اسلامک انٹرنیشنل یونیورسٹی اچ سرائیکی شاگرداں تے جمیعت دی بھڑاند کیوں تھئی؟

پہلے سرائیکی اسٹوڈنٹس کونسل دے چیئرمین اتے سیکریٹری جنرل تے اسلامی جمعیت طلباء حملہ کیتے ول سرائیکی، سندھی، بلوچ اتے پشتون طلباء دے اتحاد جمعیت دی ہک تقریب وچ ونج تے احتجاج کیتے جتھاں جمعیت دے طلبہ اسلحہ کڈھ گھدے، ایڈوں پختون طلبہ وی اسلحہ کڈھ گھدے اتے تصادم تھی گئے۔ اے واقعہ اسلامی یونیورسٹی اسلام آباد وچ تھئے۔ اے تقریب یونیورسٹی وچ تھیندی پئی ہئی اتے جماعتِ اسلامی دا نائب امیر لیاقت بلوچ ایں تقریب وچ آیا ہویا ھا۔ اے بدقسمتی دی گالھءِ جو پنجھا سالھ پہلے تعلیمی اداریاں وچ غنڈہ گردی دا منڈھ لیاقت بلوچ بدھا ہا۔ پاکستان وچ طلبہ سیاست وچ اسلحہ دا استعمال وی لیاقت بلوچ شروع کیتے۔ لیاقت بلوچ وی ملتان دا سرائیکی ھے پر او قوماں دے وجود کوں نہیں منیندا۔ اسلامی یونیورسٹی ، اسلامی جمعیت طلباء دے ہتھوں نکل گئی ہئی اتے اتھاں پاکستانی قومیں دے شاگردیں دا زور ودھ گیا ہا۔ ایں واسطے جمعیت سبھ توں زیادہ پُرامن سرائیکی اسٹوڈنٹس کونسل دے عہدیداراں تے حملہ کرتے فساد دا منڈھ بدھے ۔ پاکستان وچ طلباء یونین بحالی دی تحریک کوں بدنام اتے زہر آلود کرن واسطے جمعیت پنجھا سالھ پُرانے سیاسی دہشت گرد لیاقت بلوچ کوں اگوں گھن آئیءِ۔ لیاقت بلوچ دا سکا بھرا سعادت بلوچ ہک قاتل تے عادی مجرم ہا اتے اونکوں چالھی سال پہلے ملتان جیل پھاسی ڈتی گئی ھئی۔ صرف بھینیں اتے بھراویں کوں باخبر کرن سانگے اصل صورتحال ڈسائی گئیءِ۔

علی نقی عمارچیئرمین سرائیکی سوڈنٹس کونسل اسلامک یونیورسٹی ایں واقعے بارے اپنے ردعمل اچ ڈسائے جومیں ساڈھے پنج وجے یونیورسٹی اچ ہم جوجمعیت دے کارکناں نے میڈے تے حملہ کرڈتے۔لوہے دے راڈ مارے گئے جیندے نال میڈا  سر تے چہرہ زخمی تھی گئے ۔
سرائیکی کونسل دے ڈو سنگتی میکوں  پمز گھن گئے جتھاں  میڈے ابتدائی علاج دی فائل موجود ہے جو میں کتنے وجے پمز اچ ہم ۔پمزتوں ول  میں نجی ہسپتال آگیا۔
انہاں آکھیا میکوں نی پتہ جو بعد میں کیرھے وقت کیا واقعہ تھئےمرن والے طالبعلم دے قتل دی تحقیقات تھیونی  چاہیدی ہے جو کون ذمہ دار ہے۔
سرائیکی کونسل دے ڈوعہدیدار میڈے  نال پمز ہن تاں وت جمعیت تے حملہ کیں کیتے میکوں نی پتہ ۔
قائدعلی عمار نقی توں سوال کیتا گیا جو اعظم یونیورسٹی توں سرائیکی سٹوڈنٹس کونسل تےپشتون سٹوڈنٹس کونسل دے طلبا اسلامک انٹرنیشنل  یونیورسٹی آئے ہن ؟
علی عمار آکھیا اساں تاں ہسپتال ہاسے ساکوں نہیں پتہ آئے ہن  یا کوئنا؟

About The Author

dailyswail

See author's posts