مارچ 28, 2024

ڈیلی سویل۔۔ زمیں زاد کی خبر

Daily Swail-Native News Narrative

پاکستان

تو جَھل گِھن

اپݨی پولیس کوں

عدالت کوں فوج کوں

اساں تیݙے شیشے وچ

منہ اپݨا ڈیکھݨ چاہندے

اکھیں اپݨیاں دھوݨ چاہندے

تو رکھ ݙے گولی بَھری بندوق کوں

توں ݙَک گِھن چَلدی ہوئی توپ کوں

تو ساکوں کپڑے وَٹاوݨ باہر آوݨ ݙے

تیݙے کٹھےرہوݨ چاہندے

اپݨی بولی وچ

اپݨے نام نال

صوبے نال

تیݙے کٹھے جیوݨ چاہندے

کݨک تے کپاہ دے حصے نال

امب تے انار دے رَس نال

تیݙے رَلے ٹُرݨ چاہندے

اپݨی سڑک تیں

بال ساݙے ڈر ڳئے ہِن

تریمتیں ڳھابر وچ

تیݙے جھنڈے دا آدر مُکدا پئے

بے وقرا پاسپورٹ تھیندا پئے

تو اپݨی کاوڑ وچوں نکل آ

%d bloggers like this: