امن معاہدے کے بعد امریکہ کا افغان طالبان پر پہلا فضائی حملہ

دوحہ امن معاہدے کے بعد امریکہ نے صوبہ ہلمند میں طالبان کے ٹھکانوں پر پہلا فضائی حملہ کردیا

امریکی فوج کے ترجمان کے مطابق گزشتہ 11 دنوں میں طالبان کے خلاف کیا گیا یہ پہلا حملہ ہے دوسری جانب افغان طالبان نے امن معاہدے کی شرائط پر عملدرآمد کا یقین دلا دیا ۔ اپنے بیان میں افغان طالبان کے ترجمان سہیل شاہین نے کہا کہ ہم امن معاہدے کی شرائط پر عملدرآمد کریں گے ۔ لیکن دوسرے فریق کو بھی معاہدے پر عملدرآمد میں درپیش رکاوٹیں دور کرنی چاہیں۔

رائٹرز کے مطابق ترجمان امریکی فوج کا کہنا ہے کہ افغان امن عمل کے شراکت داروں کا دفاع کرنا ان کی ذمہ داری ہے۔

امریکہ نے مطالبہ کیا ہے کہ طالبان افغان فوجیوں پر حملے فوری بند کریں۔ اس سے پہلے طالبان نے افغان افواج پر حملے دوبارہ شروع کرنے کا اعلان کیا تھا۔ جس کے بعد طالبان نے 16 صوبوں کی چیک پوائنٹس پر متعدد حملے کیے۔

افغان طالبان کے ترجمان سہیل شاہین کہتے ہیں کہ ہم امن معاہدے کی شرائط پر عملدرآمد کریں گے ۔ لیکن دوسرے فریق کو بھی معاہدے پر عملدرآمد میں درپیش رکاوٹیں دور کرنی چاہیں ۔

وزیرخارجہ شاہ محمود قریشی کہتے ہیں کہ افغانستان سے14ماہ میں امریکی افواج کا مکمل انخلا ہوگا، طالبان نےبھی امریکہ کوباورکرایاکہ افغان سرزمین کسی کےخلاف استعمال نہیں ہوگی، قیدیوں کی رہائی یکطرفہ نہیں دوطرفہ ہے۔

About The Author

نمائندہ

See author's posts