ساݙی کہاݨی ساݙی نئیں
ساݙی کہانی ازلوں ٹری اساں ٹرے اسمانوں
کئی کردار نبھا تے ویسوں تیݙے جگ جہانوں
آپ کہاݨی چپ چپ رہندی کن دیوچ کجھ آہدی نئیں
ساݙی کہانی ساݙی نئیں
ساݙی کہانی اندر ملسن سسی پنل تے رانجھے
آدم بھانویں اج دا بندہ سب دے ݙکھ ان سانجھے
پکھی وصال دے آ باہون کوئی ایہو جئیں اے وادی نئیں
ساݙی کہاݨی ساݙی نئیں
ساݙی کہاݨی کوئی نا تریمت نا کوئی مرد سݙاوے
ساݙی کہاݨی ہر ہر جی بس عشق دا روپ وٹاوے
کوئی نا سݨ تے وقت ونجاوے یار سنݨ دے ݙا دی نئیں
ساݙی کہاݨی ساݙی نییں
اساں کہاݨی دے کردار اچ اجاں کلہوکے آئے
خبرے کتلا مد توں چلدی، بندے چوکھے آئے
اجاں پریں ہن عشق سوغاتاں، ہجر دی ماکھی کھادی نئیں
ساݙی کہاݨی ساݙی نئیں
اساں وی اے کردار نبھیندیں اگو پندھ کریسوں
بعد فنا دے چلدی رہوے ہر ہک کوں سمجھیسوں
وسمݨ آپ اچ آپ وصال اے وسمݨ تاں بربادی نئیں
ساݙی کہاݨی ساݙی نئیں
About The Author
اے وی پڑھو
ریاض ہاشمی دی یاد اچ کٹھ: استاد محمود نظامی دے سرائیکی موومنٹ بارے وچار
خواجہ فرید تے قبضہ گیریں دا حملہ||ڈاکٹر جاوید چانڈیو
محبوب تابش دی درگھی نظم، پاݨی ست کھوئیں دا ||سعدیہ شکیل انجم لاشاری