پاکستان
تو جَھل گِھن
اپݨی پولیس کوں
عدالت کوں فوج کوں
اساں تیݙے شیشے وچ
منہ اپݨا ڈیکھݨ چاہندے
اکھیں اپݨیاں دھوݨ چاہندے
تو رکھ ݙے گولی بَھری بندوق کوں
توں ݙَک گِھن چَلدی ہوئی توپ کوں
تو ساکوں کپڑے وَٹاوݨ باہر آوݨ ݙے
تیݙے کٹھےرہوݨ چاہندے
اپݨی بولی وچ
اپݨے نام نال
صوبے نال
تیݙے کٹھے جیوݨ چاہندے
کݨک تے کپاہ دے حصے نال
امب تے انار دے رَس نال
تیݙے رَلے ٹُرݨ چاہندے
اپݨی سڑک تیں
بال ساݙے ڈر ڳئے ہِن
تریمتیں ڳھابر وچ
تیݙے جھنڈے دا آدر مُکدا پئے
بے وقرا پاسپورٹ تھیندا پئے
تو اپݨی کاوڑ وچوں نکل آ
یہ بھی پڑھیے
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور