،،مجنون،،۔۔۔||فہیم قیصرانی

چپ کر کیں کلھا کندھ دی ٹیک ان لگاں ۔ ھک نوجوان میڈے نال تیکھی ٹوڑ ٹردا آئے ایویں لگدا ھا جیویں اے کہیں ڈھیر الجھن اچ ودا ہووے میڈے نال ان کیں بہندے تے کن اچ ان کیں آھدے "

یار راز نیاز دی گال ہے ڈسیں کہیں کوں ناں”۔ جوان دے دل دی دھڑکن دھک دھک لائ کھڑی ہائی تیں نبض اچ خون وی تیز رفتاری نال گردش کریندا لگدا ھا۔

نوجوان دا چہرہ رتا لال میڈے کن نال منہ لا تیں ول چا گدہے سی ول اہدے "یار ایں وستی اچ صرف میں تیڈے تے اعتماد کرینداں وعدہ کر میڈے اعتماد دا بھرم رکھیسیں”

میں پوچھاں تاں کوئی ولدا نہ ڈیوے ۔ بہرحال او بندہ اکثر میڈے آوس پاوس رھوونڑ لگ گیا اپنڑے راز کوں درد کوں بیان کرنڑ چاھندا ہا پر کر نہ سگدا ۔ ڈینہہ گزردے رہ گئے ھک ڈینہہ کیا ڈیہداں نوجوان کلھا آلیندا بیٹھے تیں کیا آھدا بیٹھے "

محبت کیجھاں وجد ھے توں تیڈا سایہ میڈے وجود تیں تاری تھیوے تیں میں واندے تیں ترنڑ لگ ونجاں،