لاش لڑکاوݨ غیر انسانی اے۔۔۔حسن مرتضی

بلکل ٹھیک پئے آہدے او لاش لڑکاوݨ تے غیر انسانی اے ۔ پر غور کرو تے ہر پراسس دے پچھو تساں آپ کھڑو ۔ تہاݙے کیتے جبر تے ہک پاسے تساں ساری عوام کو ہک زومبی بݨا ݙتے جیرھے کہیں ویہلے کہیں دی گچی تے اپݨے خونی ݙنݙ لا تے خون پیوݨ کیتے تیار ودن
کتھاں او لوک جیہرھے مہمان دے آوݨ تے خوش تھیندے ہن ٹکر پاݨی لسی رات دا گپ شپ لا مہمان کوں اݨجاݨ مسافر کوں دیوتا سمجھدے ہن۔ اج او انسانی روایات کتھاں گئین ۔ ایندے قاتل صرف تساں او۔
خطے تے انگریزاں دی ماری لکیر توں پہلو ہندو مسلم سکھ سارے رل مل ہسدے وسدے ہن۔ پہلے مسلمان اتے ہندو آپت اچ سے جیݙی نفرت ونڈائی گئی جو اج او ہک بئے کوں کھاوݨ لٹݨ پو گے تے ݙاہ لکھ انساناں دا قتلام تھیا۔
ول تساں ہک مخصوص مذہبی گروہ کوں کافر کرن دے چکر وچ لوکیں کو پا ݙتا جو او تہاݙی ڈرائنگ روم سیاست کنوں بے خبر رہون ۔ اتلا نفرت جو اوں گروہ کوں بنی قریظہ وانگ قتل کرن دے ہوکے آون پوگے۔
ول جہاد ڈالر اچ تساں نسل کو وحشی بݨایا جو کلاشنکوف چلا تے ماری کٹی او اے اصل جہاد اے ۔ کافر کافر جو نا مانے وہ بھی کافر دے نعرے تہاݙی سرپرستی اچ لگیے. تہاݙے پالیے نانگ 150 معصوم بالاں کوں قتل کریندے رہیے تے دلیلاں ݙینݙے رہیے ۔ تہاݙی ݙومونہی گیم اچ جہادی غریب سپاہیاں دے سریں نال فٹ بال کھیݙدے رہیے ۔
تساں اتلا گند نصاب دے ذریعے نسل اچ منتقل کیتا جو اوندے نزدیک زندگی دا مشن دہلی تے جھنڈا لاوݨ تے انڈیا کوں بربات کرݨ اے۔ جہاد جہاد کھیݙ تے گستاخ گستاخ کھیݙ تے سیاسی مقصد حاصل کیتے ۔ پچھو ہک نسل برباد تھی گئی ۔ جیرھی قتل کرن واسطے گستاخ، فتح کرن واسطے جہاد تے ریپ کرن واسطے کشا گول گول آختہ تھی ودی اے۔
اج ہک جج تہاݙے فیملی ممبر کوں ترائے ڈھینوار ڈی چوک لڑکاوݨ دا آکھیس تے کیرھی قیامت نازل تھی پئی. اے تہاݙے ݙتے سبق ان ۔
اج وی ایں قوم کنے پچھو اے آکھسن فلانے دی سزا سر تن سے جدا۔ گولی مار ڈیو ۔ مار تے گھیلو۔
گالھ ہݨ مکسی نا تساں وی گھیلیے ویسو۔
ایں زومبی معاشرے کو ول انسان بݨاوݨے تے قومی شناختاں تسلیم کرو. مقامی زباناں کوں عزت ڈیو۔ بلھے شاہ ، شاہ حسین، فرید ، پڑھاؤ ۔ بھٹائی پڑھاؤ۔
اشو لال کوں پڑھاؤ ۔ انھاں کو درندہ بݨاوݨ دے بجائے انسان بݨاؤ۔ ناتے فیصلے جݙاں لڑکایا پہلو کوئی بیا تہاکوں لڑکیسی اتے شئیت ترائے ڈھین نا ترائے صدیاں واسطے لڑکیے رہسو

About The Author

ویب ڈیسک

See author's posts