شائقین کرکٹ کے ساتھ ساتھ قومی کرکٹرز بھی پاکستان میں ٹیسٹ کرکٹ کی بحالی پر بہت خوش ہیں۔
کرکٹرز نے عوام سے اپیل کی ہے کہ اسٹیڈیم میں جا کر دونوں ٹیموں کو اسپورٹ کریں اور ملک میں کرکٹ کی واپسی کا جشن منائیں۔
لیجنڈی بیٹسمین جاوید میانداد قومی کھلاڑیوں کو مشورے دینے کراچی سے راولپنڈی پہنچ گئے۔
پاکستان میں دس سال کے بعد کرکٹ کی واپسی پر قومی کرکٹ اسٹارز نے خوشی کا اظہار کیا۔۔۔۔
لیجنڈری بیٹسمین جاوید میانداد کھلاڑیوں کا حوصلہ بڑھانے پنڈی کرکٹ اسٹیڈیم پہنچ گئے،،،،جہاں انھوں نے کھلاڑیوں کو مفید مشورے دیے۔
سابق اور موجودہ کھلاڑیوں نے ویڈیو پیغامات کے ذریعے قوم کو مبارک باد دی۔
قومی ٹیم کے سابق بیٹسمین محمد یوسف نے اپنے پیغام میں سری لنکن ٹیم کا شکریہ ادا کیا اور پاک سری لنکا سیریز کے لیے نیک تمناوں کا اظہار کیا۔
فاسٹ باولر عمر گل نے شائقین کرکٹ سے اپیل کی کہ میچ دیکھنے جائیں اور دونوں ٹیموں کو اسپورٹ کریں،کیونکہ کوئی بھی جیتے جیت کرکٹ کی ہو گی۔
فاسٹ باولر نسیم شاہ نے اپنی مادری زبان پشتو میں شائقین کرکٹ سے اپیل کی کہ گراونڈ میں جا کر اپنی ٹیم کا جذبہ بڑھائیں۔
اوپنر بلے باز امام الحق نے بھی پاکستان میں ٹیسٹ کرکٹ کی واپسی کو خوش آئند قرار دیا۔
About The Author
اے وی پڑھو
بھارت کو فائنل میں عبرتناک شکست، پاکستان نے ایشیا ایمرجنگ کپ جیت لیا
لاہور میں پاکستان کا سب سے اونچا پرچم نصب کیا جائے گا
برلن میں جاری اسپیشل اولمپیکس میں قومی سائیکلسٹ کی نمایاں کارکردگی