رائے پور: بھارت کی ریاست چھتیس گڑھ اپنے اندر بہت ساری روایات کو سمیٹے ہوئے ہے۔ موجودہ بھوپیش بگھیل کی حکومت بھی مسلسل چھتیس گڑھ کی روایت کو پوری دنیا تک پہنچانے کے لیے مصرف عمل ہے اور اس کے لئے مستقل کوششیں کررہی ہے۔
ایسی صورتحال میں حکومت کے اندر کام کرنے والے سرکاری اہلکار بھی پیچھے نہیں رہنے والے ہیں۔ ایسی ہی ایک خاتون افسر کی ویڈیو سوشل میڈیا پر وائرل ہو رہی ہے۔ جس میں خواتین افسر دیہی خواتین کے ساتھ مل کر چھتیس گڑھ کا روایتی ‘سوا’ ڈانس کرتی ہوئی نظر آتی ہیں۔
ڈپٹی کلکٹر کے عہدے پر فائز خاتون افسر روچی شرما، لورمی میں ایس ڈی ایم کے عہدے پر تعینات ہیں۔
ساؤتھ ایشین وائر کے مطابق خاتون ڈپٹی کلکٹر ‘لورمی ایس ڈی ایم آفس’ کے احاطے میں دیہی خواتین کے ساتھ رقص کرتی دکھائی دے رہی ہیں۔
دیہی خواتین بھی خاتون آفیسر کے ساتھ ڈانس کرتے ہوئے کافی خوش نظر آ رہی ہیں۔دیہی خواتین کے ساتھ خواتین افسر کے ‘سوا رقص’ کی ہر جگہ تعریف کی جارہی ہے۔
لوگ سوشل میڈیا پر اس افسر کی تعریف کر رہے ہیں۔سوشل میڈیا پر وائرل ویڈیو پر روچی شرما کا کہنا ہے کہ ‘کچھ دیہی خواتین آفس کے احاطہ میں رقص کرنے آئی تھیں۔ جسے دیکھ کر ان کا بھی دل مچل گیا اس لئے وہ بھی ان کے ساتھ ڈانس کرنے لگیں۔
روچی کا کہنا ہے کہ ‘چھتیس گڑھ کی ایسی روایات اور لوک فن کے تحفظ کے لئے ہر ایک کو ہمیشہ کوشش کرنی چاہئے۔
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
حکایت :مولوی لطف علی۔۔۔||رفعت عباس
حکایت: رِگ ویدوں باہر۔۔۔||رفعت عباس