شاہد آفریدی دے بیان دی مذمت کریندے ہیں، اکبر خان ملکانی

ڈیرہ غازی خان : پاکستان عوامی سرائیکی پارٹی دے اگوان اکبر خان ملکانی آکھئے جو سرائیکی خطے دے وچ پشتون کمیونٹی کوں ہک مخصوص مقصد دے تحت مسلسل بڑھاوا ڈتا ویندا پئے۔ تاکہ پاکستانیت دی اڑ دے وچ سرائیکی لوکیں کوں انہیں دی اجتماعی سرائیکی شناخت کنوں محروم کیتا ونجے۔لیکن اے مذموم کوششاں نہ کڈاہیں کامیاب تھئین۔اور نہ کڈاہیں کامیاب تھیونڑ ڈیسوں۔ اکبر خان ملکانی آکھئے جو اساں شاھد افریدی دے کل غازی یونیورسٹی دیرہ غازیخاں اچ اوندی ایں تقریر دی پرزور مذمت کریندے اوں۔جیندے اچ اوں سرائیکی دھرتی تیں کھڑ کیں سرائیکی سٹوڈنس کوں مخاطب تھی کیں اکھیئے۔کہ تساں سرائیکی نہ بنڑو۔کیا اساں سرائیکی ایہا گال پٹھانڑیں کوں خیبر پختونخواہ اچ ونج کیں اکھ سگدے ہیں۔کہ پٹھانڑ پٹھانڑ بنڑ کیں نہ رہن۔میکوں تیں نئیں لگدا کہ میکوں پختونخواہ وچ کوئی بندہ یاکوئی پٹھانڑ اپڑیں مادری شناخت دے خلاف گال کرنڑ ڈیسی۔وت اتھاں کیویں شاھد افریدی سرائیکی وسیب ساڈے گھر اچ کھڑ کیں کئی ہزار سٹو ڈنس کوں اے جیرھی گال کر گئے تیں اوکیویں کر گئے ۔اور کیوں کر گئے۔میکوں اپڑیں پوری سرائیکی قوم دی رائے درکار اے۔جیوو پئے۔سرائیکستان زندہ باد۔اکبر خاں ذات ملکانڑیں قوم سرائیکی

About The Author

dailyswail

See author's posts