مارکا خدا دا ناں منو۔۔۔۔ اجرک ڈے تے سرائیکی قومی کلچرل ڈے مناونڑ ءچ زمین اسمان دا فرق ء ۔۔۔۔۔ قومی لباس قومی شناخت دی، ثقافت دی سنجانڑ ہوندے ہک جز ہوندے کل نئیں ہوندا ۔۔۔۔۔
قومی سنجانڑ تے شناخت ثقافت ہوندی ہےجیندے اندر صرف کلھی اجرک نئیں بھل زبان بولی الا سُر تال لباس ورت ورتا رویہ،اخلاقیات ادب آرٹ میوزک مزاج بٹ مذاق کھاونڑ پکاونڑ وسب کسب، تاریخی قومی اجتماعی بیانیہ تے ایویں ڈھگ بۓ سارے کرتنڑ ورتنڑ ہوندن جنہاں کوں تاریخ دا پھینٹا لگدے ارتقا تھیندےول ونج تے کتھائیں قومی سنجانڑ دی ثقافتی شکل بنڑدی ہے۔۔۔۔۔۔
ایویں لگدے اجرک اجرک کر تے کوئی اساکوں کہیں پاسے ٹوری ویندے ۔۔۔۔ یار سدھی گالھ اے ہے جو اساں چھی مارچ کوں اج دے جہاڑے اپنڑاں قومی لباس بطور علامت پاؤں بھانویں نیلی اجرک تے بھانویں چنی آلا ست رنگا پٹکہ تے بھانویں میانوالی آلی جتی یا کہروڑ پکا لودھراں آلا کھسہ یا فریدی رومال کجھ وی ہو وے پر اساکوں اج دے جہاڑے باقی قوماں توں وکھرا ڈسے ۔۔۔۔۔ پر جیکر سرائیکی کلچرل ڈے دی بجاۓ چنی ڈے اجرک ڈے چولا شلوار ڈے ٹوپی ڈے پٹکا ڈے مناونڑ کھڑ ونجوں تے وت سرائیکی قومی ثقافتی ڈے کتھ گیا؟
۔۔۔۔۔ نیلی اجرک پا تے بھانویں چُنی دا ست رنگا پٹکا بدھ تے اساکوں اجرک ڈے دی بجاۓ سرائیکی قومی کلچرل ڈے مناونڑاں چاہئدا ہے۔۔۔۔۔۔۔۔ جیویں پاکستان دی بئی ساریاں قوماں اپنڑے کلچر ڈے اپنڑے مخصوص قومی لباس پاتے اپنڑی ثقافتی محفلاں کٹھ جھمر تاڑی کریندن ۔۔۔۔۔۔۔ تہاڈا شہزادعرفان
About The Author
اے وی پڑھو
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر
موہری سرائیکی تحریک دی کہاݨی…||ڈاکٹر احسن واگھا