اسلام آباد: جمعیت علمائے اسلام (ف) کے سربراہ مولانا فضل الرحمان نے27 اکتوبر کو کارکنان کو پرامن طور پر وفاقی دارالحکومت اسلام آباد کا رخ کرنے کی ہدایت کردی۔
انہوں نے یہ ہدایت آج پارٹی رہنماؤں کے اعلیٰ سطح کے اجلاس کی صدارت کرتے ہوئے دی ۔ اجلاس میں سینیٹر مولانا عطاء الرحمان ،علامہ راشد سومرو، مولانا سعید یوسف اور عبداللہ خیلجی سمیت دیگر شریک تھے۔
سینیٹر طلحٰہ محمود، ایم این اے آغا محمود شاہ، ایم این اے مفتی عبدالشکور، ڈاکٹر عتیق الرحمن اور خواجہ مدثر تونسوی بھی اجلاس میں شریک تھے۔
جمعیت علمائے اسلام (ف) کے سربراہ نے اجلاس کے دوران شرکاء کو ہدایت دی کہ آزادی مارچ کے انتظامات کو جلد حتمی شکل دیں۔
مولانا فضل الرحمان نے کہا کہ کارکنان کسی بھی منفی پروپیگنڈہ کا حصہ نہ بنیں اور اپنی تیاریوں کو تیز کریں۔
اجلاس میں آزادی مارچ کے انتظامات کا جائزہ لیا گیا جبکہ کارکنوں اور پارٹی رہنماؤں کو بلاوجہ پولیس کی جانب سے تنگ کرنے پر غور کیا گیا۔اجلاس میں آزادی مارچ کے مقام ڈی چوک کے انتظامات کا جائزہ بھی لیا گیا۔
About The Author
اے وی پڑھو
سیت پور کا دیوان اور کرکشیترا کا آشرم||ڈاکٹر سید عظیم شاہ بخاری
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ