پریس کونسل آف انڈیا کی تین رکنی کمیٹی کشمیر کا چار روزہ دورہ کرے گی
پریس کونسل آف انڈیا کی تین رکنی کمیٹی کشمیر کا چار روزہ دورہ کرے گی اور یہ کمیٹی سنیچر سے دورے کا آغاز کرے گی۔
ساؤتھ ایشین وائر کے مطابق پریس کونسل آف انڈیا (پی سی آئی) کی تین رکنی ٹیم ہفتے کو سرینگر پہنچے گی جہاں وہ وادی کے صحافیوں، کے ساتھ ملاقات کرے گی۔
جموں و کشمیر اطلاعات و رابطہ عامہ کی ڈائریکٹر سحرش اصغر نے بتایا کہ ‘پی سی آئی نے انہیں مطلع کیا ہے کہ رواں ماہ کی 14 تاریخ سے ان کی ٹیم کے دورے کے لیے تیاریاں کی جائیں۔’
ذرائع کا کہنا ہے کہ مذکورہ ٹیم ہفتے کو کشمیر پہنچے گئی اور 17 مارچ کے بعد واپس دہلی روانہ ہوگی۔
پانچ اگست کے بعد جموں و کشمیر میں مواصلاتی نظام خاص کر انٹرنیٹ پر عائد پابندی سے صحافیوں کو شدید مشکلات کا سامنا کرنا پڑا لیکن پی سی آئی کی طرف سے اس پر کوئی بیان سامنے نہیں آیا تھا۔
پی سی آئی نے انتظامیہ کی جانب سے قدغنوں کا دفاع کرتے ہوئے کہا تھا کہ ‘ملک کی سالمیت اور حفاظت کے لیے مواصلاتی نظام اور انٹرنیٹ پر پابندی عائد کرنا جائز تھا۔’
پی سی آئی کے اس بیان پر بھارت میں صحافیوں کی انجمنوں نے برہمی کا اظہار کرتے ہوئے اس پر شدید نکتہ چینی کی تھی۔
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
حکایت :مولوی لطف علی۔۔۔||رفعت عباس
حکایت: رِگ ویدوں باہر۔۔۔||رفعت عباس