارتوں میں آئسولیش وارڈ بنائے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔

کوشش ہے عوام کو ضروری ادویات مناسب قیمتوں پرملیں، وزیراعظم عمران خان کی زیر صدارت ڈریپ کارکردگی کاجائزہ اجلاس ،، زندگی بچانے والی ادویات کی دستیابی پر بریفنگ دی گئی ،،وزیراعظم کہتے ہیں
ڈرگ ریگولیٹری اتھارٹی کو مکمل فعال کرنے کےلیے کوششیں تیز کی جائیں ،ڈاکٹروں اور شعبے سے منسلک افراد کو کوئی پریشانی نہیں ہونی چاہیے
۔۔۔۔۔۔۔۔۔۔۔۔۔۔۔۔۔۔۔

‏پاکستان سمیت ایشیائی ممالک کی معاشی شرح نمو کم رہے گی، موڈیزکی رپورٹ کے مطابق ‏پاکستان کی معاشی شرح نمو 2اعشاریہ5 فیصد ہوگی ،،طلب میں کمی سے معاشی ترقی کی شرح متاثر
۔۔۔۔۔۔۔۔۔۔۔۔۔۔۔۔۔۔۔۔۔۔

سابق وزیر اعظم لندن گئے تو پی آئی اے کا جہاز وہاں کھڑا رہا،،، انہیں کس نے ایسا کرنے کی اجازت دی ،،چیف جسٹس کے پی آئی اے کیس میں ریمارکس،، کہا جس نے گلگت گھومنا ہو وہ خاندان کے ساتھ جہاز لے کر چلا جاتا ہے،،سپریم کورٹ نے سی ای او ایئر مارشل ارشد ملک کو فرائض جاری رکھنے کی اجازت دے دی

۔۔۔۔۔۔۔۔۔۔۔۔۔۔۔۔۔۔۔۔۔

نندی پور ریفرنس میں راجہ پرویز اشرف کی بریت کی درخواست مسترد ، ملزمان کے خلاف نندی ریفرنس کا ٹرائل جاری رکھنے کا فیصلہ،،،،، احتساب عدالت کے جج محمد اعظم خان نے محفوظ فیصلہ سنا دیا

۔۔۔۔۔۔۔۔۔۔۔۔۔۔۔۔۔۔۔۔۔۔

رائیونڈ لاہور کی مارکیٹ میں آتشزدگی ،، ریسکیو نے چار گھنٹے بعد آگ پر قابو پالیا،، ،، آگ لگنے سے 45 دکانیں جل گئیں

۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث فضائی آپریشن بھی بری طرح متاثر،،، علامہ اقبال انٹرنشنل ائیر پورٹ پر بیرون اور اندورن ملک آنے جانے والی 25 پروازیں منسوخ،،، ملک کے پانچ ایئر پورٹس سے بین الاقوامی فضائی آپریشن شروع کرنے کا فیصلہ، فیصل آباد، ملتان، سیالکوٹ، پشاور اور کوئٹہ شامل، سول ایوی ایشن کے مطابق، اکیس مارچ سے آپریشن دوبارہ بحال ہو گا

۔۔۔۔۔۔۔۔۔۔۔۔۔۔۔۔۔۔

لاہورسیالکوٹ موٹروے ٹریفک کےلیے کھول دی گئی ،،، سیالکوٹ سے لاہور کا فاصلہ ڈھائی گھنٹے سے کم ہوکرپچاس منٹ تک رہ گیا، ایف ڈبلیو او نے موٹروے کی تکمیل مکمل کی ،، کورونا کے باعث موٹروے کی آج ہونے والی افتتاحی تقریب منسوخ کر دی گئی

۔۔۔۔۔۔۔۔۔۔۔۔۔۔۔۔۔۔

کورونا کا خطرہ ،،،، امریکہ کا معاشی بحران سے نمٹنے کے لیے ایک ٹریلین ڈالر پیکج کا اعلان،،، امدادی پیکج میں سے دو سو پچاس ارب ڈالر براہ راست شہریوں میں تقسیم کیے جائیں گے،،، آئی ایم ایف نے وینزویلا کی قرض کے لیے درخواست مسترد کر دی،،، وینزویلا نے کورونا سے نمٹنے کے لیے 5 ارب ڈالر قرض کی درخواست کی تھی

۔۔۔۔۔۔۔۔۔۔۔۔۔۔۔۔

انیس سو پینسٹھ کی جنگ میں دشمن بھارت کے ایک منٹ سے بھی کم وقت میں پانچ لڑاکا طیارے گرانے والے پاک فضائیہ کے شاہین ایم ایم عالم کی آج ساتویں برسی ،،، شاندار کارنامہ آج بھی سننے والوں کو حیرت میں ڈال دیتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کلاسیکل دھن پر ہاتھ دھونے کا طریقہ ،،، ایران کے کامیڈین نے عوام کو کورونا سے بچاو کے لیے انسٹاگرام پر بار بار ہاتھ دھونے کا پیغام دیا

About The Author

ویب ڈیسک

See author's posts