بہاؤالدین زکریا یونیورسٹی ملتان میں بلوچ طلبہ کونسل کے احتجاجی کیمپ کا 9واں دن

بلوچ سٹوڈنٹس کونسل ملتان کا بلوچستان اور سابقہ فاٹا کے طالب علموں کا فیس پالیسی لگاؤ کےخلاف احتجاجی کیمپ کا نواں دن ہے جو بہاؤالدین زکریا یونیورسٹی ملتان کےآگے لگایا گیا ہے
جس میں طلبا نے میڈیا سے گفتگو کرتے ہوئے کہا کہ تاحال گورنمنٹ اور یونیورسٹی کی جانب سے ہماری کوئی بات نہیں سن پارہا ،ہم یہاں نو دن ہوئے بیٹھے ہوئے ہیں مگر مجال ہے کوئی ہماری بات سنے
انہوں نے حکومت سے مطالبہ کرتے ہوئے کہا کہ وہ ہمارے اس مسئلے کوحل کرنے میں ہماری مددکریں اور اس نئی پالیسی کو واپس لیں
انہوں نے گورنرپنجاب چوہدری سرور سےاپیل کرتے ہوئے کہا وہ بحثیتِ چانسلر بی زیڈیو ملتان فیس وصولی کےحکمنامہ کو واپس لیں اور یونیورسٹی انتظامیہ کوپرانی پالیسی پر پابند رکھیں

واضح رہے احتجاجی کیمپ کی بجلی کی کنکشن کاٹ دی گئی ہے جس کی بلوچ سٹوڈنٹس کونسل ملتان کےچئیرمین وقاربلوچ نے مذمت کرتے ہوئے کہا کہ اب یونیورسٹی اوچھے ہتھکنڈوں پراترآئی ہے وہ ہرصورت ہمارے کیمپ کو اکھاڑنا چاہتے ہیں مگرایسے اوچھے ہتھکنڈوں سے ہمیں کوئی دبا نہیں سکتا ہمارا احتجاج مطالبات کے منوانے تک جاری رہے گا ،ہم ہرگز پیچھے نہیں ہٹیں گے ہم احتجاج کرتے رہیں گے ایسے اوچھے ہتھکنڈوں سے ہماری عزم کوآپ پست نہیں کرسکتے ،اس عزم سے ہماری جدوجہد کومزید تقویت مل رہی ہے ہم محاذ پہ ڈٹے ہوئے ہیں ہم کسی بھی صورت اپنے مقصد سے دستبردار نہیں ہوں گے
انہوں نےحکومت اور گورنرپنجاب سے مخاطب ہوتے ہوئے کہا کہ وہ ہماری سکالرشپ کو بحال رکھیں تاکہ ہمارے نئے آنے والے طلبا اپنی تعلیمی سفر جاری رکھ سکیں
انہوں نے سیاسی وسماجی تنظیموں سے جدوجہد میں مدد کرنے کی اپیل کی جبکہ ہارون رشید نے میڈیا سے گفتگو کرتے ہوئے کہا کہ گورنر پنجاب بحثیت چانسلر اس معاملہ کا نوٹس لے اور فیس وصول کرنے کی پالیسی کو ختم کریں تاکہ ہمارے نئے آنے والے طلبا تعلیم جاری رکھ سکیں اور انہوں نے بجلی کنکشن کاٹنے کی شدید مذمت کی اور طلبا نے اس کی شدید مذمت کی اور حکومت سے مطالبہ کیا کہ وہ ایسے اوچھے ہتھکنڈوں کے خلاف کاروائی کریں

About The Author

ویب ڈیسک

See author's posts