اسلام آباد: پاکستان پیپلز پارٹی کے چیئرمین بلاول بھٹو زرداری کا کہنا ہے کہ اس ملک کے عوام کسی کٹھ پتلی اور سلیکٹڈ کے سامنے سرجھکانے کوتیارنہیں۔
اسلام آباد میں جمعیت علمائے اسلام (ف) کے آزادی مارچ میں جلسے سے خطاب میں بلاول بھٹو نے کہا کہ اس ملک کے عوام کٹھ پتلی اور سلیکٹڈ سے آزادی چاہتے ہیں، شہید محترمہ بینظیر بھٹو نےدہشتگردوں کے آنکھوں میں آنکھیں ڈال کر جام شہادت نوش کیا،آپ کے ہمارے جمہوری حقوق چھینے جا رہے ہیں۔
"اس ملک میں جس جمہوریت کیلئے پاکستان پیپلز پارٹی کی قیادت اور کارکنان نے قربانیاں دیں آج اس ہی جمہوریت اور عوام کے جمہوری حقوق پر حملے کیے جارہے ہیں"۔
چیئرمین پاکستان پیپلز پارٹی بلاول بھٹو زرداری کا آزادی مارچ کے شرکاء سے خطاب @BBhuttoZardari
(2/2) pic.twitter.com/SwIpSmW0Pr— PPP (@MediaCellPPP) October 31, 2019
بلاول نے مزید کہا کہ الیکشن میں سلیکشن کرا کر دھاندلی کی جاتی ہے، کٹھ پتلی وزیر اعظم معیشت پر حملہ کرتا آ رہا ہے،کٹھ پتلی حکومتیں عوام کا خیال نہیں رکھتیں،جب سے عمران خان کی حکومت آئی ہے عوام کا معاشی قتل کیا جا رہا ہے۔
چیئرمین پیپلز پارٹی نے کہا کہ ٹیکسز کے طوفان اور مہنگائی کے سونامی سے عام آدمی کا معاشی قتل کیا جا رہا ہے،پنشنز میں اضافہ نہ کر کے بزرگوں کو معاشی طور پر قتل کیا جا رہا ہے۔
بلاول بھٹو زرداری نے کہا کہ اب وقت آ گیا ہے کہ سلیکٹڈ وزیر اعظم کو جانا پڑے گا۔
آزادی مارچ سے اسفندیار ولی خان ،خواجہ آصف اور دیگر رہنماؤں نے بھی خطاب کیا
خیال رہے کہ جے یو آئی ف نے 27 اکتوبر کو ملک بھر میں آزادی مارچ شروع کیا تھا اور اس مارچ کو 31 اکتوبر کو اسلام آباد پہنچنا تھا۔ حکومت اور اپوزیشن کی رہبر کمیٹی کے درمیان معاہدہ ہوا ہے کہ مارچ کے شرکاء اسلام آباد کے ایچ 9 گراؤنڈ میں پرامن جلسہ کریں گے اور وہاں سے آگے نہیں جائیں گے۔
بلاول بھٹو اور عوامی نیشنل پارٹی کے سربراہ اسفند یارولی کو بھی جلسے میں شرکت کیلئے 31 اکتوبر کا وقت دیا گیا تھا تاہم مولانا فضل الرحمان کی قیادت میں آزادی مارچ کا مرکزی قافلہ اسلام آباد میں تو داخل ہوگیا ہے لیکن جلسے کے مقام پر نہیں پہنچا جس پر چیئرمین پیپلز پارٹی نے کہا کہ وہ از خود ہی جلسے سے خطاب کردیں گے۔
یکم نومبر کو پیپلز پارٹی کو رحیم یار خان میں بھی جلسہ کرنا ہے البتہ جے یو آئی ف کی قیادت کی درخواست پر بلاول نے کہا ہے کہ وہ وقت نکال کر دوبارہ آزادی مارچ کے جلسے میں شرکت کرنے کی کوشش کریں گے۔
ادھر پاکستان مسلم لیگ ن نے بھی اپنے بیان میں کہا ہے کہ آزادی مارچ کا اہم جلسہ جمعے کو ہوگا جس میں مولانا فضل الرحمان اور شہباز شریف خطاب کریں گے۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ